Համաշխարհային բանկը կշարունակի աջակցել Հայաստանի կառավարությանը բարեփոխումների իրականացման գործում. Սեբաստիան Մոլինեուս

ՀՀ փոխվարչապետ Տիգրան Խաչատրյանն այսօր աշխատանքային քննարկում է ունեցել Համաշխարհային բանկի (ՀԲ) խմբի ներկայացուցիչների հետ: Բանկի պատվիրակությունը գլխավորել են ՀԲ Հարավային Կովկասի տարածաշրջանային տնօրեն Սեբաստիան Մոլինեուսը և ՀԲ Երևանի գրասենյակի տնօրեն Կարոլին Գեգինատը:

Փոխվարչապետ Խաչատրյանը, ողջունելով հյուրերին, բարձր է գնահատել Համաշխարհային բանկի հետ ծավալած արդյունավետ համագործակցությունը և վերահաստատել կառավարության պատրաստակամությունը՝ ամրապնդելու փոխգործակցությունը և ընդլայնելու համագործակցության շրջանակները:

Համաշխարհային բանկի տարածաշրջանային տնօրենն ընդգծել է, որ Բանկը կշարունակի աջակցել ՀՀ կառավարությանը բարեփոխումների իրականացման գործում՝ հասնելու գործընկերային առավել բարձր մակարդակի:

Հանդիպման ընթացքում զրուցակիցները քննարկել են ՀՀ Կառավարություն - Համաշխարհային բանկ համագործակցության ընթացքին և հեռանկարներին վերաբերող հարցերի լայն շրջանակ: Մասնավորապես, անդրադարձ է եղել Հայաստանի Հանրապետության հետ Համաշխարհային բանկի ռազմավարության առաջնահերթություններին և ընթացիկ ծրագրերին` ուղղված պետական հատվածի և հանրային ֆինանսների կառավարման ոլորտի բարելավումներին, առողջապահության համապարփակ ապահովագրության համակարգի ներդրմանը, էներգետիկայի և ենթակառուցվածքների ոլորտների զարգացմանը:

Այս թեմայով Լեգենդար Պլասիդո Դոմինգոն համաշխարհային բեմերը կիսում է Ջուլիանա Գրիգորյանի հետ (ֆոտոշարք) ՀՀ-ն բարձր է գնահատում Ասիական զարգացման բանկի շարունակական աջակցությունը 31-ամյա տղամարդն օգտվել է բանկային ծրագրի վրիպակից և 29 անգամ կանխիկացրել ու հափշտակել 998․000 դրամ Նարեկ Մկրտչյանը մասնակցում է Համաշխարհային կառավարման գագաթնաժողովին ՀՅԴ երիտասարդականի համաշխարհային համագումարի բացման արարողությունը (տեսանյութ) Պարենային ապրանքների համաշխարհային գները հունվարին շարունակել են նվազել Հիմա մեր անելիքներից մեկը նաև Արցախի թեման համաշխարհային հանրության ուշադրության կենտրոնում պահելն է. Ռուբեն Վարդանյան Միքայել Միքայելյանը կրկին 4-րդն է Համաշխարհային Ձմեռային խաղերում Հայաստանի ուսանող մարզիկներն ԱՄՆ-ում մասնակցում են ձմեռային համաշխարհային 31-րդ ունիվերսիադային Հանդիպում ՀՅԴ Հայ դատի համաշխարհային ցանցի և Արցախի Հանրապետության ներկայացուցիչների միջև