Արդարադատության միջազգային դատարանը հրապարակեց «Լաչինի միջանցքի» ապաշրջափակման վերաբերյալ որոշումը

Արդարադատության միջազգային դատարանը հրապարակեց Լաչինի միջանցքի ապաշրջափակման վերաբերյալ ժամանակավոր միջոց կիրառելու Հայաստանի պահանջի մասին որոշումը: Այսպիսով` դատարանը եզրակացնում է, որ Ադրբեջանը պարտավոր է իր՝ կոնվենցիայով ստանձնած պարտավորությունների համաձայն՝ ձեռնարկել իրենից կախված բոլոր միջոցները, որպեսզի ապահովի անձանց, տրանսպորտային միջոցների և բեռների անխափան տեղաշարժը Լաչինի միջանցքով երկու ուղղությամբ:

Դատարանը արձանագրել է, որ Ադրբեջանի նախագահի, ՀՀ վարչապետի և ՌԴ նախագահի նոյեմբերի 9-ի հայտարարությունը նախատեսում է, որ Լաչինի միջանցքը պետք է կապ ապահովի ՀՀ-ի և Լեռնային Ղարաբաղի միջև, ինչպես նաև մնա ՌԴ խաղաղապահ ուժերի վերահսկողության ներքո։

«Դատարանն արձանագրում է, որ Ադրբեջանի նախագահի, Հայաստանի վարչապետի և ՌԴ նախագահի նոյեմբերի 9-ի եռակողմ հայտարարությունը նախատեսում է, որ Լաչինի միջանցքը պետք է ապահովի կապ՝ ԼՂ-ի և ՀՀ-ի միջև և պետք է մնա ՌԴ խաղաղապահ ուժերի վերահսկողության ներքո: Հայտարարությամբ նաև նախատեսված է՝ Ադրբեջանը պարտավոր է երաշխավորել անձանց, տրանսպորտային միջոցների և բեռների անվտանգ տեղաշարժը Լաչինի միջանցքով՝ երկու ուղղությամբ: Սույն գործով հաշվի առնելով Հայաստանի կողմից հայցվող ժամանակավոր միջոցների բնույթը տվյալ գործի հանգամանքներում՝ դատարանը եզրակացնում է, որ կիրառվելիք միջոցները պարտադիր չէ, որ լինեն նույնը, ինչ հայցված միջոցները: Դատարանը եզրակացնում է, որ նախքան այս գործով վերջնական որոշման կայացումը Ադրբեջանը պարտավոր է իր՝ կոնվենցիայով ստանձնած պարտավորությունների համաձայն՝ ձեռնարկել իրենից կախված բոլոր միջոցները, որպեսզի ապահովի անձանց, տրանսպորտային միջոցների և բեռների անխափան տեղաշարժը Լաչինի միջանցքով՝ երկու ուղղությամբ»,-ասվում է հայտարարության մեջ։

Հայաստանը հայցել էր, որպեսզի դատարանը միջոցներ կիրառի, որոնցով կկարգադրի, որ Ադրբեջանը դադարեցնի կազմակերպել և աջակցել ենթադրյալ բողոքի ցույցներին, որոնք արգելափակում են Լաչինի միջանցքով ազատ տեղաշարժը երկու ուղղություններով: Դատարանը համարել է, որ այս ժամանակավոր միջոցը  հիմնավորված չէ:

Հայաստանը նաև պահանջել էր կիրառել միջոց՝ Ադրբեջանին կարգադրելով անհապաղ լիովին վերականգնել եւ ձեռնպահ մնալ բնական գազի և այլ կոմունալ ծառայությունների անխափան մատակարարումը ընդհատելուց: Դատարանը համարել է, որ Հայաստանը բավարար ապացույցներ չի ներկայացրել, որ Ադրբեջանն է խաթարում բնական գազի մատակարարումը ԼՂ բնակիչներին․ «Հետևաբար այս միջոցը կատարման ենթակա չէ»:

Ուստի դատարանը որոշում է կիրառել հետևյալ ժամանակավոր միջոցը․ «Ադրբեջանի Հանրապետությունը պարտավոր է նախքան սույն գործով վերջնական որոշման կայացումը ձեռնարկել բոլոր միջոցները՝ ապահովելու համար մարդկանց, տրանսպորտային միջոցների և բեռների անխափան տեղաշարժը Լաչինի միջանցքի երկայնքով՝ 2 ուղղություններով»։

Այս թեմայով Շուշի-Լաչին ավտոճանապարհին ռուս խաղաղապահներին պատկանող վառելիքով բեռնված մեքենա է կողաշրջվել Լաչինի միջանցքը պետք է անհապաղ վերաբացվի՝ հումանիտար աղետից խուսափելու համար․ Պիերո Ֆասինո ԵԱՀԿ-ն պետք է հասնի Լաչինի միջանցքի անհապաղ վերաբացմանը. ԵԱՀԿ-ում Ֆրանսիայի դեսպան Լաչինի միջանցքը պետք է վերաբացվի հիմա․ Բորել Արգենտինայի նախագահը դատապարտել է Ադրբեջանի կողմից Լաչինի միջանցքի արգելափակումը Ավստրալիայի դեսպանը կոչ է արել ապաշրջափակել Լաչինի միջանցքը Փարիզի քաղաքապետը կայցելի Լաչինի միջանցք Ֆրանսիական բեռնատարները օգոստոսի վերջին կլինեն Լաչինի միջանցքի մոտ Լաչինի միջանցքում տեղաշարժի ազատությունը պետք է երաշխավորված լինի․ Չեխիայի ԱԳ նախարարը` Միրզոյանին Ի՞նչ եղան Լաչինի միջանցքը բացել պատրաստվող Զարեհ Սինանյանի խոստացած «հուժկու» ցույցերը