Դեղերի հետկանչ․ ՀՀ ԱԱՏՄ-ն իրազեկում է

Հիմք ընդունելով 2023 թվականի հունվարի 30-ին ՀՀ ԱՆ «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲ ընկերությունից ստացված 27.01.2023թ-ի թիվ 01/279-23 գրությանը կից փորձաքննության եզրակացությունը, ՀՀ կառավարության 2019 թվականի փետրվարի 28-ի թիվ 164-Ն որոշմամբ հաստատված կարգի 2-րդ կետը, 5-րդ կետի 2-րդ ենթակետը և «Դեղերի մասին» ՀՀ օրենքի 23-րդ հոդվածի 2-րդ մասը՝ Առողջապահական և աշխատանքի տեսչական մարմնի ղեկավարի պարտականությունները կատարողի կողմից դեղի հետկանչի կարգադրագիր է տրվել «Թեոֆարմա Իմպորտ», «Ֆարմպրոեկտ», «Ֆարմատեք», «Ալֆա-Ֆարմ Իմպորտ», «Ռիխտեր-Լամբրոն, «Լևոն և Լամարա», «Տոնուս-Լես» և «Վագա-Ֆարմ» ՍՊ ընկերություններին։

Համաձայն վերոնշյալ եզրակացության՝ ՀՀ-ում գրանցված «Դիպրոսպան բետամեթազոն (բետամեթազոնի դիպրոպիոնատ), բետամեթազոն (բետամեթազոնի նատրիումական ֆոսֆատ) դեղակախույթ ներարկման 5մգ/մլ+2մգ/մլ; (5) ամպուլներ 1մլ Բելգիա Շերինդ-Պլաու Լաբո Ն.Վ., Ինդաստրիպարկ 30, Հեյստ-օպ-դեն-Բերգ, 2220 Օրգանոն Սենտրալ Իստ ԳմբՀ, Վեյշտրասե 20, 6006 Լուցերն (Շվեյցարիա)» դեղի W002247, W005812 և W028823 սերիաների որակի հսկման հետազոտությունների արդյունքում հայտնաբերվել է մեխանիկական մասնիկներով պայմանավորված որակի անհամապատասխանություն:

Դեղի հետկանչն իրականացնողներին հանձնարարվել է կարգադրագիրը ստանալու պահից 24 ժամվա ընթացքում մշակել հետկանչի պլան և այն համաձայնեցման ներկայացնել Տեսչական մարմին։

Ընթացքի, իրականացված միջոցառումների մասին 3 օրը մեկ անգամ ներկայացնել հաշվետվություն՝ ՀՀ ք. Երևան, Նորք-Մարաշ, Ա. Արմենակյան 129 և [email protected], [email protected] հասցեներով, ինպես նաև հետկանչի ավարտից հետո դեղի ոչնչացումը իրականացնել «Դեղերի մասին» ՀՀ օրենքի 23-րդ հոդվածի 2-րդ մասով, 26-րդ հոդվածով և ՀՀ առողջապահության նախարարի 2013 թվականի փետրվարի 1-ի «Դեղատներում կամ դեղատնային կրպակներում բժշկական թափոնների հաշվառման կարգը սահմանելու մասին» N 05-Ն հրամանով սահմանված կարգով։

Հարգելի’ քաղաքացիներ, խնդրում ենք ուշադիր լինել և խուսափել տվյալ սերիայով դեղի օգտագործումից։

Այս թեմայով Իրազեկում. փոփոխություններ տուգանային միավորների կիրառման վերաբերյալ Շուրջ 900 անուն դեղեր չեն ներառվելու էլեկտրոնային դեղատոմսերով բաց թողնվող դեղերի ցանկում Հիշեցնում Էլեկտրոնային դեղատոմսով դեղերի ձեռքբերման մասին Կառավարությունը նախատեսում է կարգավորել դեղերի գրանցման և կլինիկական փորձարկումների ոլորտը Ձերբակալվել է ԱԱՏՄ բժշկական օգնության և սպասարկման վերահսկողության վարչության պետը․ «Ազատություն» ԱԱՏՄ կողմից 2023 թվականին հարուցվել է 3051 վարչական վարույթ Լենա Նանուշյանը հանդիպել է Իրանի սննդամթերքի և դեղերի վարչության պետ Հայդեր Մոհամմադիի հետ Մի շարք հանգամանքներ ազդում են Հայաստանում որոշ դեղերի բարձր գների վրա. պարզաբանում է նախարարը Անվտանգության կանոններ. իրազեկում երեխաներին Վրաստանում դեղագործական ընկերությունները տուգանվել են դեղերի կարտելային գներ սահմանելու համար