Արշակ Հակոբյանի կալանավորման ժամկետը երկարացվեց մեկ ամսով․ «Փաստինֆո»

ՀՀ ոստիկանության նախկին պետ Վլադիմիր Գասպարյանի թիկնազորի նախկին պետը՝ Արշակ Հակոբյանը՝ «Վովայի Արշակը» կշարունակի մնալ կալանավորված։ Հակակոռուպցիոն դատարանը՝ դատավոր Սարգիս Դադոյանի նախագահությամբ, մասնակի բավարարեց նրա կալանավորման ժամկետը երկարացնելու մասին ՀԿԿ քննիչի միջնորդությունը՝ կալանավորման ժամկետը երկարացնելով մեկ ամսով, գրում է «Փաստինֆոն»։

Նշենք, որ Արշակ Հակոբյանն ամիսներ շարունակ ազատության մեջ գտնվելուց հետո կրկին կալանավորվել էր Վճռաբեկ դատարանի որոշման հիման վրա՝ դեկտեմբերի 23-ին։ 2022թ հուլիսի 22-ին վարույթն իրականացնող մարմինը միջնորդություն է ներկայացրել Երևանի ընդհանուր իրավասության դատարան՝ Արշակ Հակոբյանի նկատմամբ ընտրված խափանման միջոց կալանավորման ժամկետը երկարացնելու վերաբերյալ։

Երևանի ընդհանուր իրավասության դատարանը՝ դատավոր Դավիթ Արղամանյանի նախագահությամբ, հուլիսի 29-ին մասնակի բավարարել է քննիչի միջնորդությունը՝ Հակոբյանի նկատմամբ որպես խափանման միջոց կիրառված կալանքի ժամկետը երկարացվել է մեկ ամսով (մինչև 2022թ.-ի օգոստոսի 29-ը): Միաժամանակ, դատարանը բավարար է ճանաչել այլընտրանքային խափանման միջոցի հնարավորությունը և կիրառել գրավ՝ 562 միլիոն ՀՀ դրամի չափով:

Գրավի գումարը դատարանի դեպոզիտ հաշվին փոխանցելուց հետո Հակոբյանն ազատ է արձակվել ՔԿՀ-ից։ Հակոբյանի նկատմամբ գրավ կիրառելու մասին որոշումը դատախազությունը բողոքարկել էր Վերաքննիչ դատարան, իսկ բողոքի մերժումից հետո գլխավոր դատախազի անունից վճռաբեկ բողոք է ներկայացվել, որը բավարարվել է և Հակոբյանը կրկին արգելանքի է վերցվել։

Հիշեցնենք, որ Արշակ Հակոբյանը մեղադրվում է հայտարարագրման ենթակա առանձնապես խոշոր չափերով գույքը դիտավորությամբ թաքցնելու (ՀՀ 2003թ ընդունված քրեական օրենսգրքի 314.3-րդ հոդվածի 2-րդ մասով /երկու դրվագ/ և հանցավոր ճանապարհով ստացված առանձնապես խոշոր չափերով գույքի օրինականացնելու (ՀՀ 2003թ ընդունված քրեական օրենսգրքի 190-րդ հոդվածի 3-րդ մասի 1-ին և 3-րդ կետերով) համար։

Այս թեմայով Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան «Աննա Հակոբյանի կազմակերպած ընթրիքին մասնակցողներից մեկը «չայխանայի» վայր է ժամանել 300QQ03 համարանիշով մեքենայով» (լուսանկար) Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Սամվել Ալեքսանյանի կինը տեսանյութ է հրապարակել Աննա Հակոբյանի հրավիրած ընթրիքից, որին մասնակցության վճարը 1 մլն դրամ էր Փնտրվում է ՄԻՊ-ը. գտնողներին խնդրում ենք հարցեր տալ Նարեկ Սամսոնյանի և Վազգեն Սաղաթելյանի ձերբակալության ու կալանավորման մասին Իրենց կուսակցությունը մահացել է, բայց Հարության մասին փաստ չկա. Արշակ Սրբազան (տեսանյութ) Արմեն Աշոտյանի կալանքը երկարացվեց ևս 3 ամսով Առաքել Մովսիսյանի որդու նկատմամբ քրեական հետապնդման ժամկետը կասեցվել է Արշակ Կարապետյանին բոլորս սպասում ենք Հայաստանում. Արշա՜կ, տու՜ն արի. Անդրանիկ Քոչարյան Հայաստանից սև և գունավոր մետաղների արտահանման արգելքի ժամկետը կերկարաձգվի