Ում են ուզում տեսնել Երեւանի քաղաքապետի պաշտոնում երեւանցիները․ Gallup International–ի հարցումը․ Aravot.am

Հայաստանում Gallup International Association ընկերությունը ուսումնասիրություն է իրականացրել Երեւան քաղաքում։ Հարցազրույցներն արվել են Երևան քաղաքի 12 վարչական շրջաններում: Հարցվողների հեռախոսահամարներն ընտրվել են պատահական գեներացված, հաղորդում է Aravot.am-ը։

Երևանի առջեւ կանգնած ամենակարևոր խնդիրներն առանձնացնելիս 37.1%-ը 2022թ մատնանշել է հասարակական տրանսպորտը, 2021-ին այդ կարծիքին է եղել 35,8%-ը։ 2022-ին աղբահանության խնդիրը կարեւորել է 25,1%-ը, մինչդեռ 2021-ին՝ 22,9%-ը։ 2022-ին գնաճը խնդիր է համարել 13,3%-ը, իսկ 2021-ին՝ 17,6%-ը։

Գործազրկությունը 2022թ կարեւորել է 11,1%-ը, մինչդեռ 2021-ին՝ 11,517,6%-ը, բնապահպանական խնդիրները՝ 10, 9%-ը՝ 2022թ, իսկ 2021-ին՝ 8,9 %-ը, բուժհաստատությունների վատ սպասարկումը 2022-ին նշել է 6,4%-ը, 2021-ին՝ 0,9%-ը։ 2022թ կրթական համակարգի վիճակը կարեւորագույն խնդիր է համարել հարցվածների 5,9%-ը, իսկ 2021-ին այդ ցուցանիշը 1,7% է եղել։ Երեւան քաղաքի խնդիրներ թվում նշված են նաեւ երթեւեկությունը, կայանատեղիները, անվտանգությունը, ճանապարհների վատ վիճակը, լուսավորությունը, վերելակները եւ այլն։

Վերջին մեկ տարվա ընթացքում քաղաքապետարանի կողմից իրականացված իբրեւ դրական փոփոխություն 21,6%-ը նշել է աղբահանության կազմակերպումը, 20,3%-ը ավտոբուսների ներմուծումը, 11,3%-ը ասֆալտապատումը, 1,9%-ի համոզմամբ ոչ մի փոփոխություն էլ տեղի չի ունեցել։

Հարցին՝ ի՞նչ քայլեր պետք է ձեռնարկել զբոսաշրջության զարգացման համար, 2022թ հարցվածների 29,4%-ը նշել է՝ մշակութային միջոցառումները, 24,3 %-ի կարծիքով պետք է ավելացնել կանաչ տարածքները, 4,1%-ը կարեւորել է երիտասարդների համար միջոցառումների իրականացումը, սպորտային միջոցառումներին տեղ է տվել 8,5%-ը։

Պարեկների աշխատանքը լիովին դրական է գնահատել 29,5%-ը, ընդհանրապես բացասական՝ 10,4%-ը։

2022-ին կատարված հարցման արդյունքներով 12․9%-ը կարծում է, որ պետք է Երեւանի քաղաքապետի արտահերթ ընտրություններ իրականացնել, 25,9-ը, սակայն, միանշանակ դեմ է արտահայտվել։

Ըստ այս հետազոտության՝ քաղաքապետի պաշտոնում ցանկացել է Հրաչյա Սարգսյանին տեսնել հարցվածների 18,8%-ը, Հայկ Մարությանին՝ 6․6%-ը, Տիգրան Ավինյանին՝ 3,1%-ը, Վարդան Ղուկասյանին (Դոգ) 2,4%-ը, Լեւոն Քոչարյանին՝ 1,8%-ը։ 17,9%-ի կարծիքով չկա համապատասխան թեկնածու։

Այս թեմայով Առավոտից պատգամավորները ՁՊՎ-ի մոտ են՝ ուղեկցելու Սամվել Վարդանյանին Երեւանի քննչական տեղափոխող մեքենային Ադրբեջանցի դիվերսանտ Երեւանի կենտրոնում (տեսանյութ) Էլեն Ասատրյանն ընտրվել է Գլենդելի քաղաքապետ «Ժողովուրդ». Երեւանի ավագանու դեմ հերթական հայցը կներկայացվի դատարան․ կվիճարկվի Մարությանին մանդատից զրկելու որոշումը «Ժողովուրդ». Այսօր առավոտից Երեւանի քաղաքապետարանի դիմաց թեժ կլինի «Ժողովուրդ». Երեւանի ավագանու իշխանական թևը գաղտագողի է գործում․ հանձնաժողովը ընդունել է ուղեվարձի թանկացման նախագիծը Անետա Բաբայանը նշանակվել է Երևանի քաղաքապետի խորհրդական «Ժողովուրդ». Ավագանին Կամո Արեյանին «Երեւանի պատվավոր քաղաքացի» կոչում կշնորհի՞ Անն Իդալգոյի հետ քննարկեցինք Երեւանի եւ Փարիզի միջեւ տարբեր ոլորտներում համագործակցության մի շարք հարցեր. ՀՀ վարչապետ Գաբրիել Ատալի հետ քննարկեցինք տնտեսության ոլորտում համագործակցության ամրապնդմանը վերաբերող հարցեր. վարչապետ