Իրանը կանխեց Ադրբեջանի ավելի մեծ ագրեսիան Հայաստանի դեմ. ՀՀ փոխարտգործնախարար

Իրանը օգնեց կանխել Ադրբեջանի ավելի լայնածավալ ագրեսիան Հայաստանի դեմ 2022 թվականի սեպտեմբերին։ Այս մասին Al-Monitor-ի հետ զրույցում ասել է Հայաստանի փոխարտգործնախարար Վահան Կոստանյանը։

Նրա խոսքով՝ Ադրբեջանն ունի երեք նպատակ՝ Լեռնային Ղարաբաղի էթնիկ զտում, տարածաշրջանում լայնածավալ պատերազմ հրահրելու և հայկական կողմին արտատարածքային միջանցք տրամադրելու մղում։

«Իրանը կարևոր գործընկեր է Հայաստանի համար. Իրանի հետ սահմանը մեզ համար առաջնային նշանակություն ունի։ Մենք երկու փակ սահման ունենք Թուրքիայի և Ադրբեջանի հետ, ուստի Իրանն ու Վրաստանը մեր միակ դարպասներն են դեպի արտաքին աշխարհ։ Մենք ունեինք հետախուզական տվյալներ, որ Ադրբեջանն ավելի մեծ ագրեսիա էր նախապատրաստում, երբ անցած սեպտեմբերին հարձակվեց Հայաստանի վրա։ Իրանի գործողություններն ու հայտարարություններն օգնեցին կասեցնել այս իրավիճակի հետագա վատթարացումը»,- ասաց Կոստանյանը։

Գործակալությունն իր հերթին նշում է, որ Իսրայելն օգտագործում է Ադրբեջանը Իրանի դեմ։ Սակայն Իրանը, ձգտելով իր կողմը գրավել Բաքվին, 2020 թվականի պատերազմի սկզբում աջակցեց Ադրբեջանին՝ առանց հաշվարկելու, թե Ռուսաստանը որքան հեռու թույլ կտա նրան գնալ։

Բաքուն, իր հերթին, օգտվելով Ուկրաինայում ռուսաստանյան զբաղվածությունից և Իրանում ներքին անկարգություններից, ավելի մեծ վարձատրություն էր ուզում, այն է՝ ճանապարհային և երկաթուղային միջանցքներ Սյունիքի մարզով: Միջանցքը կտրելու է Իրանը Հայաստանից՝ նրա միակ քրիստոնյա հարևանից և կարևոր դարպասից դեպի արևմտյան շուկաներ:

Այս թեմայով Էս հատվածում տներ կան, որ անցնելու են Ադրբեջանի վերահսկողության տակ. Գառնիկ Դանիելյան Պատրաստ ենք աջակցել. Գերմանիայի ԱԳՆ-ն՝ Հայաստանի և Ադրբեջանի միջև պայմանավորվածության մասին Թուրքիան ողջունել է Հայաստանի տարածքների հանձնումը Ադրբեջանին Պատգամավորը կարևոր ձեռքբերում է համարում սահմանազատումն Ալմաթիի հռչակագրի հիման վրա իրականացնելու շուրջ Հայաստանի ու Ադրբեջանի պայմանավորվածությունը Վարչապետը Հայաստանի իշխանության որդեգրած խաղաղության օրակարգի հարցում երկու շատ կարևոր իրադարձություն է նշում Հայաստանի ու Ադրբեջանի վերջին պայմանավորվածությունը նվազեցրել է անվտանգային ռիսկերը սահմանի երկայնքով. Փաշինյան Արծվաշենի սահմանազատում կլինի, երբ դե յուրե հիմնավորենք, որ այդ էքսկլավը Հայաստանի մաս է. Փաշինյան ՄԱԿ-ի գլխավոր քարտուղարը ողջունում է Հայաստանի տարածքների փոխանցումը Ադրբեջանին «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին Տեղի ունեցողը Հայաստանի՝ առաջին հերթին դիվանագիտության խոշոր պարտությունն է. Փաշինյանի նախկին խորհրդական