Էկվադորում քվեարկության օրվա նախօրեին սպանված քաղաքապետի թեկնածուն հաղթել է ընտրություններում

Փետրվարի 5-ին Պուերտո Լոպեսի քաղաքապետի թեկնածու Օմար Մենենդեսը հաղթել է ընտրություններում՝ քվեարկության օրվան նախորդող գիշերը մոտոցիկլետներով անհայտ անձանց կողմից սպանվելուց հետո: Այս մասին հայտնում է cbsnews.com-ը։

Պուերտո Լոպեսում քաղաքապետի առաջատար թեկնածուն սպանվել է ընտրատեղամասերի բացումից ժամեր առաջ։ Հարձակման պահին Մենեդեսի կողքին է եղել 16-ամյա դեռահաս, ով նույնպես մահացել է։

Քաղաքի բնակիչներն ընտրել են մահացած քաղաքապետին՝ նրան տալով ձայների ավելի քան 46%-ը։ Փետրվարի 6-ին Մենենդեսին հուղարկավորել են տեղի գերեզմանատանը՝ վերջին ընտրությունների արդյունքների հրապարակումից հետո։ Նրա քաղաքական կուսակցության գրասենյակից հայտնել են, որ այսուհետ նույն կուսակցության մեկ այլ թեկնածու կզբաղեցնի քաղաքապետի պաշտոնը։

Մահացած քաղաքական գործչի կինը նույն օրը գրառում է կատարել ամուսնու մասին՝ պնդելով, որ նա միշտ եղել է քաղաքի բնակիչների կողքին և նրանց համար միայն լավագույնն էր ցանկանում։

Այսպիսով, Մենենդեսը դարձավ վերջին երկու շաբաթվա ընթացքում արդեն երկրորդ սպանված քաղաքական գործիչը, ով որպես թեկնածու առաջադրվել էր տեղական ինքնակառավարման մարմինների ընտրություններում։

Էկվադորի նախագահը նախկինում առաջարկել էր փոխել երկրի սահմանադրությունը՝ դաժան հանցագործությունների, այդ թվում՝ քաղաքական գործիչների սպանությունների ալիքի դեմ պայքարելու համար՝ թույլ տալով հանցագործներին արտահանձնել այլ երկրներ։

Այս թեմայով Էկվադորի նախագահը ներքին զինված հակամարտության դրություն է հայտարարել երկրում Լարված իրավիճակ՝ Էկվադորում․ զինված անձինք ներխուժել են համալսարան և փորձում են առևանգել մարդկանց (տեսանյութ) Էկվադորում զինված անձինք ներխուժել են հեռուստաստուդիա և պատանդ վերցրել անձնակազմին (տեսանյութ) Էկվադորի բանտից հայտնի մաֆիոզ է անհետացել. երկրում արտակարգ դրություն է հայտարարվել