Բայրամովը հայտարարել է, թե «Երևանը չի ընդունել Բաքվի առաջարկը»

«Հայաստանը չի ընդունել ադրբեջանա-հայկական սահմանին անցակետեր տեղադրելու Բաքվի առաջարկը»,- հայտարարել է Ադրբեջանի արտգործնախարար Ջեյհուն Բայրամովը, փոխանցում է «Ինտերֆաքս-Ազերբայջանը»։

«Պաշտոնական Երեւանն ընդունելի չի համարել (Բաքվի) առաջարկը՝ ադրբեջանա-հայկական պայմանական սահմանին անցակետ բացելու մասին»,- ուրբաթ օրը լրագրողներին ասել է Բայրամովը։

Ընդ որում, նա հայտարարել է, թե իբր «Հայաստանը մերժել է այդ առաջարկը՝ առանց որևէ բացատրություն տալու»։ Նրա խոսքով՝ «Երևանը շահագրգռված չէ կատարել եռակողմ հայտարարությամբ ստանձնած պարտավորությունները»։

Բայրամովը հավելել է, թե «Հայաստանը նաև խուսափում է Ադրբեջանի հետ բանակցություններից»։

Ադրբեջանի արտգործնախարարը նաև նորից անհեթեթ և անհիմն հայտարարություն է արել՝ նշելով, թե »իբր վերջին երկու տարիների ընթացքում հայկական կողմը բազմիցս խախտել է Լաչինի ճանապարհի օգտագործման վերաբերյալ պայմանավորվածությունները»։

Հիշեցնենք, որ այսօր՝ փետրվարի 22-ին, դատարանը հրապարակել է Հայաստանի ներկայացրած պահանջի վերաբերյալ որոշումը ու փաստել․ «Դեկտեմբերի 12-ից կապը Լաչինի միջանցքով խաթարված է, խոչընդոտվել է Լեռնային Ղարաբաղ սննդամթերքի, դեղորայքի և անհրաժեշտ այլ ապրանքների մատակարարումը ինչն անուղղելի վնաս կարող է պատճառել․ «Դատարանը համարում է, որ ժամանակավոր միջոց կիրառելն անհրաժեշտ է, դատարանն արձանագրում է, որ Ադրբեջանը պարտավոր է ձեռնարկել իրենով պայմանավորված միջոցները Լաչինի միջանցքով մարդկանց ու բեռների անխափան շարժը երկու ուղղությամբ ապահովելու համար»։

Մեկ այլ որոշմամբ էլ Արդարադատության միջազգային դատարանը մերժել է Ադրբեջանի պահանջը Հայաստանի դեմ ժամանակավոր միջոցներ կիրառելու վերաբերյալ։

Այս թեմայով Բայրամովը Չավուշօղլուի հետ քննարկել է իրավիճակը տարածաշրջանում «ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների». Բայրամով Բայրամովը և Բոնոն քննարկել են հայ–ադրբեջանական հարաբերությունների կարգավորման գործընթացը Պատմական հնարավորություն կա՝ առաջ մղելու ադրբեջանահայկական խաղաղության օրակարգը. Բայրամով Բաքուն պատրաստակամ է՝ առաջ մղելու Երևանի հետ խաղաղության գործընթացը. Բայրամով Բայրամովը հայտարարել է, թե «որոշ պետությունների կողմից Հայաստանի զինումը վտանգում է խաղաղ գործընթացը» Երևանի և Բաքվի միջև խաղաղության գործընթացի հասնելու համար անձնական հանդիպումները կարևոր են. Բայրամով Ինչ է քննարկվել Միրզոյան-Բայրամով բանակցությունների ընթացքում. ԱԳՆ-ն մանրամասներ է հայտնել Բայրամովը մեկնել է Թուրքիա Բայրամովը մեղադրանքներ է հնչեցրել Հայաստանի հասցեին