«Փաստ». Ովքե՞ր են լծված արհեստական օրակարգեր ներդնելու «գործին»

«Փաստ» օրաթերթը գրում է. «Արդեն տևական ժամանակ, իսկ վերջին երկու օրերին՝ առավել ևս, իշխանություններն ակտիվորեն փորձում են արհեստական օրակարգեր ներդնել՝ հանրային ուշադրությունը շեղելով ներկա ու սպասվող ծանր գործընթացներից, ի մասնավորի՝ Արցախի արդեն շուրջ 40 օրվա շրջափակումից, ինչպես նաև Ազատ գյուղում տեղակայված զինվորների կացարանում տեղի ունեցած ողբերգությունից:

Այս գործը հատկապես մեծ ակտիվությամբ իրենց «ուսերին» են վերցրել, այսպես կոչված, մերձիշխանական շրջանակները, որոնք այս օրերին փորձում են նույնիսկ ամենաանհեթեթ, ամենազազրելի թեմաներով օրակարգ ձևավորել։ Մասնավորաբար, ՀՀ-ում արևմտյան դրամաշնորհներով գործունեություն ծավալող և մշտապես ազգայինի հիմքերը հնարավորինս քանդելուն, արժեհամակարգերը քայքայելուն միտված որոշ շրջանակներ այս օրերին բանակի վարկաբեկմանն ուղղված թեզեր են շրջանառում՝ այդ թվում սլաքները հերթական անգամ վեկտորելով դեպի «նախկիններ»։

Սրան զուգահեռ ակտիվացել են ֆեմինիստական և «հակամիլիտարիստական» կեղծ թեզերով հայտնի որոշ տարրեր, որոնց վրա է դրված հանրության ուշադրությունը շեղելու և տեղեկատվական հարվածն իրենց վրա վերցնելու «առաքելությունը»։ Օրինակ՝ ոմանք նույնիսկ այնքան են նվիրվել գործող իշխանությունների երեսը մաքրելու այս գործին, որ անգամ դրական են համարում զոհ ունենալը, քանի որ տղամարդիկ «անարգում ու նեղացնում են կանանց, ենթարկում զանազան բռնությունների»։ Ի դեպ, նշենք, որ նման կարգի հիմարությունները շատ ակտիվ ու կազմակերպված տարածվում էին ֆեյսբուքյան տարբեր խմբերում»:

Այս թեմայով «Փաստ». Ինչո՞ւ են ուզում «Գոյ» թատրոնը մատնել չգոյության «Փաստ». ՊՈԱԿ-ի տնօրենի մրցույթում ո՞վ կհաղթի արդար ընտրությունների դեպքում Եթե վաղը երեք կետի համար Սուրմալուն չբացեն, փողոցները փակում ենք․ սաղիս գործին խփում են «Փաստ». «Իրավիճակ է փոխվել». էլ չի պահանջում Փաշինյանի հրաժարականը «Փաստ». Արևմուտքից «հյուրեր» են սպասվում «Փաստ». Վարկանիշը հետևողականորեն շարունակում է ընկնել «Փաստ». Սիսիանի ընտրությունները՝ իշխանության համար կենաց - մահու կռիվ «Փաստ». Ինչպե՞ս են Հովիկ Աբրահամյանի նախկին առանձնատան լուսանկարները հանրայնացվել Արհեստական ԱՆբանականություն. Վահե Հովհաննիսյան «Փաստ». Ի՞նչ է կատարվում Երևանի փոխքաղաքապետարանում