Հանցավոր խումբը ՀՀ տարածքով թմրամիջոց է տեղափոխել արտերկիր, մի մասն էլ իրացրել հավելվածների միջոցով

Երևան քաղաքի բնակիչ Բ. Ա.-ն երկու այլ անձանց հետ, թմրամիջոցների վաճառքով զբաղվելու նպատակով, 2020 թվականի սկզբին ստեղծել է հանցավոր կազմակերպություն, որի կազմում ընդգրկվել են բազմաթիվ անձինք:

Դատախազական խմբի հսկողության ներքո քննվող քրեական վարույթի ընթացքում ձեռք են բերվել տվյալներ, որ հանցավոր կազմակերպության մասնակիցները ստացել են առավելապես Իրանի Իսլամական Հանրապետությունից ուղարկված, իրացման համար նախատեսված առանձնապես խոշոր չափերով տարբեր տեսակի թմրամիջոցներ: Վերոնշյալ հանցավոր կազմակերպության մասնակիցները թմրամիջոցների մի մասը Հայաստանի տարածքով տարանցիկ տեղափոխել են արտերկիր, իսկ Հայաստանի Հանրապետությունում իրացման համար նախատեսված առանձնապես խոշոր չափերով թմրամիջոցներն իրացրել են ինչպես առձեռն, այնպես էլ հեռահաղորդակցման հավելվածների միջոցով:

Թմրամիջոցների իրացումից ստացված ֆինանսական միջոցների հանցավոր ծագումը, դրանց իրական բնույթը թաքցնելու, հանցավոր ճանապարհով ստացված ֆինանսական միջոցների տեղաշարժն ու տեղաբաշխումը քողարկելու, ստացված դրամական միջոցներին օրինական տեսք հաղորդելու նպատակով՝ նշված գումարները փոխանցվել են տարբեր անձանց անուններով գրանցված էլեկտրոնային դրամապանակների, կրիպտոարժույթային հաշիվների: Այնուհետև, նույնանման եղանակով դրանք փոխանցվել են հանցավոր կազմակերպությունը ստեղծած և ղեկավարող անձանց, ինչպես նաև կանխիկացվել կամ այլ կերպ տնօրինվել են հանցակիցների կողմից (վարույթն իրականացնող մարմնի կողմից բացահայտված վճարային գործիքներով իրականացված շրջանառությունը գերազանցում է մի քանի տասնյակ միլիոն դրամը):

Նախաքննության օրինականության նկատմամբ հսկողություն իրականացնող դատախազի կողմից որոշում է կայացվել Բ.Ա.-ի նկատմամբ հանրային քրեական հետապնդում հարուցելու մասին՝ հանցավոր կազմակերպություն ստեղծելու և ղեկավարելու, հանցավոր կազմակերպության կողմից իրացնելու նպատակով առանձնապես խոշոր չափերով թմրամիջոցների ապօրինի շրջանառության և հանցավոր կազմակերպության կողմից առանձնապես խոշոր չափերով փողերի լվացման համար (ՀՀ քրեական օրենսգրքի 318-րդ հոդվածի 1-ին մաս, 393-րդ հոդվածի 3-րդ մասի 1-ին և 2-րդ կետեր, 296-րդ հոդվածի 3-րդ մասի 1-ին և 3-րդ կետեր):

Նախաքննության մարմնի կողմից միջնորդություն է ներկայացվել Երևան քաղաքի առաջին ատյանի ընդհանուր իրավասության դատարան՝ Բ.Ա.-ի նկատմամբ որպես խափանման միջոց կալանքն ընտրելու վերաբերյալ, որը դատարանի որոշմամբ մերժվել է:

Հսկող դատախազի կողմից նշված դատական ակտի դեմ բերվել է հատուկ վերանայման բողոք: ՀՀ վերաքննիչ քրեական դատարանը 2023 թվականի հունվարի 11-ին բողոքը բավարարելու մասին որոշում է կայացրել. Բ.Ա.-ի նկատմամբ որպես խափանման միջոց ընտրվել է կալանքը՝ երկու ամիս ժամկետով:

Այս թեմայով ՄԻՊ արագ արձագանքման խումբը մեկնել է Նոյեմբերյանում բերման ենթարկված անձանց տեսակցելու Շարժական պատվաստումային խմբերի միջոցով մարզերում կիրականացվեն կարմրուկի դեմ պատվաստումներ. ԱՆ Տավուշի համայնքապետերը Փաշինյանին հորդորել են անցկացնել սահմանազատում ՀՀ ողջ տարածքով Իրանի ԱԳՆ-ն հայտնել է՝ վերջին շրջանում որ երկրի միջոցով է ուղերձներ փոխանակել ԱՄՆ-ի հետ ՄԻՊ արագ արձագանքման խումբը գտնվում է ՀՀ ՆԳՆ ոստիկանության Տավուշի մարզային վարչության Իջևանի բաժնում Ալիևը Արայիկի միջոցով Նիկոլի վրա խոշոր կոմպրոմատ է ստացել (տեսանյութ) Երևանում կինը տղային իր փոխանցելիս ընկել է հորը. նրան տեղափոխել են հիվանդանոց Վայոց ձորում իրանական համարանիշերով բեռնատարը կողաշրջվել է Դատապարտյալին բերված հանձնուքում հայտնաբերվել է կրակայրիչ՝ լցված թմրամիջոցի նմանվող հեղուկով Վարժական հավաքների շրջանակներում քաղաքացին կծանուցվի նաև azdarar.am կայքի միջոցով