Վահան Քերոբյանն ու Էդուարդո Էռնեկյանը քննարկել են «Զվարթնոց» օդանավակայանի ընդլայնման նախագիծը

ՀՀ էկոնոմիկայի նախարար Վահան Քերոբյանն այսօր հանդիպել է արգենտինահայ գործարար, բարերար Էդուարդո Էռնեկյանի հետ։ Այդ մասին Քերոբյանը հայտնել է ֆեյսբուքյան իր էջում:

«Նրա Corporación América միջազգային հոլդինգը գործում է մի քանի ոլորտներում՝ ներառյալ օդանավակայանների կառավարումը, գյուղատնտեսությունը, էներգետիկան և տրանսպորտային ենթակառուցվածքները: Անգնահատելի է Էդուարդո Էռնեկյանի ներդրումը Հայաստանի տնտեսության մեջ։

Corporación América հոլդինգի իրականացրած ամենանշանակալի ծրագրերից է «Զվարթնոց» օդանավակայանը, որը երկար տարիներ համարվում էր տարածաշրջանի լավագույն օդանավակայանը։

Հանդիպման ընթացքում քննարկել ենք հոլդինգի նոր նախագծերը, որոնց թվում է Զվարթնոց օդանավակայանի ընդլայնումը, ինչը թույլ կտա ապահովել շատ ավելի մեծ թվով ուղևորահոսք և ավելացնել թռիչքների ու ուղղությունների թիվը։

Բացի այդ, մենք քննարկել ենք պետական կառավարման ոլորտում հայկական սփյուռքի մարդկային ներուժի օգտագործման հնարավորությունը, ինչն, անշուշտ, կօգնի մեր երկրին արագ ինտեգրվել համաշխարհային գործընթացներին և միտումներին»,- գրել է նա։

Այս թեմայով Վահան Քերոբյանը 5 օրով մեկնում է Չինաստան Վրաստանի դեսպանի հետ անդրադարձել ենք ծովային ճանապարհով բեռնափոխադրումների մեկնարկին․ Քերոբյան Գյումրիում չոր նավահանգիստ և ինդուստրիալ պարկ հիմնելու ծրագիրը հաջողությամբ առաջ կընթանա. Քերոբյան Ինքս ինձ հաղթեցի․ Էկոնոմիկայի նախարար Վահան Բիչախչյանը հրավիրվել է Հայաստանի հավաքական Վահան Քերոբյանը ընդունել է ԵՄ պատժամիջոցների կիրարկման հարցերով միջազգային հատուկ բանագնացին 100 մլրդ տրամադրել ենք դեղորայքի շուկայի տեխնոլոգիաների արդիականացմանը. Քերոբյան Վահան Քերոբյանը Շվեդիայի դեսպանի հետ քննարկել է երկու երկրի միջև օդային ուղիղ հաղորդակցության հարցը Վահան Քերոբյանն ընդունել է Համաշխարհային բանկի հայաստանյան գրասենյակի ղեկավարին Վահան Քերոբյանը հանդիպել է Համաշխարհային բանկի հայաստանյան գրասենյակի ղեկավարի հետ