Սերգեյ Ատոմյանը արդարադատության նախարարին ներկայացրել է 2023-ի առաջին եռամսյակում նախատեսված աշխատանքները

Այսօր՝ հունվարի 17-ին, ՀՀ ԱՆ քրեակատարողական ծառայության կենտրոնական մարմնում արդարադատության նախարար Գրիգոր Մինասյանի գլխավորությամբ տեղի է ունեցել աշխատանքային հանդիպում, որին մասնակցել են նախարարի տեղակալ Լևոն Բալյանը, Քրեակատարողական ծառայության պետ, արդարադատության գեներալ-մայոր Սերգեյ Ատոմյանը, պետի տեղակալներ, արդարադատության գնդապետներ Ամբակում Գրիգորյանը, Թադևոս Նալբանդյանը, Արտակ Առուստամյանը և Ծառայության գլխավոր քարտուղար Արամ Նիկոյանը: 
Սերգեյ Ատոմյանը նախարարին ներկայացրել է 2023 թվականի առաջին եռամսյակում իրականացվելիք ծրագրերը, մասնավորապես՝ քրեակատարողական հիմնարկներում կառավարման նոր մոդելի ներդրման նախագիծը հիմնարկների անվտանգության և պահպանության ապահովման բաժինների գործառույթների միավորման միջոցով, ինչը թույլ կտա ապահովել քրեակատարողական հիմնարկների առավել բարենպաստ և բնականոն աշխատանքները: Քրեակատարողական հիմնարկներում օպերատիվ իրավիճակն ավելի վերահսկելի դարձնելու նպատակով առաջարկվել է նաև ստեղծել Ծառայության կենտրոնական մարմնի օպերատիվ վարչություն: Ծառայության պետի կողմից անդրադարձ է կատարվել նաև քրեակատարողական ծառայողների նոր ատեստավորման համակարգին, ինչը կնպաստի թափուր հաստիքները որակյալ կադրերով համալրելուն:
Քրեակատարողական ծառայության պետի տեղակալներն ու գլխավոր քարտուղարն իրենց հերթին Գրիգոր Մինասյանին ներկայացրել են 2022 թվականի գործունեության արդյունքները, իրականացված բարեփոխումները և թիրախային ծրագրերը:
Ամփոփելով հանդիպումը՝ արդարադատության նախարար Գրիգոր Մինասյանն ընդգծել է, որ քրեակատարողական ոլորտում իրավիճակը բարելավելու, ինչպես նաև ոլորտի շարունակական զարգացումն ապահովելու համար հիմնական նպատակը պետք է լինեն ոլորտում վերականգնողական արդարադատության սկզբունքների ներդրումը, քրեական ենթամշակույթի վերացումն ու կրկնահանցագործությունների կանխումը:

Այս թեմայով ՀՖՖ-ն ներկայացրել է Հայաստան-Թուրքիա հանդիպմանը մարզադաշտ մուտք գործելու կարգը Ինչ առաջարկներ է ներկայացրել Հայաստանն Ադրբեջանի հետ խաղաղության պայմանագրի նախագծում․ մանրամասնում է Արարատ Միրզոյանը ԵԽԽՎ-ի հանձնաժողովն Ադրբեջանին հորդորել է անհապաղ կատարել Արդարադատության միջազգային դատարանի որոշումը ՔՊ-ն թքեց օրենքի պահանջների վրա, Սեդա Սաֆարյանի հարցով նոր դիմում ենք ներկայացրել ՍԴ Բրյունետը ելույթ կունենա «Եվրատեսիլ 2023»-ի երկրորդ կիսաեզրափակիչի երկրորդ համարի ներքո Հայաստանում ապաստան հայցողների համար նոր կացարան է կառուցվում. նախատեսված է մինչև 120 հոգու համար Օրակարգի առաջին հարցը Սահմանադրության փոփոխության մասին հարցն էր․ հանձնաժողովի նիստ՝ Արցախում Ազգային ժողովը շարունակում է հերթական նիստի աշխատանքները 81 մլն դրամ արժեքով գույքը կդառնա ՀՀ սեփականությունը. կնքվել է առաջին հաշտության համաձայնությունը Ապօրինի ծագմամբ գույքի բռնագանձման գործով առաջին վճիռն է կայացվել. ի՞նչ է որոշել դատարանը