Հայաստանը ցանկանում է Հնդկաստանից գնել MRSAM հակաօդային պաշտպանության համակարգեր. IDRW

Հայաստանը դիտարկում է հնդկական միջին հեռահարության MRSAM զենիթահրթիռային համակարգեր գնելու հնարավորությունը։ Այս մասին հայտնում է հնդկական IDRW պորտալը՝ նշելով, որ Երևանն այդպիսով ցանկանում է իր զինանոցում փոխարինել խորհրդային արտադրության S-125 Pechora հակաօդային պաշտպանության համակարգերը։

Ըստ աղբյուրի՝ ավելի վաղ հայկական կողմը հարցում էր ուղարկել այդ համակարգերի գնման համար, Հնդկաստանն իր հերթին առաջարկել էր Akash և Akash-NG համակարգերը, որոնք նույնպես սեփական արտադրության են։ Բանն այն է, որ չնայած MRSAM հակաօդային պաշտպանության համակարգերը արտադրված են Հնդկաստանում, որոշ տեխնոլոգիաներ փոխառված են Իսրայելից։ Միաժամանակ, հրատարակությունը նշում է, որ Նյու Դելին այդ զենքի արտահանման առումով սահմանափակումներ չունի։

Այս գործարքն ուշագրավ կլինի նրանով, որ Հայաստանի գլխավոր մրցակիցը՝ Ադրբեջանը, նույնպես մեծապես կախված է իսրայելական մատակարարումներից. մասնավորապես, այն զինված է «Բարակ-8» հակաօդային պաշտպանության համակարգերով, նշում են հրապարակման հեղինակները։

Հիշեցնենք, որ անցյալ տարի հնդկական աղբյուրները մի քանի անգամ գրել էին Երևանի և Նյու Դելիի միջև ռազմատեխնիկական խոշոր գործարքների մասին։ Սեպտեմբերին հայտնի դարձավ, որ Հայաստանը 250 մլն դոլարի պայմանագիր է կնքել, որով Երևանը, մասնավորապես, գնել է Pinaka-ի արտադրության բազմակի հրթիռային համակարգեր։

Ավելի ուշ հրապարակումներ եղան ATAGS ինքնագնաց հաուբիցների գնման գործարքների մասին։ Հոկտեմբերին պաշտպանության նախարար Սուրեն Պապիկյանի գլխավորած պատվիրակության պաշտոնական այցով մեկնել է Նյու Դելի։ Այցը բավականին հագեցած էր։ Հոկտեմբերի 18-ին Պապիկյանը բանակցություններ է վարել հնդիկ գործընկերոջ հետ և մասնակցել նաև Defexpo 2022 պաշտպանական խոշոր ցուցահանդեսին։

Այս թեմայով Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկների պայքարը (տեսանյութ) Փաշինյանական խունտան փորձում է առանց մեկ կրակոց արձակելու զրկել Հայաստանը պաշտպանունակության հնարավորությունից․ Արմեն Այվազյան ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի Առաջին անգամ Հայաստանը և Ադրբեջանը սեղանի շուրջ հարց են լուծել. Նիկոլ Փաշինյան ՈՒՂԻՂ․ Հայաստանը ՄԱԿ-ի դատարանում պատասխանում է Ադրբեջանի մեղադրանքներին Ձյուդոյի Եվրոպայի առաջնությանը Հայաստանը կմասնակցի 3 մարզիկով Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Ցավոք սրտի, Հայաստանը միշտ բացակա է․ ֆրանսահայ լրագրողը տեսաուղերձով դիմել է ՀՀ նախկին և ներկա ղեկավարներին