Փայտից վառարանը կարող է վտանգավոր լինել․ Արցախի ՆԳՆ-ն զգուշացնում է՝ պետք է գույքից 0,7 մ հեռու լինի

2022 թվականի դեկտեմբերի 12-ից բնապահպանական կեղծ պատճառաբանությամբ Ադրբեջանն առ այսօր փակ է պահում Ստեփանակերտ-Գորիս միջպետական մայրուղին։

Արցախն աշխարհին կապող կյանքի ճանապարհի փակ լինելու, գազամատակարարման բացակայության և էլեկտրաէներգիայի հաճախակի տատանումների պատճառով, Արցախում անցել են հին ավանդական ջեռուցման համակարգին: Բնակարանների մեծ մասում տեղադրվել են վառաններ: Հրդեհային անվտանգության տեսանկյունից, այն ռիսկային է, եթե չպահպանվի անվտանգության կանոնները, հայտնում է ԱՀ ՆԳՆ-ն։

Ադրբեջանի չդադարող ագրեսիվ գործողությունների պայմաններում, հումանիտար խնդիրներին հաճախ ավելանում է նաև արտակարգ պատահարները: ԱԻ ծառայությունը հիշեցնում է. Հրդեհային անվտանգության նորմատիվ փաստաթղթերի պահանջներին չհամապատասխանող մետաղյա վառարանների տեղադրում չի թույլատրվում:

Վառարաններից մինչև գույքը և այլ սարքավորումներն ընկած հեռավորությունը պետք է լինի 0.7 մետրից ոչ պակաս, իսկ ծխատար խողովակի բարձրությունը պետք է լինի շինության տանիքից ոչ պակաս քան 0.5 մ, ինչպես նաև 2 մ բարձր, 10 մ շառավղով առկա ամենաբարձր շենքի տանիքից:

Փայտով ջեռուցվող վառարանի տակ պարտադիր է տեղադրել 50-ով 40 սմ մետաղյա թիթեղ: Արգելվում է դյուրավառ վառելիքով վառել փայտով ջեռուցվող վառարանը:

Ծառայությունը միաժամանակ հորդորում է Էլեկտրաջեռուցման, փայտե վառարանների կամ այլընտրանքային՝ գազի բալոնների օգտագործաման ժամանակ խստիվ պահպանել հրդեհային անվտանգության կանոնները:

Պետական հրդեհային և տեխնիկական անվտանգության տեսչությունը հետևողական աշխատանք կիրականացնի անվտանգության կանոնների պահպանման ուղղությամբ:

Այս թեմայով Ես նույնիսկ չեմ կարող հավատալ, որ Վերին Լարսում խցանումներ չեն լինի. Փաշինյան Հաստատ իմ գիտելիքների պակասի արդյունք ա, բայց պետք է հասկանամ. Աղազարյանը՝ շահութահարկի մասին Մեծի տանն Կիլիկիո կաթողիկոս Արամ Ա-ն ու Կանադայի վարչապետը խոսել են Արցախի մասին Անհապաղ վերանայել ադրբեջանական ապօրինի անցակետով Արցախի քաղաքացիների երթևեկի որոշումը. հայտրարություն Երևանի նոր հատակագծի համար պետք է մրցույթ հայտարարենք, վերջինը՝ 20 տարվա վաղեմություն ունի Խնդրահարույց ձևակերպում է, դատավորի ու դատախազի կենսաթոշակի չափը ճշգրտել է պետք Ցավոք, Սևանը երևի այս տարի էլ կկանաչի, լավ տարի չի, պետք է հավելյալ ջուր բաց թողնենք. Սիմիդյան 24-ժամյա հսկողություն պետք է ունենանք անտառներում, արձանագրված 6000 ծառ է հատվել. Սիմիդյան ՊԲ-ն ամրաշինական աշխատանքներ չի իրականացնում. Արցախի ՊԲ Ժամանակին կոլխոզների որոշումով արված սահմանազատումները հիմք չեն կարող լինել. Միրզոյան