Մարտունիում արձանագրվել են ակոսափող հրացանի, Ճամբարակում՝ «Կալաշնիկովի» կամավոր հանձնման դեպքեր

Ոստիկանության տարածքային ստորաբաժանումների ծառայողները շարունակում են ամենօրյա ակտիվ բացատրական աշխատանքը՝ բնակչության մոտ ապօրինի պահվող զենք-զինամթերքի կամավոր հանձնման ուղղությամբ։ Այս մասին տեղեկանում ենք ՀՀ ոստիկանության պաշտոնական կայքից։

Արդյունավետ էր հատկապես Արագածոտնի մարզային վարչության ստորաբաժանումների ծառայողների բացատրական աշխատանքը։ Մասնավորապես, Աշտարակի և Ապարանի բաժիններում արձանագրվել են «Կալաշնիկովի» ինքնաձիգների և ռազմամթերքի կամավոր հանձնման դեպքեր։ Երկու հրազենի կամավոր հանձնման դեպք էլ արձանագրվել է ոստիկանության Թալինի բաժնում։ Հրազենները բաժին էր բերել Մաստարա գյուղի մի բնակիչ։

Բացատրական աշխատանք են իրականացրել նաև Արմավիրի մարզային վարչության ստորաբաժանումների ծառայողները։ Արմավիրի բաժնում արձանագրվել է որսորդական հրացանների և ռազմամթերքի կամավոր հանձնման երկու դեպք։ Հրացան ու ռազմամթերք Բաղրամյանի բաժնում կամավոր հանձնել է նաև Բաղրամյան գյուղի մի բնակիչ։

Արարատի մարզային վարչության ստորաբաժանումների ծառայողների բացատրական աշխատանքի շնորհիվ էլ Արտաշատի բաժնում արձանագրվել են ռազմամթերքի և ինքնաձիգների, այդ թվում՝ «Կալաշնիկովի», Արարատի բաժնում՝ «Կալաշնիկովի» ինքնաձիգի և ռազմամթերքի կամավոր հանձնման դեպքեր։

Արդյունավետ էր նաև Գեղարքունիքի մարզային վարչության ստորաբաժանումների ծառայողների բացատրական աշխատանքը։ Գավառի բնակիչներից մեկը մարզային վարչությունում հանձնել է «Կալաշնիկովի» ինքնաձիգ։ Լանջաղբյուր գյուղի մի բնակիչ էլ Գավառի բաժին էր բերել հրացան ու փամփուշտներ։ Բացատրական աշխատանք են իրականացրել նաև Ճամբարակի և Մարտունու բաժինների ծառայողները։ Մարտունիում արձանագրվել են ակոսափող հրացանի և ռազմամթերքի, Ճամբարակում՝ «Կալաշնիկովի» ինքնաձիգի կամավոր հանձնման դեպքեր։

«Կալաշնիկովի» ինքնաձիգի կամավոր հանձնման դեպք է արձանագրվել նաև Իջևանի բաժնում՝ շնորհիվ քրեական հետախույզների բացատրական աշխատանքի։

Թմբուկավոր ատրճանակի և ռազմամթերքի կամավոր հանձնում էլ արձանագրվել է ոստիկանության Նաիրիի բաժնում՝ շնորհիվ համայնքային ոստիկանների բացատրական աշխատանքի։

Արդյունավետ էր Գորիսի քրեական հետախույզների բացատրական աշխատանքը. արձանագրվել է «Կալաշնիկովի» ինքնաձիգի կամավոր հանձնման դեպք։

Հորդորում ենք ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։

Այս թեմայով «Հրապարակ». Մինչդեռ Տավուշի հողերի հանձնման հարցն էր լուծվում, Փաշինյանը բեմականացում էր վայելում Մայիսի 15-ին ստորագրվելու է 4 գյուղերի հանձնման պայմանագիրը. պայմանավորվել են այսօր սահմանազատման համար հանդիպած կողմերը Գյուղերի հանձնման գործընթացը ոսկեպարցիների ճնշմամբ ժամանակավորապես կասեցվել է Մեկ ամսում 70 հարկ վճարողի մոտ գրանցվել են վարձու աշխատողի չձևակերպման դեպքեր Մարտին 625 հարկ վճարողի մոտ արձանագրվել է ՀԴՄ կիրառման կանոնների խախտում․ ՊԵԿ 2024 թվականին ՏՏ ոլորտում գրանցված աշխատողների թվի աճ է արձանագրվել․ վարչապետ ՊԵԿ-ը կանխել է դեղորայքի խոշոր խմբաքանակների ապօրինի տեղափոխման դեպքեր 2023 թ. սպորտում կամավոր ատեստավորում անցկացվել է 4 մասնագիտությամբ․ Գիլոյան «Տավուշի գյուղերի հանձնման դեպքում վտանգվում է Կարմիր Կամուրջ-Սևքար-Բերդ մայրուղային գազատարը. Բաքուն կարող է հանդես գալ գազամուղը գնելու նախաձեռնությամբ» ՌԴ իրավապահների կողմից հետախուզվողը հայտնաբերվեց Մարտունիում