ԳԱԱ-ում ստեղծվել է գիտական և գիտատեխնիկական կարևոր նախաձեռնությունների քննարկման բաց հարթակ

ՀՀ Գիտությունների ազգային ակադեմիայում ստեղծված է կարևոր նախաձեռնությունների և Հայաստանի գիտական ու գիտատեխնիկական գործունեության բնագավառին վերաբերող հարցերի քննարկման մշտական բաց հարթակ․ տեղեկացնում են ՀՀ ԳԱԱ գիտության հանրայնացման և հասարակայնության հետ կապերի բաժնից։

«2023 թվականի հունվարի 25-ից սկսած յուրաքանչյուր շաբաթվա չորեքշաբթի օրը՝ ժամը 15:00-17:30-ը, ՀՀ ԳԱԱ նախագահի առանձնասենյակում կազմակերպվում են քննարկումներ՝ ՀՀ ԳԱԱ նախագահի ղեկավարությամբ:

Քննարկումները կրելու են թեմատիկ բնույթ և կազմակերպվելու են նախօրոք հայտարարված թեմաների շուրջ: ՀՀ ԳԱԱ-ն հրավիրում է ակադեմիական կազմակերպությունների տնօրեններին, գիտական և ճարտարագիտատեխնիկական անձնակազմի ներկայացուցիչներին, ինչպես նաև գիտության ոլորտի շահառուներին առաջարկություններ ունենալու դեպքում ակտիվորեն մասնակցել այդ քննարկումներին:

Համոզված ենք, որ ՀՀ ԳԱԱ նախաձեռնությունների քննարկումը հնարավորություն կտա գիտական հանրության լայն շրջանակներին իրենց նպաստը բերելու ինչպես արդեն իսկ մշակված ծրագրերի բարելավման ու ներդրման արդյունավետության բարձրացման, այնպես էլ նորերը մշակելու գործում: Քննարկումները կազմակերպվում են ըստ ՀՀ ԳԱԱ բաժանմունքների: Քննարկումների առաջին թեման ՀՀ ԳԱԱ բարեփոխումների ծրագիրն է:

Սույն թվականի հունվար 25-ի քննարկմանը մասնակցել են ՀՀ ԳԱԱ Բնական գիտությունների բաժանմունքի ինստիտուտների ներկայացուցիչները։ Փետրվարի 1-ին քննարկմանը մասնակցել են ՀՀ ԳԱԱ Մաթեմատիկական և տեխնիկական գիտությունների ու Ֆիզիկայի և աստղաֆիզիկայի բաժանմունքների ինստիտուտների ներկայացուցիչները։ Փետրվարի 8-ին կայանալիք քննարկումը կանցկացվի ՀՀ ԳԱԱ Քիմիայի և Երկրի մասին գիտությունների բաժանմունքի ինստիտուտների ներկայացուցիչների հետ, իսկ փետրվարի 15-ին կայանալիք քննարկումը՝ ՀՀ ԳԱԱ Հայագիտության և հասարակական գիտությունների բաժանմունքի ինստիտուտների ներկայացուցիչների հետ:

Քննարկման տվյալ թեման ավարտելուց հետո կհայտարարվի նոր թեմա և նոր ժամանակացույց»,- ասված է հաղորդագրությունում։

Այս թեմայով «Ակադեմիական քաղաք» հիմնադրամ ստեղծելու մասին որոշման նախագիծը դրվել է հանրային քննարկման Քվանտային հեղափոխության շրջանում ենք․ կարևոր է՝ 10 տարի անց ՀՀ-ում համապատասխան մասնագետներ ունենանք Իմ և որդուս անուններով կեղծ օգտահաշիվներ են ստեղծվել. Ռուզաննա Խաչատրյան «Թարգմանչական գործը կարևոր նշանակություն ունի»․ Արցախի ԱԺ նախագահն ուսանողների է ընդունել «Ձեզ համար ԼՂ հայության անվտանգության երաշխավորումը կարևոր չէ, կարևոր է տեքստի սրությունը» (տեսանյութ) Բաքվի նոր առաջարկները ստացել ենք․ թևակոխում ենք խաղաղության պայմանագրի նախագծի քննարկման 4–րդ փուլ Ստեղծվել է հնարավորություն առանց տանից բացակայելու վճարել գույքահարկը (տեսանյութ) «Ժողովուրդ». ՔՊ-ականներն ամեն շաբաթ պաշտոնյաներին կանչելու են փակ քննարկման Հայ-ռուսական ակումբը նպաստելու է ՀՀ և ՌԴ միջև հումանիտար, գիտական, մշակութային կապերի հետագա զարգացմանը․ «Դիալոգ» Անցյալի արարքների ընդունումը կարևոր քայլ է հաշտության ճանապարհին. ԵՄ դեսպանատունը՝ Սումգայիթի մասին