Զեղչերը պետք է գործեն առավելագույնը երեք ամիս. Մրցակցային հանձնաժողովը տնտեսավարողների հետ քննարկել է ակցիաների վերաբերյալ օրենսդրության կիրառումը

 «Ակցիաների, այդ թվում՝ զեղչերի վերաբերյալ օրենսդրության կիրառումը» խորագրով քննարկումը տնտեսավարող սուբյեկտների և այլ շահագրգիռ անձանց մասնակցությամբ հնարավորություն կտա բացահայտել և լուծումներ գտնել  ակցիաների վերաբերյալ օրենքի կիրառումից հետո տնտեսավարողների մոտ առաջացած հարցերին ու խնդիրներին, այս մասին  «Ակցիաների, այդ թվում՝ զեղչերի վերաբերյալ օրենսդրության կիրառումը» խորագրով քննարկման ժամանակ ասաց Մրցակցության պաշտպանության հանձնաժողովի անդամ Տիգրան Մարկոսյանը՝ ընդգծելով, որ «Առևտրի և ծառայությունների մասին», ինչպես նաև հարակից օրենքներում իրականացրած փոփոխություններն ու լրացումները ամբողջությամբ կարգավորել են տնտեսվարողների կողմից առաջարկվող ակցիաների և զեղչերի հետ կապված խնդիրները, քանի որ Մրցակցության պաշտպանության հանձնաժողովն  օրենսդրության փոփոխությունից հետո ունի բավարար գործիքակազմ խախտումները բացահայտելու համար:

«Հանձնաժողովի համար արդեն ավանդույթ է դարձել տնտեսվարող սուբյեկտների հետ մրցակցային իրավախախտումների կանխարգելմանը նվիրված տարատեսակ քննարկումների իրականացումը: 2022 թվականի հուլիսի 7-ից իրականացված օրենսդրական փոփոխությամբ կարգավորվեցին ակցիաների, զեղչերի և գնի չփոփոխման հետ կապված դեպքերը: Իսկ այսօր տնտեսավարող սուբյեկտների և այլ շահագրգիռ անձանց մասնակցությամբ քննարկումը իրականացնում ենք այն նպատակով, որպեսզի օրենքի կիրառումից հետո տնտեսավարողների մոտ առաջացած հարցերն ու խնդիրները բարձրաձայնվի և քննարկվի»,- ասաց նա:

Տիգրան Մարկոսյանն ասաց, որ մինչև այդ օրենքի ընդունումը Հայաստանում ակցիաների առնչությամբ որևէ հստակ իրավական կարգավորումներ առկա չէին, որը բերել էր նրան, որ «զեղչ» երևույթը դարձել էր վերացական մի բան, որի նկատմամբ շատերն արդեն  հավատ չունեն:

Ըստ նրա՝ օրենքում փոփոխություն անելուց առաջ հաշվի են առել քաղաքացիներին ու տնտեսվարողներին մտահոգող հարցերը, ոլորտի բացերն ու հանձնաժողովի կողմից կատարված ուսումնասիրությունների արդյունքները:

«Եղել են դեպքեր, երբ տնտեսավարողը հայտարարել է ակցիա իրականացնելու մասին ու պարզվել է, որ այդ ակցիան տևել է  տարիներ: Նոր կարգավորումները սահմանում են, որ զեղչը չի կարող տևել անորոշ ժամանակով, այն կարող է տևել առավելագույնը երեք ամիս: Հաջորդ պահանջը վերաբերվում է զեղչերի մասին ամբողջական տեղեկատվություն տրամադրելուն: Տեղեկատվությունը պետք է լինի հստակ: Դրանից բացի, պետք է տեսանելի լինի մինչև զեղչը եղած գինը: Ակցիաների իրականացման ոլորտում բազմիցս արձանագրել ենք մի շարք խնդիրներ: Տնտեսվարողն ապրանքի գնի նկատմամբ սահմանում է զեղչ, սակայն պարզվում է՝ այդ զեղչված գինն իրականության մեջ ավելի բարձր է, քան սահմանված է: Մեկ այլ դեպքում զեղչերի մասին տեղեկատվությունը տրվում է թերի կամ ոչ ամբողջական: Մեկ այլ պարագայում հայտարարվում է զեղչի մասին, սակայն պարզվում է՝ որևէ գնային փոփոխություն տեղի չի ունեցել»,-ասաց  Մրցակցության պաշտպանության հանձնաժողովի անդամ Տիգրան Մարկոսյանը:

