Ադրբեջանը պետք է անհապաղ դադարեցնի Լեռնային Ղարաբաղի շրջափակումը. ԱՄՆ սենատոր

Ադրբեջանը պետք է անհապաղ դադարեցնի Լեռնային Ղարաբաղի շրջափակումը՝ հայտարարել է ԱՄՆ Կոնգրեսի Սենատի անդամ Դայան Ֆայնշթայնը: Այս մասին հաղորդում է Լուրերը։

«Ադրբեջանը պատասխանատվություն է կրում այդ հուսահատ տարածաշրջանի բնակչությանը մատակարարումների ապահովման համար, և չափազանց կարևոր է, որ Ադրբեջանի նախագահ Իլհամ Ալիևն անհապաղ բացի Լաչինի միջանցքը, որպեսզի խուսափի հումանիտար իրավիճակի վատթարացումից։ Ոչ մի արդարացում չկա պարենի, դեղորայքի և առաջին անհրաժեշտության այլ պարագաների մատակարարումները դադարեցնելու համար։ Տարածքային վեճերը չեն կարող լուծվել բնակչությանը սովամահ անելով, այլ միայն լուրջ բանակցությունների միջոցով»,- նշված է սենատորի հայտարարության մեջ։

Նա հիշեցրել է, որ ԱՄՆ պետքարտուղար Էնթոնի Բլինքենն Ադրբեջանի նախագահին կոչ է արել բացել Լաչինի միջանցքն առևտրային երթևեկության համար։

«Բայդենի վարչակազմը պետք է ուժեղացնի ճնշումը նախագահ Ալիևի վրա, որպեսզի նա վերջ դնի այս աղետալի քաղաքականությանը, քանի դեռ այն ավելի մեծ վնաս չի հասցրել տարածաշրջանի անմեղ քաղաքացիական անձանց: Քաղաքացիական բնակչությանը շրջափակելը միայն խստացնում է մոտեցումները և դժվարացնում խաղաղության հասնելը»,- հավելել է Ֆայնշթայնը:

Այս թեմայով Թեհրանը բողոքի նոտա է հղել Բաքվին և փոխհատուցում պահանջել Իրանը բացատրություն է պահանջում Ադրբեջանից Իրանում Ադրբեջանի հյուպատոսության դիմաց բողոքի ակցիա է անցկացվել Բյուլբյուլօղլուն Գալուզինի հետ քննարկել է եռակողմ պայմանավորվածությունների կատարման հարցը Ադրբեջանի ԱԳՆ-ն Իրանին մեղադրել է երկրի դեմ սպառնալիքների և սադրանքների մեջ Ադրբեջանի ՊՆ-ն Իրանին մեղադրել է «ահաբեկչությանն աջակցելու» մեջ Հուսով ենք` կոնկրետ տեղաշարժեր կլինեն ինչպես Ստեփանակերտ-Բաքու, այնպես էլ Հայաստան-Ադրբեջան բանակցային ձևաչափերում. Վարչապետ Բաքուն և Թել Ավիվը նախատեսում են 200 մլն դոլարի ներդրումային փաստաթուղթ ստորագրել Եթե Ադրբեջանը գարնանը հարձակում չգործի Հայաստանի վրա, ուրեմն ԵՄ դիտորդական առաքելությունը հաջողվել է․ Ռիտեր Բաքվում հայտարարել են, թե Ադրբեջանը զենք ու զինամթերք է վաճառում ԱՄՆ-ին