Մահացել է Հունաստանի վերջին թագավոր Կոնստանտինոս 2-րդը
ԼուսանկարներՀունաստանի նախկին և վերջին թագավոր Կոնստանտին II-ը մահացել է 82 տարեկան հասակում, AP-ին հայտնել են Աթենքի մասնավոր կլինիկայի բժիշկները։ Տեղական լրատվամիջոցներն ավելի վաղ հայտնել էին, որ նա հոսպիտալացվել է ինսուլտից հետո։
Կոնստանտին II-ը վերջերս հոսպիտալացվել էր՝ կորոնավիրուսով վարակվելու պատճառով։ Նա նախկինում ինսուլտ է տարել, իսկ վերջերս հաշմանդամի սայլակով էր:
Կոնստանտին II-ը գահ է բարձրացել 1964 թվականին, երբ 23 տարեկան էր։ Դրանից քիչ առաջ՝ 1960 թվականին, նա դարձել է առագաստանավի օլիմպիական չեմպիոն։ 1967 թվականին, մի շարք կառավարական ճգնաժամերից հետո, «սև գնդապետների» խունտան զավթեց իշխանությունը։ 1973 թվականին հանրաքվեից հետո Հունաստանում միապետությունը վերացավ։ Ժողովրդավարական կառավարությունը 1974 թվականին կրկին հանրաքվե անցկացրեց, որը հաստատեց միապետությունը չվերականգնելու ժողովրդի ցանկությունը։