Իջևանի ՔՊ-ական համայնքապետ Արթուր Ճաղարյանի ուշագրավ գնումները

Մեկ տարի առաջ Իջևանում տեղի ունեցած ՏԻՄ ընտրությունների արդյունքում համայնքապետ էր ընտրվել Արթուր Ճաղարյանը: Վերջինս ընտրություններին ընդառաջ հայտարարել էր, որ ընտրվելու դեպքում շատ արագ կատարելու է առաջնահերթությունների գույքագրում և անցնելու է պրակտիկ լուծումների:

Մինչ իջևանցիները սպասում էին, թե երբ են տարիներ շարունակ իրենց կուտակած խնդիրները պրակտիկ լուծում ստանում, Ճաղարյանը լրիվ այլ առաջնահերթություններ էր գույքագրում: Դիցուք՝ նա դեռեւս համայնքապետի պաշտոնակատար եղած ժամանակ՝ 2021 թվականին, ձեռք է բերել «Տոյոտա Պռադո» մակնիշի ծառայողական ավտոմեքենա, այն դեպքում, երբ համայնքապետարանն ունեցել է մեկ այլ՝ մի քիչ ավելի ցածր դասի «Տոյոտա»։ Սակայն ուշագրավ է, որ Իջեւանի համայնքապետարանի գնումների տեղեկագրի մեջ այս մասին ոչ մի ինֆորմացիա չկա, եւ, առհասարակ, 2020-ից այս կողմ որեւէ գնման մասին տեղեկություն չկա։ Այնինչ, բոլոր գնումները պետք է հրապարակվեին, քանզի որեւէ իշխանություն հանրային միջոցների ծախսը չպետք է թաքցնի հանրությունից, առավել եւս՝ արդարության մասին լոզունգներով իշխանության եկած ՔՊ-ականները։

Իսկ մինչ մտածում է, Ճաղարյանը որոշել է աշխատանքով ապահովել իր և մարզպետ Ղալումյանի գրեթե ողջ գերդաստանին։ Լրատվամիջոցները հայտնել են, որ համայնքապետարունում աշխատանքի է անցել Ղալումյանի բաջանաղի որդին՝ Վաչե Վիրաբյանը։ Համայնքի ղեկավարի խորհրդական, բաջանաղ Դավիթ Վիրաբյանի դուրստր՝ 19-ամյա Նանե Վիրաբյանը, նույնպես աշխատում է համայնքապետարանում։ Հայկ Ղալումյանը քաղաքապետարան է մտցրել նաև իր փեսայի եղբորը՝ Աշոտ Երիցյանին, ով աշխատում է որպես առաջատար մասնագետ։ Համայնքում գլխավոր մասնագետ է աշխատում նաև Անահիտ Ղալումյանը, իսկ բարեկամուհի Հասմիկ Ղալումյանը 1-ին կարգի մասնագետ է։ Իսկ Լիլիթ Ղալումյանը զբաղեցնում է Կրթության մշակույթի, սպորտի, երիտասարդության, սոցիալական աջակցության և առողջապահության բաժնի պետի պաշտոնը։ Բացի այդ, համայնքապետ Արթուր Ճաղարյանը մշակույթի տան տնօրեն է նշանակել Վարդ Շահինյանին, ով համայնքապետի կնոջ մերձավոր ազգականն է: Բացի Ղալումյանի և կնոջ ազգականներից, հեռու չեն մնացել նաև համայնքապետ Ճաղարյանի ազգականները։ Համայնքապետերանի մամուլի պատասխանատուն՝ Լիա Ճաղարյանը, համայնքապետի խորհրդական Նարեկ Ճաղարյանը և համայնքապետը մտերիմ ազգականներ են։

Ուշագրավ է նաև Իջևան համայնքի գնումների պլանը: 1 միլիոն 680 հազար դրամ է նախատեսված թուղթ ձեռք բերելու համար, 200 հազար դրամի գրիչ, 300 հազար դրամի ջերմաչափ, 490 հազար դրամի անձեռոցիկ, 245 հազարի զուգարանի թուղթ, 11300400 դրամի հաց, 396 հազար դրամի հավի կրծքամիս, 1019239 դրամի մակարոնեղեն,  1 միլիոն 518 հազար դրամի բանան ձեռք բերելու համար:

Ամբողջական ցանկը կարելի է տեսնել այստեղ: Հիշեցնենք, որ Իջևանը սահմանամերձ համայնք է:

Այս թեմայով Արթուր Դավթյանը դուրս է եկել Աշխարհի գավաթի խաղարկության եզրափակիչ (տեսանյութ) Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Արթուր Մարտիրոսյանը ներկայացրել է ՀՀ-ում իրականացվող բարեփոխումները Շահումյան գյուղի աղբավայրում հայտնաբերվել է մոտ 31 հատ հակատանկային ական. ժամանել են սակրավորները Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան Կլինի՞ մի օր Մայր Աթոռը կուսակրոնությունից խոսա, «ֆեյք նյուզ» է տարածում. ՔՊ-ական «Հրապարակ». Երբ եւ որտեղ տեղի կունենա Արթուր Վանեցյանի որդու հարսանիքը Օկուպացված Ակնայում ական է պայթել. ադրբեջանցի է վիրավորվել Վարչապետը 80-ական թվականներից հակառուսական քաղաքականություն է իրականացրել Հնարավո՞ր է բենզինով մեքենաները փոխարինվեն հոսանքով