«Ժողովուրդ». Որոշումը կա, բայց Հայաստան- Թուրքիա ավիաբեռնափոխադրումներ չեն արվում

2023 թ. հունվարի 1-ից Թուրքիայի ու Հայաստանի միջեւ հնարավոր է իրականացնել ուղիղ ավիաբեռնափոխադրումներ. սա Հայաստանի եւ Թուրքիայի հատուկ ներկայացուցիչների միջեւ ձեռք բերված պայմանավորվածություններից մեկն էր:

Հունվարի 6-ին ՀՀ ԱԳՆ մամուլի խոսնակ Վահան Հունանյանն էլ հայտնել էր. «Թուրքական կողմն այսօր մեզ տեղեկացրել է, որ ուղիղ օդային բեռնափոխադրումների արգելքը վերացվել է: Ցանկանում ենք հիշեցնել, որ Հայաստան-Թուրքիա ուղիղ օդային բեռնափոխադրումների իրականացումը 2022 թ. հուլիսի 1-ին հատուկ ներկայացուցիչների հանդիպմանը ձեռք բերված պայմանավորվածություններից մեկն էր»:

«Ժողովուրդ» օրաթերթը դիմել էր ՀՀ էկոնոմիկայի նախարարություն եւ հետաքրքրվել, թե այս արգելքի վերացումից հետո արդյոք դիմումներ եղել են օդային բեռնափոխադրումներ իրականացնելու համար:

Ի պատասխան՝ ՀՀ էկոնոմիկայի նախարարությունից հայտնում են. «2023 թվականի հունվարի 1-ից՝ թուրքական կողմից Թուրքիա-Հայաստան եւ հակառակ ուղղությամբ օդային բեռնափոխադրումների արգելքի վերացումից հետո, Հայաստան-Թուրքիա եւ հակառակ ուղղությամբ դեռեւս օդային ճանապարհով բեռնափոխադրումներ չեն իրականացվում: Դեռեւս մաքսային եւ այլ ընթացակարգերի համաձայնեցում պետք է տեղի ունենա, որպեսզի հնարավոր լինի իրականացնել այդ թռիչքները»:

Այսինքն՝ որոշումը կա, քաղաքական հայտարարությունը կա, բայց խնդիրը փաստացի չի լուծվել. փոխադրում անել հնարավոր չէ»:

Այս թեմայով Միայն իմ օրոք 1500 ինքնաթիռ զենք ենք տեղափոխել Հայաստան. թող ուշադիր իրենց վերլուծություններն անեն Թուրքական լրատվամիջոցը հայտնել է, թե թուրք ընդդիմադիրները հանդիպում են ԱՄՆ դեսպանատան դիմաց գտնվող հյուրանոցում Կարմիր խաչի ուղեկցությամբ 12 բուժառու է Արցախից տեղափոխվել Հայաստան «Ժողովուրդ». ՔՊ-ական պատգամավորները՝ անձեռնմխելի. ինչու նրանք այդպես էլ չպատժվեցին «Ժողովուրդ». Դատական համակարգը սպասում է ապրիլի 7-ին «Ժողովուրդ». Օնիկ Գասպարյանին կրկին կկանչեն քննիչ հանձնաժողով «Ժողովուրդ». Քաղաքական որոշումը կայացված է Լևոն Քոչարյանն ու «Հայաստան»-ի պատգամավորները ՔԿ դիմաց են․ եկել են քաջալերելու Մհեր Սահակյանին Այո՛, առաջինը ՔՊ-ականին հարվածել է Մհեր Սահակյանը, բայց դա ինքնապաշտպանական գործողություն է եղել «Ժողովուրդ». Փաշինյանի թիմակիցները խաբել են. մաս 15