Նա ընդգծեց, որ, այս ամենից ելնելով էլ, օրենսդրական հստակ կարգավորումներ ներմուծվեցին: Նախ հստակ սահմանվեց, թե ակցիան ինչ է. այն կարճաժամկետ մարկետինգային միջոցառում է՝ ուղղված ապրանքների իրացման ծավալների մեծացմանը և դա դրսևորվում է երկու ձևով՝ զեղչի և գնի չփոփոխման հետ կապված այլ շահավետ պայմաններ առաջադրելը: Երկու դեպքում էլ ակցիայի առավելագույն ժամկետը  կարող է լինել ոչ ավել, քան երեք ամիս:

«Մրցակցային հանձնաժողովը, ինչպես մնացած հարցերում, խիստ հետևողական է իր գործի հանդեպ: Մենք օրենքի նախագծման փուլում լայն քննարկումներ արեցինք բոլոր շահագրգիռ կողմերի կարծիքը հաշվի առնելու համար: Եվ օրենքի ընդունման ընթացքում, և՛ հետո էլ բազմաթիվ իրազեկման ակցիաներ ենք իրականացրել՝փորձելով մեր տնտեսվարողներին փոխանցել այն միտքը, որը դրվել է բարեփոխման մեջ»,- ասաց նա:

ՄՊՀ անդամն ասաց, որ խախտումների դեպքում նախատեսված է մինչև նախորդ տարվա հասույթի 5 տոկոսի չափով տուգանք:

«Լեգելատա» իրավաբանական ընկերության իրավաբան  Արթուր Բուդուրյանն, ով սպասարկում է սպառողների շահերը բիզնեսի, այդ թվում՝       մրցակցային իրավունքի հետ կապված, նշեց, որ այսօրվա քննարկումը իրենց համար շատ կարևոր է, որպեսզի իրենք և  իրենց  վստահորդները կարողանան ընկալել հանձնաժողովի համար ավելի ըմբռնելի, ընկալելի և ընդունելի դիրքորոշումները: Նա նշեց, որ քննարկվում են առհասարակ զեղչերի ու ակցիաների հետ կապված օրենսդրական կարգավորումների կիրառման արդյունքում տնտեսավարողների մոտ առաջ եկած խնդիրների որոշակի դրույթներ:

«Տնտեսավարողները հիմնականում դժգոհում են նրանից, որ չեն ընկալում արդյո՞ք միջին գինը պետք է հաշվել վաճառքից, թե հայտարարված գնից և այստեղ կարևոր է, որ տնտեսավարողը հասկանա, թե ի՞նչ նկատի ունի օրենսդիրը, երբ կիրառում է վաճառքի միջին գին: Եվ հույս ունենք՝ այս և նմանատիպ հարցերի լուծումները այսօրվա քննարկման արդյունքում վեր կհանվեն և լուծումներ կստանան»,- ասաց իրավաբանը:

Այս թեմայով Ո՞նց թե՝ «պետք ա ուրախ լինենք՝ 50 մետրի վրա Ադրբեջանն ա», ամիսներ առաջ էթնիկ զտում էին անում. Լևոն Քոչարյան (տեսանյութ) ԱԺ հանձնաժողովը քննարկում է ընդդիմության ներկայացրած նախագիծը Հայաստանի և Ադրբեջանի միջև սահմանազատման մասին Եթե պետք ա մեռնենք, թող մեռնենք, միայն պատերազմն ա ելքը, հայ ժողովուրդը պատերազմից չի վախենում (տեսանյութ) Սամվել Մարտիրոսյանը զգուշացնում է զանգվածաբար տարածվող հաղորդագրությունների վերաբերյալ Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել Այս արշավը մեր բոլորի դեմ է. Եկեղեցու կողքին պետք է լինեն նաև եկեղեցի կառուցած մեր ազդեցիկ հայերը. Վահե Հովհաննիսյան Սահմանազատման երեք տարբերակ է քննարկվել․ «Հրապարակ» Երևանից եմ, երեք օր է՝ այստեղ եմ, պայքարում եմ մեր սահմանների անխախտության համար (տեսանյութ) Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ) Հաջորդ իշխանությունը չի կարող լինել «ՓՐԿԻՉ», այն պետք է հարց լուծող լինի. Ռուբեն Մխիթարյան