«Եվրատեսիլ 2023»-ում Վրաստանը ներկայացնող հայուհի Իրու Խեչանովան հայտնվել է սկանդալի կենտրոնում

Երգչուհի Իրու Խեչանովան, ով պետք է ներկայացնի Վրաստանը «Եվրատեսիլ 2023» երգի մրցույթում, մեղադրվում է The Voice նախագծի եզրափակչում ձայների կեղծման մեջ, գրում է Sputnik Վրաստանը։

The Voice միջազգային նախագծի վրացական տարբերակի սեզոնի սկզբում հայտարարվել էր, որ հաղթողը կներկայացնի Վրաստանը «Եվրատեսիլ»-ում։ Եզրափակչում Իրու Խեչանովան ստացել է հանդիսատեսի ձայների մեծամասնությունը՝ 21,88%:

Սակայն վրացի հանդիսատեսի և արվեստագետների շրջանում սկսվել են մեկնաբանություններ հայտնվել, թե իբր Խեչանովայի հաղթանակը նախապես ծրագրված է եղել։

Կասկածներն էլ ավելի են մեծացել, երբ Georgian Times TV հեռուստաալիքը հրապարակել է աուդիո ձայնագրություն, որում, իբր, նախագծի մենթորներից Դավիթ Եվգենիձեն ասում է, որ նախագծի ողջ թիմը «լրջորեն աշխատում է» ապահովելու, որ Խեչանովան դուրս գա եզրափակիչ և հաղթի։

Եվգենիձեն, իբր, հորդորել է իր թիմի բոլոր անդամներին ջանքեր գործադրել ավելի շատ ձայներ հավաքելու համար: Երաժիշտը դեռ չի մեկնաբանել այս իրավիճակը։

Կատարվածին արձագանքել է վրացի երգչուհի Թամար Իվերին՝ գրելով, որ The Voice նախագիծն այս տարի անցկացվել է բոլոր կանոնների խախտմամբ՝ զանգերի կենտրոնների հետ համաձայնեցված քվեարկության կոռուպցիոն սխեմայով։

Առայժմ պաշտոնական մեկնաբանություններ չեն եղել վրացական Առաջին ալիքի ներկայացուցիչներից, ինչպես նաև անձամբ Իրու Խեչանովայից։

Նշվում է, որ Իրու Խեչանովան 22 տարեկան է, նա Թբիլիսիի հայուհի է։ Նա իր բեմական կարիերան սկսել է 9 տարեկանում։ Խեչանովային առաջին հաղթանակը բերել է «Անա-բանա» մանկական մրցույթը։ 2011 թվականին նա հաղթել է «Մանկական Եվրատեսիլ» երգի մրցույթում՝ որպես Candy խմբի անդամ։

Այս թեմայով «Եվրատեսիլի» եզրափակիչն առաջին անգամ կհեռարձակվի Մեծ Բրիտանիայի կինոթատրոններում Բրյունետը ելույթ կունենա «Եվրատեսիլ 2023»-ի երկրորդ կիսաեզրափակիչի երկրորդ համարի ներքո Հայտնի է՝ որ համարի ներքո է Բրյունետը ելույթ ունենալու «Եվրատեսիլ 2023»-ի կիսաեզրափակիչ փուլում «Եվրատեսիլ 2023»-ի Հայաստանի պատվիրակի երգը մրցույթի պաշտոնական ալիքում արդեն 2 մլն դիտում ունի «Եվրատեսիլ 2023»-ում Հայաստանը ներկայացնող Բրյունետի՝ «Future Lover» երգը և տեսահոլովակը (տեսանյութ) «Եվրատեսիլ 2023»-ում Հայաստանը ներկայացնող Բրյունետի երգի և տեսահոլովակի պրեմիերան տեղի կունենա մարտի 15-ին «Եվրատեսիլ-2023-ը» այս տարի կունենա երկու հայազգի երգչուհի Հայտնի է՝ ով կներկայացնի Հայաստանը «Եվրատեսիլ 2023»-ին Ուկրաինայում «Եվրատեսիլի» ազգային ընտրությունը տեղի է ունենում ռմբապաստարանում «Մանկական Եվրատեսիլ 2022»-ի հաղթողը կատարում է Շարլ Ազնավուրի երգը