Հայաստանն է իմ տունը․ Աբու Դաբիի 6-ժամյա մրցավազքում ավտոարշավորդ Արթուր Գորոյանը հաղթանակ է տոնել (տեսանյութ, լուսանկարներ)

«Իմ ամենակարևոր նպատակը սպորտի հանրայնացումն է, որպեսզի երիտասարդները, փոխանակ թմրանյութեր օգտագործելու, ծխելու, ալկոհոլ չարաշահելու՝ զբաղվեն սպորտով»,-այս մասին հրավիրված մամուլի ասուլիսին հայտարարեց Աբու Դաբիի 6-ժամյա մրցավազքի TCR դասում հաղթող, ավտոարշավորդ Արթուր Գորոյանը, որը իր թիմակից Ռոման Մավլանովի հետ մրցարշավում հանդես է եկել Audi RS3 դասի մեքենայով։

Հայաստանը ներկայացնող Գորոյանն ու Մավլանովը թեժ մրցապայքարում կարողացել են առավելության հասնել և մոտակա մրցակցից՝ «Wolf-Power Racing» թիմից 6 վայրկյան շուտ են հասել եզրագծին ու հաղթանակ տոնել։

«Տասը տարուց ավելի է՝ զբաղվում եմ այս սպորտաձևով, հիմնականում Գերմանիայում եմ մրցումներին մասնակցում, այնտեղ աշխարհի ամենադժվար և ամենավտանգավոր մայրուղիներն են, Գերմանիայում ես միակ հայ ավտոարշավորդն եմ ցուցակներում, միշտ իմ անունն է գրվում, սակայն, կուզենայի, որ մյուս երկրներում ապրող հայերը, որոնք այս սպորտաձևով են զբաղվում, նույնպես օրինակ վերցնեին, նկատի ունեմ՝ Ֆրանսիայում, Գերմանիայում, Իտալիայում և այլուր, և ունենային հայկական արտոնագիր»,-ասաց Արթուր Գորոյանը և հավելեց, որ ամենուր ելույթ է ունենում ՀՀ-ի դրոշի ներքո, քանի որ  Հայաստանն է իր տունը։

Խոսելով այս սպորտաձևի ընտրության մասին՝ Արթուր Գորոյանը նշեց, որ փորձել է գործունեության այլ բնագավառներ, այլ սպորտաձևեր ևս, սակայն այս մեկն իր մոտ ամենաարդյունավետն է ստացվել։

 «2016 թվականին ամենաերկար՝ ութժամյա փորձն եմ ունեցել ղեկին, այս սպորտում ամենադժվարը, թերևս, անսպասելի հանգամանքներն են, հատկապես, երբ նախապես գիտես, թե քանի ժամ ես անցկացնելու ղեկին և հանկարծ ինչ-որ խնդիր է ծագում և հասկանում ես, որ ավելի երկար պիտի մնաս նախատեսվածից»,-ասաց նա։

«Հայաստանի ավտոմոբիլային ֆեդերացիայի» նախագահ Արսեն Մանուկյանը, իր հերթին, խոսելով ՀՀ-ում ավտոսպորտի մասին, նշեց․

«ՀՀ-ում ավտոսպորտն այս տարի նոր փուլ է մտնում․ քարթինգի պարապմունքներ ենք ուզում սկսել։ Պետք է մասնակցենք քարթինգ սպորտաձևին։ Հայաստանը պետք է թիմ ունենա նշված մրցաշարին մասնակցելու համար»,-ասաց ֆեդերացիայի նախագահն ու հավելեց, որ Հայաստանում ավտոսպորտը զարգացնելու համար ստանդարտներին համապատասխան մրցուղի է հարկավոր․ արդեն իսկ ջանքեր են գործադրվում այն կառուցելու համար։

Մանրամասները՝ տեսանյութում։

Այս թեմայով Պատրաստ եմ Արցախում ծառայել՝ անկախ որևէ պաշտոնից և դիրքից․ Արթուր Դավթյանը հարցազրույց է տվել 2023 թվականի ապրիլի 1-ից Հայաստանն անցնելու է ԱՊՊԱ ազատականացված սակագների համակարգին 3 տարի անց Եվրոպայի առաջնություն է վերադառնում աշխարհի չեմպիոն Արթուր Ալեքսանյանը Օտարերկրյա ներկայությունը Երևանին ու Բաքվին չի օգնում մեղմացնել լարվածությունը. Իրանի ԱԳ (տեսանյութ) Արթուր Խաչատրյանը Արգենտինայում և Ուրուգվայում ներկայացրել է Արցախում ստեղծված իրավիճակը Արգենտինան հաղթեց՝ 7:0, Մեսիի հեթ-տրիկը (տեսանյութ) Ո՞վ է այն խելագարը, որ ձգտում է պաշտոն ունենալու․ պաշտոն ունեցող մարդու ամեն ինչը կաշկանդված ու սահմանափակված է. Բագրատ Սրբազան (տեսանյութ) Պուտինին ձերբակալել հնարավոր չի. Հայաստանը շատ փոքր երկիր է, որ կարողանա Պուտին ձերբակալել. Ալվերտ Բազեյան (տեսանյութ) Չիլի - Պարագվայ․ 5 գոլ, 2 կարմիր քարտ (տեսանյութ) «Փաստ». Ինչո՞ւ են դեմ Արթուր Դավթյանի թեկնածությանը