Խորվաթիայի ԱԳՆ պատվիրակությունն այցելել է Թումո ստեղծարար տեխնոլոգիաների կենտրոն

Պաշտոնական այցով Հայաստանում գտնվող Խորվաթիայի ԱԳ նախարար Գորդան Գրլիչ Ռադմանի գլխավորած պատվիրակությունը ՀՀ բարձր տեխնոլոգիական արդյունաբերության նախարար Ռոբերտ Խաչատրյանի ուղեկցությամբ փետրվարի 7-ին այցելել է Թումո ստեղծարար տեխնոլոգիաների կենտրոն:

Թումոյի զարգացման գծով տնօրեն Բեկոր Փափազյանի ուղեկցությամբ նրանք շրջայց են կատարել կենտրոնի դասընթացների սենյակներ, աշխատարաններ, երաժշտական ստուդիա և կինոթատրոն։

Հյուրերը ծանոթացել են Թումո կենտրոնի հնարավորություններին, ստեղծված պայմաններին, գործունեությանն ու ծրագրերին, ունկնդրել են Թումոյի ուսանողական երաժշտական խմբի ստեղծագործությունները:

Հաջորդիվ կայացած քննարկման ընթացքում նախարարները և պատվիրակության անդամները կարևորել են կրթական կենտրոնի գործունեությունը, նշել, որ այն կարող է ուրույն դերակատարություն ունենալ Հայաստանի և Խորվաթիայի միջև կրթական և տեխնոլոգիական ոլորտում համագործակցության, ինչպես նաև երկու երկրների երիտասարդության և ապագա սերունդների միջև կապերի ամրապնդման գործում:

Հանդիպման ավարտին Խորվաթիայի ԱԳ նախարար Գորդան Գրլիչ Ռադմանը ընդգծել է, որ շատ տպավորված է կենտրոնի գործունեությամբ և նշել, որ մոտ ապագայում կարելի է դիտարկել Գյումրի և Դուբրովնիկ գործընկեր քաղաքների տեխնոլոգիական կենտրոնների միջև համագործակցության հնարավորությունը:

Այս թեմայով Արարատ Միրզոյանն այցելել է Ծիծեռնակաբերդի հուշահամալիր Ընդդիմադիր պատգամավորներն այցելել են Կիրանցում ակցիա իրականացնողներին (տեսանյութ) «Լադանիվա» խմբի անդամներն այցելել են Ծիծեռնակաբերդի հուշահամալիր Գնդապետը ծանր վնասվածքներ ունի, բայց կյանքին վտանգ չի սպառնում․ Չալաբյանն այցելել է Միհրան Մախսուդյանին Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր ՀՀ ՊՆ, ԶՈՒ և ԶՈՒ ԳՇ ղեկավար կազմը այցելել է Ծիծեռնակաբերդի հուշահամալիր (տեսանյութ) ԱՄՆ Սենատի արտաքին հարաբերությունների հանձնաժողովի ավագ փորձագետն ու ՀՀ-ում ԱՄՆ դեսպանն այցելել են Հայոց ցեղասպանության հուշահամալիր Ալեն Սիմոնյանի գլխավորած պատվիրակությունն աշխատանքային այցով Իսպանիայում է «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին ՀՀ ՊՆ N զորամաս են այցելել Երևանի պետական համալսարանի մի խումբ դասախոսներ