Դպրոցների օրինակելի կանոնադրությունում փոփոխություն կատարելու նախագիծը հաստատվեց

ՀՀ կառավարությունն իր այսօրվա՝ փետրվարի 2-ի նիստում հավանության է արժանացրել պետական հանրակրթական ուսումնական հաստատությունների օրինակելի կանոնադրությունում փոփոխություններ կատարելու մասին նախագիծը:

Սահմանվել է, որ նոր խմբագրությամբ շարադրվող օրինակելի կանոնադրությունը կիրառելի է այն պետական հանրակրթական ուսումնական հաստատությունների համար, որոնցում տնօրենները նշանակվել են սույն որոշման ուժի մեջ մտնելուց հետո:

Համաձայն որոշման՝ ՀՀ կրթության, գիտության, մշակույթի և սպորտի նախարարը, մարզպետները, ինչպես նաև Երևանի քաղաքապետը (առաջարկությամբ)՝ ըստ ենթակայության, պետք է ապահովեն նշված պետական հանրակրթական ուսումնական հաստատությունների կանոնադրությունների փոփոխությունը՝ տնօրենի նշանակումից հետո մեկամսյա ժամկետում:

2021թ. մարտին ԱԺ-ի կողմից ընդունվել են «Հանրակրթության մասին» օրենքի  փոփոխությունները, որով հանրակրթական ուսումնական հաստատությունների կառավարման համակարգի բարելավման ուղղությամբ գործադիր երկու մարմինների գործառույթները տարանջատվել են: Օրենքով սահմանված կարգով կառավարման համակարգում առավել ճկուն և արդիական մոտեցումներ են ներդրվել. մասնավորապես՝ երկու գործադիր մարմիններին՝ տնօրենին և վարչատնտեսական մասի համակարգողին, հնարավորություն է ընձեռվում իրենց լիազորությունների շրջանակում հաստատությունն արդյունավետ կառավարել, կրթական գործընթացի պատշաճ կազմակերպման շրջանակում համագործակցել, իրականացնել աշխատանքի բաշխում և վերահսկում: Բացի դրանից՝ հստակեցվել են պատասխանատվության շրջանակները: 

Հանրակրթական ուսումնական հաստատությունների կանոնադրությունում կատարված  կարգավորումների արդյունքում հաստատություններում կբարձրանա գործընթացի կազմակերպման արդյունավետությունը, ինչպես նաև հնարավորինս անխոչընդոտ կընթանա դպրոցի կառավարման, խորհրդակցական մարմինների, կրթական գործընթացի մասնակիցների գործառույթների իրականացումը:

Կհստակեցվեն նաև դպրոցին ամրացված գույքի և ֆինանսատնտեսական գործունեության, դպրոցի վերակազմակերպման և լուծարման հետ կապված իրավահարաբերությունները:

Այս թեմայով ՀՀ դրոշի ներքևի մասը պետք է լինի 2,5 մ գետնից բարձր, մաքուր և չգունաթափված․ փոփոխություն՝ օրենքում Ո՞ւմ համար կթանկանա ԱՊՊԱ-ն, ո՞ւմ համար կէժանանա․ ԿԲ նախագահը պարզաբանում է նախագիծը Հայկական դիրքերի փոփոխություն չի՛ եղել․ Կոռնիձորի հատվածում սահմանապահներն են այսուհետ լինելու Հաստատվել է այլընտրանքային կրթական ծրագրերի փորձաքննության անցկացման, ճանաչման և հաստատման կարգի նախագիծը Քննարկվել է «Հին Երևան» թաղամասի էսքիզային նախագիծը՝ Աբովյան փողոցից Քոչինյան փողոց ընկած հատվածը «Ակադեմիական քաղաք» հիմնադրամ ստեղծելու մասին որոշման նախագիծը դրվել է հանրային քննարկման Բավարարվե´ք պատասխանովս. նախարարը բորբոքվեց, երբ լրագրողն էլի հարցրեց ռուսական դպրոցների մասին (տեսանյութ) «Ակադեմիական քաղաքի» ստեղծման նախագիծը կլինի մեկ շաբաթից. ԿԳՄՍ նախարար (տեսանյութ) Էս տարին հրավառություններով վերջին տարին է․ 2024 թ-ից արգելքն ուժի մեջ կմտնի, եթե նախագիծը հաստատվի (տեսանյութ) Դրական նախաձեռնություն է, ողջունում ենք․ ընդդիմադրին դուր եկավ ՔՊ-ականի՝ մեդիայի մասին նախագիծը