Ցավում եմ մեր երկրպագուների համար, մենք նորից հիասթափեցրինք նրանց․ Ռոբերտսոն
Սպորտ«Լիվերպուլի» եզրային պաշտպան Էնդրյու Ռոբերտսոնը մեկնաբանել է իր թիմի պարտությունը Անգլիայի գավաթի 1/16-րդ եզրափակիչի «Բրայթոնի» հետ խաղում (1:2)։
«Դառը հիասթափություն։ Կարծում եմ՝ սկզբից մինչև վերջ գավաթային լավ խաղ էր, և երկու թիմերն էլ հնարավորություններ ունեին: Այսօր մենք ավելի մրցունակ էինք, քան երկու շաբաթ առաջ։ Մենք պահեր ստեղծեցինք և ավելի կոմպակտ գործեցինք, բայց խաղի վերջում, այնուամենայնիվ, դուրս մնացինք պայքարից,-հայտնում է armsport-ը։
«Լիվերպուլի» նման ակումբում երկրպագուները շատ բան են սպասում: Պետք է սկսել հաղթել։ Հեշտ է ասելը, բայց ավելի դժվար է անելը:
Մենք բավականաչափ լավ չենք այս մրցաշրջանում: Ցանկանում էինք ամեն ինչ նորից սկսել, բայց դա տեղի չունեցավ։ Առաջնությունում մենք հեռու էինք իդեալական լինելուց, իսկ հիմա երկու գավաթներից էլ դուրս ենք մնացել։ Ցավում եմ մեր երկրպագուների համար, մենք նորից հիասթափեցրինք նրանց»,- Ռոբերտսոնի խոսքերն է մեջբերում BBC-ն: