ԱԺ պատգամավորների հետ քննարկվել է հուշարձաններին վերաբերող օրենքի նախագիծը

ՀՀ կրթության, գիտության, մշակույթի և սպորտի նախարարությունում հրավիրված խորհրդակցության ժամանակ քննարկվել է «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» և «Գույքի նկատմամբ իրավունքների պետական գրանցման մասին» ՀՀ օրենքներում լրացումներ կատարելու մասին նախագծերի փաթեթը:

Հանդիպմանը մասնակցել են ԿԳՄՍ նախարարի տեղակալ Ալֆրեդ Քոչարյանը, ԱԺ պատգամավորներ Թագուհի Ղազարյանը և Լիլիթ Գալստյանը, նախարարության աշխատակիցներ և ոլորտի փորձառու մասնագետներ։

Քննարկվել են օրենսդրական փաթեթում մինչև երկրորդ ընթերցում լրացումներ կատարելու հնարավորություններն ու պատգամավորների առաջարկները։ Մասնավորապես՝ անդրադարձ է կատարվել հնագիտական հուշարձանների պահպանության համատեքստում գանձագողության դեմ իրավական գործիքակազմի ստեղծման, հուշարձանների վնասման դեպքում պատասխանատվության միջոցների խստացման և այլ հարցերի։

Քննարկման մասնակիցները միակարծիք են եղել՝ պատմամշակութային ժառանգության պահպանության մեխանիզմները պետք է բարելավվեն, և իրավական ակտերում բարեփոխումները շարունակական բնույթ կրեն։

Հիշեցնենք, որ 2022 թ․ հունվարի 31-ին ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում առաջին ընթերցմամբ դրական եզրակացություն է տրվել «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» և «Գույքի նկատմամբ իրավունքների պետական գրանցման մասին» ՀՀ օրենքներում լրացումներ կատարելու մասին նախագծերի փաթեթին:

Այս թեմայով Զերծ մնացեք սեռական բռնության ենթարկված անձին, առավել ևս՝ երեխային վերաբերող տվյալներ հրապարակելուց. Աբրահամյան ԱԶԲ ներկայացուցիչների հետ քննարկվել են Հյուսիս-հարավի՝ հարավային հատվածում նախատեսվող ծրագրերը Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Քննարկվել են անտառների պահպանության, ծավալների ավելացման ու գրագետ կառավարման խնդիրները ՍԴ դատավորի կենսաթոշակի հաշվարկման նոր կարգ. ԱԺ-ն ընդունել է օրենքի նախագիծը Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը Քննարկվել է մասնավոր թատրոնների խրախուսման մոդելների անհրաժեշտությունը Ծեծկռտուք Վրաստանի խորհրդարանում՝ օտարերկրյա գործակալների մասին օրենքի քննարկման ժամանակ (տեսանյութ) Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը Ղազախստանը ողջունում է Հայաստանի կառավարության «Խաղաղության խաչմերուկ» նախագիծը