Եվրամիությունը պետք է ակտիվացնի մերժված փախստականներին հայրենիք վերադարձնելու աշխատանքը. ԵՀ

Եվրամիության տարածքում ապաստան խնդրած և մերժում ստացած  յուրաքանչյուր հինգերորդ օտարերկրացին Է միայն վերադառնում  հայրենիք։ Մնացածներն այսպես թե այնպես մնում են ԵՄ-ում։ Այս առնչությամբ ներքին գործերի եվրահանձնակատար Իլվա Յոհանսոնը կարծում է, որ Եվրամիությունը պետք է ուժեղացնի աշխատանքը միգրացիոն իշխանությունների որոշումների կատարման ուղղությամբ։ Այդ մասին «Արմենպրես»-ը տեղեկանում Է ТАСС գործակալությունից:

«Ապաստանի ստացման համար հիմքեր չունեցողներին հարկավոր է արագ վերադարձնել իրենց հայրենի երկրներ: Հստակ ազդանշան ուղարկելու միակ միջոցն Է ասել հետևյալը՝ եթե ապաստանի համար հիմքեր չկան, ապա պետք չԷ գալ ԵՄ», - հայտարարել է Յոհանսոնը Շվեդիայի ռադիոյին տված հարցազրույցում:

Վերջին տարիներին ավելի ու ավելի Է մեծանում փախստականների հոսքը դեպի ԵՄ: Նրանք ժամանում են կա՛մ կանոնավոր ավիաչվերթներով, կա՛մ Միջերկրական ծովով, կա՛մ Բալկանների շրջանցմամբ: Ամենամեծ խումբը կազմում են  Թունիսից և Բանգլադեշից եկածները: Նրանց մեծ մասն ապաստան ստանալու հիմքեր չունի և պետք է արտաքսվի:

ԵՄ-ում ամեն տարի ապաստանի տրամադրման շուրջ 300 հազար մերժումներից կատարվում Է միայն մեկ քառորդ մասը: Յոհանսոնի կարծիքով՝ դա սխալ ազդանշան է ուղարկում: Նա կարծում է, որ ԵՄ անդամները պետք է ազգային չափորոշիչներ սահմանեն իրականացվող արտաքսումների քանակի առնչությամբ։

Ի դեպ, Ստոկհոլմում այսօր տեղի Է ունենում ԵՄ անդամ երկրների միգրացիայի գործերով նախարարների ոչ պաշտոնական հանդիպումը, որի ընթացքում, ի թիվս այլ հարցերի, կքննարկվի նաև այս ոլորտում համագործակցությունը ԵՄ-ի կազմի մեջ չմտնող երկրների հետ, որոնցից շատերը հրաժարվում են հետ ընդունել իրենց քաղաքացիներին։

Որպես ճնշման լծակ՝ Եվրահանձնաժողովը կարող է դիտարկել «վիզաների հետ կապված սահմանափակումների» սահմանումը՝ վիզաների տրման ավելի երկար ժամկետներ կամ դրանց թանկացում։ Այսօրվա դրությամբ սև ցուցակում Է գտնվում միայն Գամբիան։

Այժմ ԵՄ-ում նախագահող Շվեդիան կարծում է, որ ԵՄ-ն այստեղ թերի Է աշխատում, և հանդես Է գալիս ցուցակի ընդլայնման օգտին: Յոհանսոնի կարծիքով՝ ԵՄ շատ երկրներ «վատ են կատարում  տնային աշխատանքը»՝ բավարար ակտիվություն չցուցաբերելով համապատասխան երկրների հետ շփումներում։ Նրա խոսքով՝ այսօր նրանց հետ քննարկվում է «մերժվածների» գործերի միայն 16 %-ը։

ԵՄ-ում Շվեդիայի նախագահության ժամանակ նախարարների առաջին ոչ պաշտոնական հանդիպումը տեղի Է ունենում հունվարի 26-27-ը Ստոկհոլմում։

Հանդիպման առաջին օրը նվիրված է ներքին գործերին, երկրորդ օրը՝ արդարադատությանը։ Օրակարգում են ԵՄ միգրացիոն քաղաքականությունը, կազմակերպված հանցավորության դեմ պայքարը և Ուկրաինայում իրադրությունը, այդ թվում՝ այդ երկրում միջազգային հանցագործությունների դատական հետապնդումը։

Հունվարի 26-ին միգրացիայի նախարարները քննարկում են փախստականների վերադարձման հարցերը, այդ թվում՝ համագործակցությունը երրորդ երկրների հետ, ինչպես նաև այն, թե «ինչպես ապահովել միգրացիոն խնդիրների լուծման արդյունավետ համապետական մոտեցում»:

Այս թեմայով Եվրամիությունը պաշտոնապես հրապարակել է Ռուսաստանի դեմ պատժամիջոցների ութերորդ փաթեթը Եվրամիությունը կես տարով երկարաձգել է Ռուսաստանի դեմ պատժամիջոցները Եվրամիությունը աջակցում է տարածաշրջանային երկխոսությանը. Կլաարը՝ Փաշինյանին Եվրամիությունը չի քննարկում Ռուսաստանից գազի մատակարարման դադարեցումը. Բորել Եվրամիությունը հայտարարել է համաեվրոպական բանակ ստեղծելու ծրագրերի բացակայության մասին Եվրամիությունը պատժամիջոցներ է սահմանել «Ռոսնեֆտի», «Տրանսնեֆտի» և «Գազպրոմնեֆտի» դեմ Եվրամիությունը չի հրաժարվի ռուսական նավթից և գազից Եվրամիությունն սկսել է Ուկրաինայի, Վրաստանի և Մոլդովայի անդամակցության դիմումների քննարկումը Գերմանիան և Նիդեռլանդները չեն ցանկանում Ուկրաինային տեսնել Եվրամիությունում. Bloomberg Եվրամիությունը 2 միլիարդ եվրոյի ֆինանսական փաթեթ է հատկացրել Ադրբեջանին