Ավազակային հարձակում Երևանում․ ոստիկանները տաք հետքերով հայտնաբերեցին այն կատարած երկվորյակ եղբայրներին

Երեկ՝ հունվարի 31-ին, ավազակային հարձակում է տեղի ունեցել Երևանում։ Ժամը 23։40-ի սահմաններում ՀՀ ներքին գործերի նախարարության Ոստիկանության Կենտրոնական բաժնում օպերատիվ տեղեկություններ են ստացվել, որ Խանջյան փողոցում գործող «999» բարի առանձնասենյակներից մեկում դանակի սպառնալիքի տակ քաղաքացուց պահանջել և վերցրել են նրա բջջային հեռախոսը, ոսկյա մատանին ու հեռացել։ 

Ինչպես հայտնում է shamshyan.com-ը, նշված վայր են ժամանել ՀՀ ՆԳՆ Ոստիկանության Կենտրոնական բաժնի օպերատիվ խումբը՝ բաժնի պետ Արման Պապյանի, բաժնի պետի օպերատիվ գծով տեղակալ Վազգեն Թադևոսյանի և քրեական հետախուզության բաժանմունքի պետ Սերգեյ Մաիմկոնյանի գլխավորությամբ։ 

Պարզվել է, որ օպերատիվ տեղեկությունը հավաստի էր, և քրեական հետախուզության բաժանմունքի ծառայողները, համագործակցելով ՀՀ ՆԳՆ Պարեկային Ծառայության Երևանի գնդի պարեկների հետ, Խանջյան փողոցում նշված ավազակային հարձակումը կատարելու կասծկածանքով՝ ձերբակալել և Ոստիկանության Կենտրոնական բաժի են տեղափոխել Երևանի բնակիչներ երկվորյակ եղբայրներ 21-ամյա Էրիկ և Էմին Շ․-երին։ 

Գ․ Շանշյանի տեղեկություններով՝ վերջիններիս այնուհետև Ոստիկանության Կենտրոնական բաժնից ներկայացրել են Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։

Ֆոտոլրագրողի տեղեկություններով՝ տուժած քաղաքացին էլ Արագածոտնի մարզի բնակիչ 30-ամյա Թաթուլ Մ․-ն է։ 

Իսկ խոսակցությունը եղել է երկվորյակ եղբայրների և Թաթուլ Մ․-ի միջև գումարային հարցի շուրջ, որի ժամանակ էլ եղբայրներից մեկը դանակի սպառնալիքի տակ իր սև գործն է արել։ 

Այս թեմայով Երևանում «BMW» է խուզարկվել, հայտնաբերվել է թմրանյութի 20 փաթեթ․ 24-ամյա երիտասարդը ձերբակալվել է Ողբերգական դեպք Երևանում․ Մալիբուի այգում հայտնաբերվել է տղամարդու դի Խոշոր հրդեհ Երևանում․ հագուստի խանութում այրվել է մոտ 15 միլիոն դրամի հագուստ և կոշիկ Երևանում 32-ամյա վարորդը վրաերթի է ենթարկել 45-ամյա հետիոտնին․ վերջինս տեղափոխվել է հիվանդանոց Երևանում փակ կլինեն մի շարք փողոցներ Հայտնի է, թե ինչ են քննարկելու վաղը Սերգեյ Լավրովն ու Արարատ Միրզոյանը 2022 թ. Երևանում արձանագրվել է 1928 ճանապարհատրանսպորտային պատահար, որոնցից 58-ը՝ մահվան ելքով Ընդհանուր 35 փաթեթ․ Դավիթաշենի ոստիկանները բացահայտել են ապօրինի թմրաշրջանառության դեպք Հայտնի է, թե որտեղ կշարունակի կարիերան Հարոյանը Հայտնի են Չեմպիոնների լիգայի քառորդ եզրափակչի զույգերը