ԱՄՆ-ի նախկին պետքարտուղար Քիսինջերը նշել Է Ուկրաինայի և Ռուսաստանի հակամարտությունը դադարեցնելու միակ միջոցը

Ուկրաինայի չեզոք կարգավիճակը թույլ կտա ավարտել հակամարտությունը Ռուսաստանի հետ, իր նոր գրքում գրել է ԱՄՆ նախկին պետքարտուղար Հենրի Քիսինջերը: Ինչպես հաղորդում է «ՌԻԱ Նովոստի»-ն, նախկին դիվանագետի կարծիքով, հենց ՆԱՏՕ-ից դուրս Ուկրաինայի գտնվելը թույլ կտա լուծել իրավիճակը:

«Եթե Ուկրաինան անդամակցի դաշինքին, ապա դաշինքի սահմանը կլինի Մոսկվայից 500 կմ հեռավորության վրա, ինչը Ռուսաստանին կզրկի ռազմավարական խորությունից, որին նա միշտ իրավամբ ապավինել է»,- կարծում է նա:

Ինչպես նշել է Քիսինջերը, Ռուսաստանը միշտ առաջատար դեր կխաղա աշխարհում, իսկ «նրա պատմությունն ու ընդարձակությունը կարդարացնեն իր անվտանգության մասին հոգածությունը»:

«ՌԻԱ Նովոստի»-ն հիշեցնում է, որ 2021-ի վերջին Ռուսաստանը հրապարակել է անվտանգության երաշխիքների վերաբերյալ ԱՄՆ-ի հետ պայմանագրի և ՆԱՏՕ-ի հետ  համաձայնագրի նախագծերը։ Մոսկվան պահանջում էր դեպի արևելք դաշինքի հետագա ընդլայնումից, դաշինքին Ուկրաինայի միանալուց և հետխորհրդային երկրներում ռազմաբազաներ ստեղծելուց հրաժարվելու իրավական երաշխիքներ։ Առաջարկները նաև դրույթ էին պարունակում Ռուսաստանի սահմանների մոտ ՆԱՏՕ-ի հարվածային սպառազինությունների չտեղակայման և Արևելյան Եվրոպայում դաշինքի ուժերը 1997-ի  դիրքեր հետ քաշելու մասին։

Մոսկվան 2022-ի փետրվարի 24-ից ռազմական գործողություն է իրականացնում Ուկրաինայում։ Նախագահ Վլադիմիր Պուտինը դրա վերջնական նպատակն է անվանել Դոնբասի ազատագրումը և Ռուսաստանի անվտանգությունը երաշխավորող պայմանների ստեղծումը։

Այս թեմայով Արցախի միակ խանութը, ուր միրգ ու բանջարեղեն է վաճառվում. պետությունը դժգոհ է, բնակիչները՝ գոհ Կյանքից հեռացել է ԿԳՆ հանրակրթության վարչության նախկին պետը Չենք ասում՝ քաղաքի կենտրոնում էլիտար տուն տվեք, կրիշ տվեք, ապրենք․ ՊՆ նախկին շենքի բնակիչ Սեդա Սաֆարյանի լիազորությունները դադարեցնելու հարցով ԱԺ-ն չի դիմի ՍԴ-ին․ բավարար քվե չկա «Փաստ». Ինչպե՞ս են Հովիկ Աբրահամյանի նախկին առանձնատան լուսանկարները հանրայնացվել Հայաստանի և Ռուսաստանի արտգործնախարարները համալիր կքննարկեն երկկողմ համագործակցության զարգացման հետագա քայլերը Դատախազը պահանջում է Գյուլագարակի նախկին ղեկավարի տեղակալի նկատմամբ նշանակել լրացուցիչ պատիժ Կադաստրի նախկին պաշտոնյա Ռ.Հ.-ի և քաղաքացի Տ.Ա.-ի նկատմամբ հարուցվել է հանրային քրեական հետապնդում Մահացել է Հայաստանում Ռուսաստանի նախկին դեսպան Անատոլի Դրյուկովը ԵՄ-ն պետք է ճնշի Ադրբեջանին, որպեսզի բացի Լաչինի միջանցքը. ՆԱՏՕ-ի նախկին գլխավոր քարտուղար