Եղե՛ք խիզախ, համարձակ ու նպատակասլաց․ ԿԳՄՍ նախարարի ուղերձը՝ Մարտի 8-ի առթիվ

ՀՀ ԿԳՄՍ նախարար Ժաննա Անդրեասյանը շնորհավորական ուղերձ է հղել Կանանց միջազգային օրվա առթիվ, որում ասվում է.

«Ջերմորեն շնորհավորում եմ Կանանց միջազգային օրվա՝ Մարտի 8-ի առթիվ։

Գարնան այս օրը առիթ է մեկ անգամ ևս ընդգծելու և խրախուսելու ձեր ակտիվ գործունեությունը տարբեր ասպարեզներում։ Հատկապես կրթության, գիտության, մշակույթի և սպորտի ոլորտներում, որտեղ իրականացվում է դաստիարակության, արժեքների ստեղծման ու փոխանցման գործընթացը, լավագույնս պետք է բացահայտվի կնոջ ուժը՝ նրա գնահատումը կապելով առաջին հերթին իրավունքների և դերակատարման բարձրացման, ստեղծարար ներուժի խթանման հետ։

Կրթության, գիտության, մշակույթի և սպորտի ոլորտներում է, որ մենք կարող ենք և պետք է առանձնահատուկ խրախուսենք մեր աղջիկներին՝ առաջ գնալու, հասնելու հաջողությունների, հասկանալու ու հավատալու, որ իրենք ամեն ինչ կարող են։
Այսօր Լեռնային Ղարաբաղում բազմաթիվ կանայք ցույց են տալիս դիմացկունության ու խիզախության այնպիսի որակներ, որ բոլորիս կարող են օրինակ ծառայել։ Բազմաթիվ կանայք մեր կողքին կրում են իրենց հարազատի, սիրելի մարդու կորստի վիշտը ու մեր համերաշխությամբ ու հետևողական ջանքով է նաև, որ այդ դժվարությունները պիտի հաղթահարենք։

Կանանց համերաշխությունը մեծ ուժ է, և այդ ներուժի ամբողջական իրացումն իրավամբ կարող է դառնալ հասարակության զարգացման ու առաջընթացի շարժիչ ուժը։ Մասնագիտական որակները միախառնելով կանացի նրբանկատությանն ու մայրական հոգատարության հետ՝ կարող ենք ստեղծել այն արդյունքները, որոնք ապահովելու են որակապես նոր հասարակություն և զարգացող պետություն։

Սիրելի՛ կանայք,
եղե՛ք խիզախ, համարձակ ու նպատակասլաց։ Մաղթում եմ ձեզ մասնագիտական հաջողություններ, ստեղծարար նախաձեռնություններ, առողջություն և անձնական երջանկություն»։

Այս թեմայով «Հրապարակ». Նե վինավատայա յա. նախարարի պաշտոնը Գրիգոր Մինասյանը ստացել է իրավապահներին աջակցելու գնո՞վ Սասուն Խաչատրյանը՝ Արսեն Թորոսյանին հարցաքննելու, Երևանի փոխքաղաքապետի և Մարտի 1-ի քրգործերի մասին Երեկ Երևանում կնոջ կողմից իր մանկահասակ երեխայի հետ շենքից ցած նետվելու դեպքի առթիվ քրեական վարույթ է նախաձեռնվել ԿԳՄՍ նախարարը և ՀՀ-ում Գերմանիայի դեսպանը քննարկել են երկկողմ հետաքրքրություն ներկայացնող հարցեր Մարզահամերգային համալիրը կհանձնվի ԿԳՄՍ նախարարությանը․ Գործադիրը հաստատեց որոշումը Կարեն Վարդանյանը հունիսի 1-ի առթիվ 115 մլն դրամ է տրամադրել Երևանի միակողմանի և երկկողմանի ծնողազուրկ երեխա ունեցող նպաստառու ընտանիքներին Մոնղոլիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին Ռեկորդային գումարներ ենք ծախսել ԿԳՄՍ ոլորտում. Անդրեասյանը ներկայացնում է իրականացրած ծրագրերը «Նեպտուն» մարզահամալիրի մոտ տեղի ունեցած սպանության դեպքի առթիվ քրեական վարույթ է նախաձեռնվել. մեկ անձ ձերբակալվել է Վահագն Խաչատուրյանը շնորհավորական ուղերձ է հղել Խորվաթիայի նախագահին՝ Պետականության օրվա առթիվ