Ալեն Սիմոնյանը չի բացառում ստեղծված իրավիճակի վերաբերյալ Արցախի ԱԺ պատգամավորների հետ առցանց քննարկման հնարավորությունը

ՀՀ ագզային ժողովի նախագահ Ալեն Սիմոնյանը չի բացառում Հայաստան-Արցախ միջխորհրդարանական հանձնաժողովի, երկու խորհրդարանների պատգամավորների առցանց քննարկման հնարավորությունը՝ Արցախի շրջափակման պայմաններում:

Սիմոնյանն այս մասին ասաց ԱԺ նիստում՝ անդրադառնալով «Հայաստան» խմբակցության քարտուղար Արծվիկ Մինասյանի հարցին:

 Պատգամավորը, նկատի ունենալով այն հանգամանքը, որ ԱԺ նախագահ Ալեն Սիմոնյանը հանդիսանում է Հայաստան-Արցախ միջխորհրդարանակն հանձնաժողովի նախագահ, հետաքրքրվեց, թե արդյոք ի վերջո նախատեսվո՞ւմ է հանդիպում, եթե ոչ դեմ առ դեմ՝ նկատի ունենալով Արցախի շրջափակումը, ապա գոնե առնվազն երկու խորհրդարանների պատգամավորների միջև քննարկում՝ ստեղծված իրավիճակի պայմաններում համատեղ ելքեր գտնելու համար:

Ալեն Սիմոնյանը հայտնեց, որ հանդիպում նախատեսվել էր սեպտեմբերի 19-ին, սակայն սեպտեմբերի 13-14-ին ադրբեջանական ագրեսիայի պատճառով այդ հանդիպումը հետաձգվել է: «Ստեղծված իրավիճակում նման բան նախատեսելը մի քիչ դժվար է: Եվ այս պահին որևիցե նման քննարկում չկա Արցախի մեր գործընկերների հետ»,-ասաց ԱԺ նախագահը:

Պատգամավոր Մինասյանը նկատեց՝ միջխորհրդարանական համաձայնագիր կա, և դա, մեծ հաշվով,  ճանաչվել է նաև այն միջազգային դերակատարների կողմից, որոնք ընդունել են, որ Հայաստանը նույնպես հանձնառու է Արցախի ժողովրդի անվտանգության ապահովման տեսակետից: «Եվ գուցե սա այն հնարավորությունն է, որ փորձ արվի՝ Երևանից Արցախ մեկնելու համար հիմքեր ստեղծել կամ թեկուզ առցանց մակարդակով քննարկում անցկացնել»,-նշեց նա:

ԱԺ նախագահը նշեց՝ Լաչինի միջանցքի փակ լինելու պատճառով չի պատկերացնում, թե մեկնելու առաջարկն ինչպես կարելի է իրագործել: «Իսկ առցանցի մասին կարելի է քննարկել, հասկանալ: Եթե նման հնարավորություն տեսնում են նաև Արցախի մեր գործընկերները, ապա՝ ինչու ոչ»,-ասաց Սիմոնյանը:

Ադրբեջանը 2022 թ. դեկտեմբերի 12-ից մինչ այս պահը շարունակում է փակ պահել Արցախն աշխարհին կապող միակ մայրուղին՝ Լաչինի միջանցքը՝ բերելով կեղծ բնապահպանական պատճառաբանություններ։ Բացի այդ, հունվարի 9-ին Արցախը Հայաստանից սնուցող միակ բարձրավոլտ գծի 33-րդ կմ-ում արձանագրվել է վթար։ Վթարը գտնվում է Աղավնո-Բերձոր հատվածում։ Ադրբեջանը թույլ չի տալիս վթարավերականգնողական աշխատանքներ իրականացնել այն հատվածում, որտեղ վթարվել է Արցախը Հայաստանից սնուցող միակ բարձրավոլտ գիծը:

Արցախում հունվարի 12-ից ընդհատվել էր նաև ինտերնետ կապի մատակարարումը. մալուխը վնասվել էր Լաչինի միջանցքի հենց այն հատվածում, որտեղ տեղակայվել են ադրբեջանցի պսևդոբնապահպանները։ Եվ միայն հունվարի 13-ին Արցախում տեղակայված ռուսական խաղաղապահ զորակազմի վարած բանակցությունների շնորհիվ «Ղարաբաղ Տելեկոմ» ՓԲ ընկերության տեխնիկական մասնագետներին հաջողվել է մեկնել վթարի վայր և տեղում համապատասխան աշխատանքներ իրականացնել՝ մալուխի վնասված մասը վերականգնելու ուղղությամբ։ Արցախի Հանրապետության ամբողջ տարածքում ինտերնետ կապը վերականգնվել է:

Այս թեմայով Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Սա հույսի առկայծող ճանապարհ է․ Ալեն Սիմոնյանը՝ Տավուշ-Ղազախ հատվածում տեղադրված սյան մասին Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Սամվել Մարտիրոսյանը զգուշացնում է զանգվածաբար տարածվող հաղորդագրությունների վերաբերյալ Կանադան մեր վստահելի գործընկերն է. Սիմոնյանը՝ Կանադայի խորհրդարանի Ներկայացուցիչների պալատի խոսնակին Քննարկվել է EuroPris-ին Հայաստանի անդամակցության հնարավորությունը Ռուսաստանը և Ադրբեջանը հիբրիդային հարձակում են իրականացնում Հայաստանի դեմ․ Ալեն Սիմոնյան Ալեն Սիմոնյանի գլխավորած պատվիրակությունն աշխատանքային այցով Իսպանիայում է Ադրբեջանը ձևափոխում է օկուպացված Արցախի Մայր բուհի շենքը (տեսանյութ) ԱՄՆ Կոնգրեսի Ներկայացուցիչների պալատը հավանություն է տվել Ուկրաինային ռազմական և ֆինանսական օգնության ծախսերի վերաբերյալ