Սանկտ-Պետերբուրգը և հայ-ռուսական գիտա-կրթական համագործակցությունը

2023 թ. հունվարի 19-ին ԴԻԱԼՈԳ կազմակերպության նախագահ Յուրի Նավոյանը այցելել է Սանկտ-Պետերբուրգի պետական տնտեսագիտական համալսարան և արժանացել բուհի ռեկտոր Իգոր Մաքսիմցևի ընդունելությանը:

Հանդիպման ընթացքում քննարկվել են Ռուսաստանի խոշորագույն տնտեսագիտական բուհերից և տնտեսագիտական կրթության առաջատարներից մեկի և Հայաստանի ուսումնական ու գիտական հաստատությունների միջև համագործակցության զարգացման հարցերը` ներառյալ ուսանողական փոխանակումների ծրագրերի և համատեղ միջոցառումների կազմակերպան հեռանկարները: Առանձնահատուկ ուշադրություն է դարձվել տնտեսական համագործակցության ոլորտում համատեղ հետազոտությունների իրականացմանը:

Յուրի Նավոյանը հրավեր է ստացել հայ-ռուսական հարաբերությունների և եվրասիական ինտեգրացիայի խնդիրների վերաբերյալ առաջիկայում դասախոսությամբ հանդես գալու համալսարանում, ինչպես նաև մասնակցելու համալսարանի կողմից  անցկացվող «Եվրասիական տնտեսական հեռանկար» ամենամյա ֆորումին:  

ԴԻԱԼՈԳԻ ղեկավարը համալսարանի ղեկավարությանը նվիրել է վերջերս հրատարակված` «Ռուսաստանի Դաշնություն և Հայաստանի Հանրապետություն. դաշնակցային փոխգործակցության 30 տարի» ժողովածուի առաջին հատորը, որը կազմվել է Հայաստանի և Ռուսաստանի արտաքին գործերի նախարարությունների հետ համագործակցաբար և հրատարակվել Երևանում Ռուսական գրքի տան աջակցությամբ:

Նշենք, որ հունվարի 19-21-ը Յուրի Նավոյանը Սանկտ-Պետերբուրգում էր գտնվում «Եվրասիական անկայունության աղեղը և տարածաշրջանային անվտանգության խնդիրները Արևելյան Ասիայից մինչև Հյուսիսային Աֆրիկա» ամենամյա միջազգային գիտաժողովին մասնակցելու համար, որը տեղի էր ունենում Սանկտ-Պետերբուրգի պետական համալսարանում: Գիտաժողովում նա հանդես է եկել «Հարավկովկասյան անկայունության աղեղը և տարածաշրջանային անվտանգության ապահովման միջոցառումները» զեկուցումով:

Այս թեմայով Բավարարվե´ք պատասխանովս. նախարարը բորբոքվեց, երբ լրագրողն էլի հարցրեց ռուսական դպրոցների մասին (տեսանյութ) ՀՀ ՌԴ շատ քաղաքացիներ են եկել. պատրաստ ենք հայ-ռուսական դպրոց բացել, որ ռուսերենով կրթություն ստանան Մարտի 23-24-ին Մեղրիում` ռուսական սահմանապահ զորամասի հրաձգարանում, պայթեցման աշխատանքներ կկատարվեն Հաստատվել են մագիստրոսի կրթական ծրագրով ընդունելության տեղերը. ԿԳՄՍՆ Անահիտ Ավանեսյանը կմեկնի Սանկտ Պետերբուրգ Հայաստանը մեծապես կարևորում է Թունիսի հետ համագործակցությունը․ Փաշինյանը շնորհավորական ուղերձներ է հղել Ռուսական հատուկ ջոկատայինները պլանային վարժանք են անցկացրել ՀՀ-ում․ ոչնչացրել են «թշնամու» ուժերին «Հրապարակ». Վաճառքի է հանվել նախկին ռուսական զորամասը «Հրապարակ». Քննարկվում է Հայաստանում ռուսական նոր դպրոցներ բացելու հարցը Հայաստանում ռուսական ռազմաբազայի ստորաբաժանումներն ուսումնական վարժանքներ են անցկացրել