Սպառողական շուկայում 12-ամսյա գնաճը 8.3% է. դեկտեմբերին նախորդ դեկտեմբերի համեմատ սննդամթերքը թանկացել է 10%-ով

Հայաստանի Հանրապետության սպառողական շուկայում 12-ամսյա գնաճը (2022թ. դեկտեմբերը 2021թ. դեկտեմբերի նկատմամբ) կազմել է 8.3%, իսկ նախորդ ամսվա նկատմամբ`1.1%:

Վիճակագրական կոմիտեի հրապակած տվյալների համաձայն՝ 2022թ. հունվար-դեկտեմբերին սպառողական գների միջին ամսական հավելաճը կազմել է 0.7% (նախորդ տարվա նույն ժամանակահատվածում արձանագրվել է 0.6% հավելաճ):

Հանրապետության դիտարկվող բոլոր քաղաքներում 2022թ. դեկտեմբերին նոյեմբերի համեմատ սպառողական գներն աճել են 1.0-1.1%-ով: Մայրաքաղաքում սպառողական գներն աճել են 1.1%-ով:

2022թ. դեկտեմբերին 2021թ. դեկտեմբերի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 10 %, իսկ 2022թ. նոյեմբերի համեմատ՝ 2.4% գնաճ:

Հանրապետության դիտարկվող բոլոր քաղաքներում 2022թ. դեկտեմբերին նոյեմբերի համեմատ սննդամթերքի և ոչ ալկոհոլային խմիչքի գներն աճել են 2.3-3.0%-ով, այդ թվում, գնաճի ամենաբարձր ցուցանիշն արձանագրվել է ք. Արտաշատում: Մայրաքաղաքում սննդամթերքի և ոչ ալկոհոլային խմիչքի գների մակարդակն աճել է 2.3%-ով:

2022թ. դեկտեմբերին 2021թ. դեկտեմբերի համեմատ հանրապետությունում գրանցվել է թռչնամսի՝ 1.4%, խոզի մսի` 2.5%, գառան մսի`5.6% և տավարի մսի՝ 25.3%, իսկ 2022թ. նոյեմբերի համեմատ՝ համապատասխանաբար 0.3%, 1.5%, 0.6%, 1.8% գնաճ:

Մանկական սննդի գինը 2022թ. դեկտեմբերին 2021թ. դեկտեմբերի համեմատ աճել է 4.1%-ով, թարմ կաթինը՝ 11.1%-ով, մածունինը՝ 19.2%-ով, պանրինը՝ 19.9%-ով, խտացրած կաթինը՝ 30.7%-ով, իսկ 2022թ. նոյեմբերի համեմատ համապատասխանաբար ՝ 0.6%, 1.3%, 0.2%, 1.4%, և 0.4%-ով:

Ձվի գինը 2022թ. դեկտեմբերին 2021թ. դեկտեմբերի համեմատ նվազել է 6.2%-ով, իսկ 2022թ. նոյեմբերի համեմատ գրանցվել է 6.6% գնաճ:

2022թ. դեկտեմբերին 2021թ. դեկտեմբերի համեմատ հանրապետությունում գրանցվել է հաճարի՝ 12.0%, ձավարի՝ 13.3%, հացի` 14.3%, իսկ 2022թ. նոյեմբերի համեմատ համապատասխանաբար ՝ 0.2%, 0.7%, 0.3% գնաճ:

Կարագի և հրուշակեղենի գները 2022թ. դեկտեմբերին 2021թ. դեկտեմբերի համեմատ աճել են 4.0% և 11.8%-ով, իսկ 2022թ. նոյեմբերի համեմատ համապատասխանաբար ՝ 0.5% և 0.3%-ով:

Դրան զուգընթաց, 2022թ. դեկտեմբերին 2021թ. դեկտեմբերի համեմատ հանրապետությունում գրանցվել է ալյուրի՝ 7.6%, բրնձի՝ 7.6%, ոսպի՝ 8.2%, հնդկացորենի` 8.5%, ոլոռի՝9.9%, մարգարինի՝ 23.4%, մակարոնեղենի 24.5% գնաճ, իսկ 2022թ. նոյեմբերի համեմատ՝ համապատասխանաբար 0.6%, 0.2%, 1.9%, 1.5%, 0.6%, 0.3%, 0.2% գնանկում:

Շաքարի և շաքարավազի ապրանքախմբում 2022թ. դեկտեմբերին 2021թ. դեկտեմբերի համեմատ արձանագրվել է 2.1%, իսկ 2022թ. նոյեմբերի համեմատ՝ 0.1% գնանկում:

2022թ. դեկտեմբերին 2021թ. դեկտեմբերի համեմատ արևածաղկի բուսական յուղի գինը նվազել է 4.2%- ով, իսկ 2022թ. նոյեմբերի համեմատ՝ 2.1%-ով:

Բանջարեղենի ապրանքախմբում 2022թ. դեկտեմբերին 2021թ. դեկտեմբերի համեմատ արձանագրվել է 2.1%, իսկ 2022թ. նոյեմբերի համեմատ՝ 13.7% գնաճ:

Այս թեմայով Հայաստանը 2022-ի հունվար–դեկտեմբերին տնտեսական ակտիվության էական աճ է գրանցել Դոլարի փոխարժեքը նվազել է. եվրոն թանկացել է Հայկական ապրանքների վրա լոգո պիտի լինի, որ դրսի շուկայում մարդիկ հասկանան՝ որտեղի արտադրանք է Ինքնասպանության փորձի 12 ահազանգ՝ նախորդ շաբաթ 2019-2022թթ․ վարույթում քննված կիբեռհանցագործությունների թիվն աճել է շուրջ 600 տոկոսով Նախորդ տարի ՀՀ-ում արձանագրվել է ակտիվ տուբերկուլոզի 472 դեպք Դոլարն ու եվրոն թանկացել են Միջադեպ՝ Աղավնաձորի շուկայում. ծանր մարմնական վնասվածք պատճառած երիտասարդը կալանավորվել է Դոլարն ու եվրոն թանկացել են. ռուբլին էժանացել է 2022-ին պետպատվերով հիվանդանոցային հետազոտության թիվը կազմել է 786864, 2018-ի համեմատ` 125%-ով ավել