Ուկրաինայում միակողմանի խաղաղությունը չի ընդունվի Կիևի կամ Մոսկվայի կողմից․ Չավուշօղլու

Ուկրաինային անհրաժեշտ է խաղաղություն, որը կընդունեն հակամարտության երկու կողմերը։ Այս մասին հայտարարել է Թուրքիայի արտգործնախարար Մևլութ Չավուշօղլուն, փոխանցում է «ՌԻԱ Նովոստին»։

Միաժամանակ ԱԳՆ ղեկավարը վստահություն է հայտնել, որ հակամարտությունը կավարտվի բանակցությունների միջոցով։

«Մենք կշարունակենք մեր ջանքերը, քանի որ կարծում ենք, որ այս պատերազմը կավարտվի բանակցությունների սեղանի շուրջ… Անհրաժեշտ է խաղաղություն, որը կընդունեն երկու կողմերն էլ։ Առանց երկու կողմերի ներգրավման դա հնարավոր չէ։ Միակողմանի խաղաղությունը չի ընդունվի ո՛չ Ռուսաստանի, ո՛չ Ուկրաինայի կողմից»,- ասել է Չավուշօղլուն։

Թուրք նախարարն ընդգծել է, որ Անկարան ի սկզբանե լուրջ ջանքեր է գործադրել Ուկրաինայի հակամարտությունը դադարեցնելու համար։ Նա նշել է, որ ռազմական գործողությունների առաջին ամիսներին «ճգնաժամի ավարտը կանխատեսելը ավելի հեշտ էր, քան հիմա»։

«Մենք կոչ ենք արել և շարունակում ենք կողմերին կոչ անել կապեր հաստատել։ Անկարան հիանալի հարաբերություններ ունի երկու երկրների հետ էլ։ Այդ պատճառով մենք չաջակցեցինք պատժամիջոցներին»,- նախարարի խոսքերն է մեջբերում Anadolu գործակալությունը։

Այս թեմայով Էրդողանը Թուրքիային խոստացել է կայունության դար և նոր սահմանադրություն Թուրքիայում երիտասարդների ուղեղների արտահոսքն անխուսափելի է․ ԶԼՄ Անկարայում Փաշինյանը կարճ զրույց է ունեցել Էրդողանի հետ․ ԶԼՄ–ներ Էրդողանը ներկայացրել է Թուրքիայի նոր կառավարության կազմը Թուրքիայում կրկին երկրաշարժ է տեղի ունեցել Էրդողանը երդմնակալությանը մասնակցող բարձրաստիճան հյուրերին թվարկելիս չի հիշատակել Փաշինյանին․ ՏԱՍՍ Էրդողանը ողջունել է իր երդմնակալության արարողությանը ներկա գտնվող հյուրերին Թուրքիան հատուկ նշանակության ուժերի գումարտակ կուղարկի Կոսովո Գորշ գայլերի առաջնորդը ընտրվել է Թուրքիայի խորհրդարանի նախագահ Հունգարիայի վարչապետը «շատ է աղոթել» ընտրություններում Էրդողանի հաղթանակի համար