Հայաստանի տնտեսական ակտիվության ցուցանիշը նախորդ տարի աճել է 14.2 տոկոսով

Հայաստանի տնտեսական ակտիվության ցուցանիշը 2022 թվականի 12 ամիսների ընթացքում 2021 թվականի համեմատ ավելացել է 14.2 տոկոսով, այս մասին փաստում են ՀՀ վիճակագրական կոմիտեի հրապարակած տվյալները:

Արդյունաբերական արտադրանքի ծավալը նախորդ տարի 2021-ի համեմատ ավելացել է 7.8 տոկոսով: Գյուղատնտեսության համախառն արտադրանքի ծավալը նախորդ տարվա 12 ամիսների ընթացքում աճել է 0.4 տոկոսով:

Շինարարության ծավալներում նախորդ տարի գրանցվել է 12.5 տոկոս աճ, առևտրի շրջանառությունում 2022-ի հունվար-դեկտեմբերին 2021-ի նկատմամբ  ավելացումը կազմել է 17 տոկոս:

2022 թվականին մատուցված ծառայությունների ծավալը 2021-ի նկատմամբ ավելացել է 28.2 տոկոսով:

Ինչ վերաբերում է սպառողական գներին, ապա 2022-ին սպառողական գների ինդեքսն աճել է 8.6 տոկոսով: Իսկ արդյունաբերական արտադրանքի գների ինդեքսը աճել է 2.6 տոկոսով: Էլեկտրաէներգիայի արտադրության ծավալը նախորդ տարվա 12 ամիսներին 2021-ի նույն ժամանակի համեմատ ավելացել է 16.1 տոկոսով:

Հայաստանում միջին ամսական անվանական աշխատավարձը 2022 թվականի հունվար-դեկտեմբերին ավելացել է 15.5 տոկոսով՝ կազմելով 235 հազար 576 դրամ: Ընդ որում, պետական հատվածում ավելացումը եղել է 4.3 տոկոս՝ 186 հազար 940 դրամ, ոչ պետականում ավելացումը եղել է 19 տոկոս՝ կազմելով 256 հազար 733 դրամ:

Արտաքին առևտրաշրջանառության ծավալներում 2022-ին 2021-ի համեմատ արձանագրվել է 68.6 տոկոս աճ, ընդ որում արտահանումն աճել է 77.7 տոկոսով, իսկ ներմուծումը՝ 63.5 տոկոսով:

Դրամի փոխարժեքը ԱՄՆ դոլարի նկատմամբ 2022-ի հունվար-դեկտեմբերին կազմել է 435.67:

Այս թեմայով Արծվաշենի սահմանազատում կլինի, երբ դե յուրե հիմնավորենք, որ այդ էքսկլավը Հայաստանի մաս է. Փաշինյան ՄԱԿ-ի գլխավոր քարտուղարը ողջունում է Հայաստանի տարածքների փոխանցումը Ադրբեջանին «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին Տեղի ունեցողը Հայաստանի՝ առաջին հերթին դիվանագիտության խոշոր պարտությունն է. Փաշինյանի նախկին խորհրդական Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Մարդիկ վիրավորված են, որ իրենց ապրած կյանքը բաժանում եք իրական Հայաստանի և պատմական Հայաստանի միջև ՀԲ-ն հրապարակել է Հայաստանի տնտեսական զարգացման ամփոփագիրը Մարմնամարզության աշխարհի գավաթ. Հայաստանի 4 ներկայացուցիչ եզրափակչում է ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով Լֆիկի շուկան խի՞ չես ստուգում, բա ու՞ր էիր 2 տարի առաջ. քաղաքացին՝ քաղաքապետարանի աշխատակցին