Պաշտոնյաների ճոխ և անպտուղ վոյաժները. Արմեն Գրիգորյան

Շարունակելով ներկայացնել այն պաշտոնյաներին, ովքեր գործուղումների մեծ սիրահար են, այսօր կանդրադառնանք ԱԽ քարտուղար Արմեն Գրիգորյանին:

Արմեն Գրիգորյանի գործուղումների հիմնական ուղղությունները երկուսն են՝ ԱՄՆ և Բրյուսել: Դիցուք՝ շաբաթներ առաջ Արմեն Գրիգորյանը Վաշինգտոնում աշխատանքային հանդիպումներ է ունեցել Կենտրոնական հետախուզական գործակալության Լենգլիում գտնվող գլխամասային գրասենյակում։ Այդ մասին Գրիգորյանը գրառում է կատարել Ֆեյսբուքում՝ այլ մանրամասներ չհաղորդելով։ Դրան հաջորդել է հանդիպումը Ադրբեջանի նախագահի օգնական Հիքմեթ Հաջիևի հետ, թե ինչ են քննարկել կողմերը՝ հայտնի չէ: Սակայն, ըստ ամերիկյան աղբյուրների, հանդիպման նպատակը խաղաղության օրակարգի առաջ մղումն էր: Հաշվի առնելով, որ դրանից անմիջապես հետո փակվել է Լաչինի միջանցքը, իսկ ահաբեկչական գործողություններն Արցախում կրում են շարունակական բնույթ՝ Գրիգորյանի այս միսիան, որով նա մեկնել էր ԱՄՆ, կարելի է տապալված համարել:

Լեհաստանի Հանրապետություն կատարած աշխատանքային այցի շրջանակներում Գրիգորյանը Լեհաստանի պետքարտուղար, Ազգային Անվտանգության բյուրոյի ղեկավար Յացեկ Շիեվիերայի հետ: Քննարկվել են տարածաշրջանային անվտանգությանն առնչվող հարցեր, ինչի շրջանակներում Գրիգորյանը ներկայացրել է տարածաշրջանային անվտանգային ներկա իրավիճակը: Փաստենք, որ լեհական կողմը ո՛չ դրանից առաջ, ո՛չ այդ հանդիպումից հետո որևէ հասցեական գնահատական չի տվել և հասցեական հայտարարություն չի արել կապված Լաչինի միջանցքի շրջափակման կամ ՀՀ տարածքում անօրինական գտնվող ադրբեջանական զինուժի դուրս բերման անհրաժեշտության մասով:

Նախորդ տարվա դեկտեմբերի 12-ին աշխատանքային այցով Միացյալ Թագավորությունում գտնվող Հայաստանի Հանրապետության ԱԽ քարտուղար Արմեն Գրիգորյանը հանդիպել է Մեծ Բրիտանիայի և Հյուսիսային Իռլանդիայի Միացյալ Թագավորության Արտաքին գործերի, համագործակցության և զարգացման նախարարության Եվրոպայի հարցերով պետնախարար Լեո Դոհերթիի և Գաղտնի հետախուզական ծառայության պետ Ռիչարդ Մուրին: Զրուցակիցները քննարկել են անվտանգության ոլորտում երկկողմ համագործակցության հեռանկարները։ Հիշեցնենք, որ Ռիչարդ Մուրը ոչ առանց հիմքի համարվում է Թուրքիայի նախագահ Էրդողանի մտերիմ ընկերը: Նույն օրը, երբ տեղի ունեցավ Գրիգորյանի հանդիպումը Մուրի հետ, ադրբեջանցի «բնապահպանները» փակեցին Ստեփանակերտ-Գորիս ավտոճանապարհը։ 

Այսինքն, ըստ էության, մենք տեսնում ենք գործուղումների շարք առանցքային պետություններ, որոնց մասով, սակայն, հանրությանը պատշաճ մանրամասներ չեն ներկայացվել և նույնիսկ պաշտոնական հաշվետվություններ առկա չեն առ այն, թե ինչ են քննարկել կողմերը և ամենակարևորը՝ ինչ գործնական արդյունք են տվել այդ հանդիպումները, ինչ ռեալ պայմանավորվածություններ են ձեռք բերվել այցերի ընթացքում: Իսկ այցերը ՀՀ պետական բյուջեի վրա կլորիկ գումար են նստել:  Իսկ թե ինչ են տվել ԱԽ քարտուղարի այս վոյաժները ՀՀ-ին և որքանով են նպաստել պետության անվտանգության ամրապնդմանը՝ դժվար է ասել:

Այս թեմայով Երևանի քաղաքապետը դատարանում պարտվեց ՀՀ ինքնիշխան տարածքի դեմ ադրբեջանական ագրեսիայի չճանաչման փաստը հիմնավոր չէ․ Արմեն Գրիգորյանը՝ ՀԱՊԿ նիստում Մհեր Գրիգորյանի մոտ քննարկվել է Ամուլսարի հանքավայրի շինարարության վերսկսման ժամկետները հարցը Արմեն Գրիգորյանը մեկնում է Բելառուս Արմեն Գրիգորյանը «սրբագրում» է իր հակառուսական հայտարարությունները Ապաշրջափակման դեպքում Հայաստանի տարածքում սահմաններն ամբողջությամբ վերահսկելու է հայկական կողմը․ Արմեն Գրիգորյան Ստեփանակերտի իշխանությունների կողմից որևէ նոր զիջում Ադրբեջանին, Արցախի մահվան դատավճիռն է լինելու. Արմեն Այվազյան Թող էս ձեռքս կոտրվի, որ Արմեն Սարգսյանին նախագահ ա ընտրել, ապաշխարում եմ. Շարմազանով «Աղջիկս մտավ կյանքի նոր փուլ. հպարտ եմ, որ հենց Նրա մայրն եմ». Դիանա Գրիգորյան (լուսանկար) Ամենադաժանն ինձ համար իմ 12-ամյա դստեր հայացքն էր՝ չհամակերպվող, մելամաղձոտ, լուռ արցունքները. Արմեն Չարչյան․ «Առավոտ»