Իրանը հայտնել է՝ ով է հարձակում գործել Սպահանի վրա

Սպահանում Իրանի պաշտպանության նախարարության օբյեկտի վրա հարձակման հետ կապված նախնական հետաքննությունը ցույց է տվել, որ միջադեպի պատասխանատվությունը կրում է Իսրայելը։ Այս մասին հայտարարել է ՄԱԿ-ում Իսլամական Հանրապետության մշտական ​​ներկայացուցիչ Ամիդ Սաիդ Իրավանին, փոխանցում է ISNA-ն։

Իրավանին կազմակերպության գլխավոր քարտուղար Անտոնիո Գուտերեշին ուղղված նամակում ասել է, որ հարձակման պատասխանատվությունը կրում է «Սիոնիստական ​​ռեժիմը»։ Նա նշել է, որ Իսրայելն իր գործողություններով խախտել է միջազգային իրավունքը։ Դիվանագետը կոչ է արել ՄԱԿ-ին դատապարտել «սիոնիստական ​​իշխանությունների ռազմատենչ հայտարարությունները», պարտավորեցնել նրանց պահպանել միջազգային օրենքները և դադարեցնել «տարածաշրջանում իրենց ապակառուցողական գործունեությունը»։

Իրավանի նամակում ընդգծվում է, որ Իրանն իրավունք ունի պաշտպանելու իր անվտանգությունը և արձագանքելու «Սիոնիստական ​​ռեժիմի» ցանկացած սպառնալիքին ցանկացած վայրում և ցանկացած ժամանակ։

Դիվանագետը նաև հավելել է, որ ուկրաինական հակամարտության հարցում Իրանը հավատարիմ է չեզոքության դիրքորոշմանը, հարգում է Ուկրաինայի ինքնիշխանությունը, անկախությունը և տարածքային ամբողջականությունը։ Նա Իրանի պաշտպանության նախարարության օբյեկտի վրա հարձակման մասին ուկրաինացի բարձրաստիճան պաշտոնյայի հայտարարություններն անվանել է սադրիչ, անհիմն և միջազգային իրավունքի սկզբունքները խախտող։

Իրանի ռազմական օբյեկտի վրա հարձակման հաջորդ օրը Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը գրել էր. «Ուկրաինան ձեզ զգուշացրել էր»։ Այս խոսքերի պատճառով՝ Իրանի ԱԳՆ-ն իր մոտ է կանչել Ուկրաինայի դեսպանին։

Կիևը մեղադրում է Իրանին Ռուսաստանին զենք և ռազմական տեխնիկա, այդ թվում՝ անօդաչու սարքեր մատակարարելու մեջ։ Թեհրանում և Մոսկվայում հերքում են անօդաչու սարքերի տեղափոխումը Ռուսաստան։

Այս թեմայով Ադրբեջանի ԱԳՆ-ն կոչ է արել իր քաղաքացիներին զերծ մնալ Իրան մեկնելուց Թուրքիայի հետ համագործակցությունը պայմաններ կապահովի տարածաշրջանում խաղաղության ամրապնդման համար․ Իրանի նախագահ Ո՞վ է Փաշինյանին կադաստրի վկայականը տալու․ սա հարձակում է պետության դեմ, որն իրականացնում է հենց Փաշինյանը․ Արմեն Այվազյան Գայանեն ի՞նչ պետք է ասեր, որ Աշոտը իրան դռնից գցել ա, լավ չե՞ս ամաչում, բա ասում էիր՝ Ռեմբոն ես էղել Իրանցի նախարարն առաջարկել է ստեղծել «պատժամիջոցային ակումբ» և հրաժարվել դոլարից Իրանում երկու դերասանուհիներ կարող են ազատազրկվել՝ առանց հիջաբի հանրությանը ներկայանալու համար Թեհրանում ոգեկոչել են Հայոց ցեղասպանության անմեղ զոհերի հիշատակը Հայաստան-Իրան սահմանին տղամարդու մարմնից թմրանյութ է հայտնաբերվել (տեսանյութ) Իրանում ադրբեջանցի չորս դիվանագետ պերսոնա նոն գրատա են հայտարարել Իրանի նախագահը վերջին 10 տարում առաջին անգամ կայցելի Սիրիա