«Փաստ». Հայաստանում սպասվում է կապիտալի տոտալ վերաբաշխում

«Փաստ» օրաթերթը գրում է. «Այս տարվա հունվարի 1-ից ուժի մեջ է մտել իրավաբանական անձանց քրեական պատասխանատվության ինստիտուտը, որը ՀՀ դատախազությանը իրավունք է տալիս ծանր մեղադրանք առաջադրել նաև իրավաբանական անձանց: Գործողության մեջ մտած դրույթներով Հայաստանի տարածքում գործող ընկերությունները կարող են դատապարտվել ՀՀ Քրեական օրենսգրքի հատուկ մասի բոլոր հոդվածներով, իսկ պատիժները, որ կարող է նշանակել դատարանը, բավականին ծանր են՝ նախորդ տարվա հասույթի մինչև 20 տոկոս տուգանքից մինչև ընկերության գործունեության հարկադիր դադարեցում:

Հաշվի առնելով հայկական ընկերությունների աշխատելաոճը, ներքին հակակոռուպցիոն և այլ բնույթի քաղաքականությունների բացակայությունը, ըստ փորձագետների, ծանր մեղադրանքներ կարող են առաջադրվել գրեթե բոլոր ընկերությունների նկատմամբ: «Փաստ» թերթի տեղեկություններով, առաջնային հարվածի տակ են հայտնվելու ռուսական կապիտալով գործող խոշոր ընկերությունները և իշխանության համար անցանկալի սեփականատերեր ունեցող խոշոր ընկերությունները:

Մեր աղբյուրների փոխանցմամբ, իրավաբանական անձանց քրեական պատասխանատվության ինստիտուտի աշխատանքը գտնվում է Հայաստանում ԱՄՆ-ի և Մեծ Բրիտանիայի դեսպանատների ուղիղ հսկողության տակ, քանի որ այն ներդրվել է հենց նրանց պահանջով և ճնշումներով»:

Այս թեմայով Ջերմաստիճանը 3-5 աստիճանով կբարձրանա. կարճատև անձրև և ամպրոպ է սպասվում Հայաստանում բնակավայրերի 66 տոկոսն ապահովված է լայնաշերտ ինտերնետով. երկիրը ինտերնետ հասանելիության առումով լավ դիրքերում է Քամու ուժգնացում, ամպրոպ ու անձրև է սպասվում Ծանր տարի է սպասվում, խոշոր ջրամբարներում բավական քիչ ջուր ունենք. փոխնախարար Հայաստանում կարմրուկի լաբորատոր հաստատված դեպքերի թիվը հասել է 201-ի Հայաստանում ճանապահներն անցանելի են. Լարսը բաց է «Փաստ». Ո՞ր դատավորներն են ԲԴԽ-ի հաջորդ թիրախը «Փաստ». Ինչո՞ւ վերածվեցինք «հրշեջների» «Փաստ». Բաբայանը փակուղում է հայտնվել «Փաստ». «Գազի ներկա սակագնի համար, այո, մեղավորություն են կրում օրվա իշխանությունները»