ԱՄՆ նախկին պետքարտուղարի հայտարարությունները «երկակի ստանդարտների» դրսեւորում են. Չավուշօղլու

ԱՄՆ նախկին պետքարտուղար Մայք Պոմպեոյի՝ Թուրքիայի վերաբերյալ գրքում տեղ գտած հայտարարությունները չեն արտացոլում տարածաշրջանի իրողությունները և «երկակի ստանդարտների» դրսեւորում են։ Այս մասին հինգշաբթի օրը Անկարայում Թաիլանդի արտգործնախարար Դոն Պրամատվինայի հետ համատեղ մամուլի ասուլիսում հայտարարել է արտգործնախարար Մևլութ Չավուշօղլուն։

Թուրքական դիվանագիտության ղեկավարը չի բացառել, որ Պոմպեոյի գիրքը գրվել է ԱՄՆ-ում այս քաղաքական գործչի նախընտրական արշավին նպաստելու նպատակով։ «Դիվանագիտական ​​առումով Պոմպեոյի գրքում պարունակվող պնդումները իրականության հետ կապ չունեն։ Դա կարող եք անվանել սուտ: Տեղի է ունենում փաստերի ուռճացում և երկակի ստանդարտներ»,- ասել է Չավուշօղլուն։

Նա հիշեցրել է, որ Թուրքիայում հեղաշրջման փորձի գիշերը (2016թ. հուլիսի 15) ԱՄՆ նախկին պետքարտուղարը կիսվել էր սկանդալային թվիթով, որը հետո հապճեպ ջնջել էր։ Այս հրապարակման մեջ խոսվում էր Պոմպեոյի կողմից ահաբեկիչ Գյուլենի գործողություններին աջակցելու մասին, հայտարարել է թուրքական դիվանագիտության ղեկավարը։

Նրա խոսքով, բուն Միացյալ Նահանգների օրենքներով ահաբեկչական կառույցներին աջակցելը լուրջ հանցագործություն է։ «Միգուցե իրավական պատասխանատվությունից խուսափելու համար դիմում են ապատեղեկատվության»,- ասել է թուրք նախարարը։

Ինչ վերաբերում է Պոմպեոյի այն հայտարարություններին, թե թուրքական բանակն ի վիճակի չէ ոչնչացնել ահաբեկիչներին, Չավուշօղլուն հիշեցրել է, որ «հենց թուրքական բանակն է Սիրիայում ոչնչացրել ԴԱԻՇ-ի ավելի քան 4500 ահաբեկիչների»։

«ՆԱՏՕ-ի երկրորդ ամենահզոր բանակի հզորությունը տեսավ Արևմուտքը, երբ թուրքական զորքերը 8000 քառակուսի մետր տարածքով Սիրիայի տարածքը մաքրեցին միանգամից երկու ահաբեկչական կազմակերպությունների Ժողովրդական ինքնապաշտպանության ստորաբաժանումների և ԴԱԻՇ-ի զինյալներից»,- ասել է թուրք նախարարը։

Միևնույն ժամանակ նա ուշադրություն է հրավիրել ՔԲԿ-ի սիրիական ահաբեկչական թևի՝ Ժողովրդական ինքնապաշտպանության ստորաբաժանումների հետ ԱՄՆ իշխանությունների սերտ փոխգործակցության վրա, որը շարունակվում է Բարաք Օբամայի նախագահությունից ի վեր։ «Ներկայիս վարչակազմին անհրաժեշտ է շտկել իրավիճակը Սիրիայում»,- ընդգծել է Չավուշօղլուն։

Արտգործնախարարի խոսքով՝ մինչ Թուրքիան մաքրում էր Սիրիայի հողերը ԴԱԻՇ-ի ահաբեկիչներից, Միացյալ Նահանգները Պետդեպարտամենտի Մայք Պոմպեոյի գլխավորությամբ «ԺԻՍ/ՔԲԿ ահաբեկիչների հետ միասին ԴԵԱՇ-ի մարտիկներին նստեցրել են ավտոբուսներ, այնուհետև՝ ինքնաթիռներ և ուղարկել նրանց Աֆղանստան»: «Նրանք են այսօրվա Աֆղանստանում ահաբեկչական հարձակումների պատճառը: Խոսքը ԴԱԻՇ-ի և Ալ-Քաիդայի գործողությունների մասին է»,- ասել է թուրք նախարարը:

Այս թեմայով Անկարան պատրաստ է Երևանի հետ հարաբերություններում դրական քայլերի. Չավուշօղլու Հայտնի են դարձել Չավուշօղլուի և ՌԴ-ի, Սիրիայի ու Իրանի նախարարների զրույցի թեմաները Մոսկվայում «Թյուրքի ճանապարհն անցնում է Զանգեզուրով, Ղարաբաղով», հայտարարել է Չավուշօղլուն Թուրքիան չի միանա Ռուսաստանի դեմ ԱՄՆ-ի և ԵՄ-ի պատժամիջոցներին. Չավուշօղլու ԱՄՆ-ն Թուրքիային առաջարկում էր իր Ս-400-ներն ուղարկել Ուկրաինա. Չավուշօղլու Չավուշօղլուն մտադիր է մայիսի 10-ին Մոսկվայում հանդիպել Լավրովի հետ Փաշինյանը և Հայաստանի մյուս «VIP-անձինք» չեն կարողանա թռչել Թուրքիայի վրայով․ Չավուշօղլու «Քաղաքական շառլատաններ»․ Չավուշօղլուն արձագանքել է Բայդենի ապրիլքսանչորսյան ուղերձին Ընդդիմությունը երկիրը կներքաշի պատերազմի մեջ, եթե նրանք գան իշխանության․ Չավուշօղլու Մենք չենք ընդունի Սիրիայից մեր զորքերը բանակցությունների համար դուրս բերելու պայմանը․ Չավուշօղլու