Արագ շահույթի մոլուցքով արված շինարարությունը կարող է մեզ մոտ էլ մարդկային ողբերգության պատճառ լինել․ Ավետիք Չալաբյան

Թուրքիայում տեղի ունեցած կրկնակի երկրաշարժը վիթխարի մասշտաբների աղետ է, 3000-ից ավել վնասված շենքերով, 1000-ից ավել (իսկ գուցե շատ ավելի) զոհերով, և 10000-ին մոտեցող վիրավորներով, իր մասշտաբներով այն համադրելի է 34 տարի առաջ Հայաստանի հյուսիսը պատուհասած աղետալի երկրաշարժի հետ: Այս մասին ֆեյսբուքյան իր էջում գրել է հասարակական-քաղաքական գործիչ Ավետիք Չալաբյանը։

«Այս մասշտաբի ավերածությունները և կորուստները, բացի մարդկային ողբերգությունից, նաև անուղղակի ցուցիչ են երկրում առկա լուրջ խնդիրների՝ կոռուպցիա, ոչ էֆֆեկտիվ կառավարում, սեյսմիկ շինարարության ստանդարտների անտեսում: Մեզ համար նրանք պետք է ցավոտ հիշեցում լինեն, որ նույն խնդիրները մեզ մոտ նույնպես կան, նույն ագահության և արագ շահույթի մոլուցքով արված անորակ շինարարությունը մի օր կարող է մեզ մոտ էլ նորից մարդկային ողբերգության պատճառ դառնալ, մանավանդ մեր տարածաշրջանում, որտեղ ոչ մի երկիր կամ քաղաք երաշխավորված չեն երկրաշարժի աղետից:

Այս երկրաշարժը, նաև որքան էլ աղետալի, պահանջում է մեզնից արդեն հիմա հաշվարկել նրա հեռագնա հետևանքները, և առավելագույնս արդյունավետ օգտագործել դրանք մեր իսկ երկրի անվտանգության բարձրացման համար: Մինչ այդ, ցավակցություն եմ հայտնում նրանից տուժած անմեղ մարդկանց, մասնավորապես, մեր հայրենակիցներին, որոնք քիչ չեն թե Թուրքիայի, և թե Սիրիայի հարակից տարածքներում»:

Այս թեմայով Թշնամին Արցախից և Հայաստանից ոչ պակաս քան նոր կապիտուլացիա է սպասում. Չալաբյան Չայնիի ոլորաններում ավտովթարի են ենթարկվել Ավետիք Չալաբյանն ու «Արար» հինադրամի տնօրենը (լուսանկար) Ասում են՝ ՌԴ-ն մեզ համար լավ դաշնակից չէ, իսկ մենք ՌԴ համար լա՞վն ենք․ սրանք խորը ճգնաժամի են տանում. Ավետիք Չալաբյան (տեսանյութ) Ի հեճուկս տարածված միֆերին, Ադրբեջանում արդեն հիմա մի շնչին ընկնող համախառն եկամուտը զիջում է Հայաստանին․ Չալաբյան Ողջ աշխարհով մեկ թափ է հավաքում բողոքի ալիք՝ այդ բարբարոսական գործողության դեմ․ Չալաբյան Սյունիքի հանձնման նախապատրաստում. Ավետիք Իշխանյան «Համախմբում» շարժման նախաձեռնող խումբը հանրային գործողություն կկազմակերպի Երևանում ՌԴ դեսպանության առջև. Ավետիք Չալաբյան Թո՞ւրք, թե՞ ճիվաղ․ ․ Ավետիք Իշխանյան Ավետիք Իսահակյանի հուշատուն-թանգարանը ներկայանում է նորովի «Փաստ». Անակնկալ շրջադարձ Ավետիք Չալաբյանի գործով դատավարությունում