Ճապոնիան և Հնդկաստանը մեկնարկել են պատմության մեջ առաջին համատեղ զորավարժությունները

Ճապոնիան և Հնդկաստանը հունվարի 16-ին Տոկիոյի մերձակայքում սկսել են իրենց առաջին համատեղ վարժանքները ռեակտիվ կործանիչների վրա: Այս մասին հայտնում է Kyodo գործակալությունը՝ հղում անելով Ճապոնիայի պաշտպանության նախարարությանը։

Նշվում է, որ զորավարժություններն անցկացվում են պաշտպանական կապերի ամրապնդման շրջանակներում՝ պայմանավորված Հնդկ-խաղաղօվկիանոսյան տարածաշրջանում Չինաստանի ռազմական հզորության աճով։ Հնդկաստանի ռազմաօդային ուժերից մասնակցում են չորս Su-30MKI կործանիչներ, երկու C-17 տրանսպորտային ինքնաթիռներ և մեկ լիցքավորող Il-78 ինքնաթիռ, իսկ Ճապոնիայից՝ չորս F-2 կործանիչներ և չորս F-15 կործանիչներ։

Հնդկաստանը ԱՄՆ-ից, Ավստրալիայից, Մեծ Բրիտանիայից և Գերմանիայից հետո 5-րդ երկիրն է, որի հետ Ճապոնիան նման երկկողմ զորավարժություններ է անցկացրել։

Ճապոնիան և Հնդկաստանը մաս են կազմում քառակողմ անվտանգության կառույցի, որը հայտնի է որպես Quad, որը ներառում է նաև Միացյալ Նահանգները և Ավստրալիան: Խումբը դիտվում է որպես Չինաստանի հակակշիռ, քանի որ Պեկինը ձգտում է մեծացնել իր ռազմական և տնտեսական ազդեցությունը տարածաշրջանում:

Չինա-ճապոնական հարաբերությունները սրվել են Արևելա-չինական ծովում Ճապոնիայի կողմից վերահսկվող Սենկակու կղզիների խմբի նկատմամբ (չինական անվանումը Դիաոյու) նկատմամբ Չինաստանի հավակնության պատճառով: Չինաստանի առափնյա պահպանության նավերը բազմիցս մտել են ճապոնական ջրեր այս կղզիների տարածքում։

Հնդկաստանի հարաբերությունները Չինաստանի հետ նույնպես մնում են լարված, հատկապես այն բանից հետո, երբ 2020 թվականի հունիսին տեղի ունեցավ զինված բախում Հիմալայան սահմանամերձ շրջանում, որի ժամանակ 20 հնդիկ և չորս չինացի զինվորներ զոհվեցին:

Այս թեմայով Հյուսիսային Կորեան երկու բալիստիկ հրթիռ է արձակել դեպի Ճապոնիա Անհաջող կատակի պատճառով 12-ամյա դերասանուհին զրկվել է քայլելու հնարավորությունից Ճապոնիայի վարչապետը չհայտարարված այցով մեկնել է Կիև Հայաստանը Հնդկաստանին առևտրային երթուղի է առաջարկել դեպի Եվրոպա և Ռուսաստան․ The Economic Times Հայաստանում Ճապոնիայի արտակարգ և լիազոր դեսպանն այցելել է Գյումրի Միրզոյանը մեկնում է Հնդկաստան Հնդկաստանում ռնգեղջյուրների հարձակման հետևանքով տուժել է վեց զբոսաշրջիկ (տեսանյութ) Ճապոնիայի Համամացու քաղաքի լողափում առեղծվածային մետաղյա գունդ է հայտնվել Ճապոնիան վճռական է համագործակցել Հայաստանի հետ՝ հայ-ադրբեջանական խնդիրների լուծման գործում. դեսպան «Հրապարակ». Չգնա՞նք Հնդկաստան՝ այցի