Դու ո՞վ ես՝ գաս ապրանքս տշես, կնիկդ էլ ավտոյից իջնի, նկարի. առեւտրականը՝ ՔՊ-ական պատգամավորին

Կարտոֆիլի վաճառքով զբաղվող մարտունեցի Արթուր Հակոբյանը պատրաստվում է նյութական փոխհատուցում պահանջել ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանից իր երկու պարկ կարտոֆիլը վնասելու համար: Հիշեցնենք, որ պատգամավորը մարտի 3-ին աշխատանքի գնալու ճանապարհին Տիգրանյան հասցեում կարտոֆիլի վաճառքով զբաղվող Հակոբյանի հետ վեճ էր ունեցել, ոտքով հարվածել առեւտրականի կարտոֆիլի պարկերին ու երկու պարկ թափել փողոցում: Միջադեպի պատճառը փողոցում կարտոֆիլ վաճառելն է եղել:

«Վաղը չէ մյուս օրը գալու եմ էլի այդ տեղում կարտոֆիլ վաճառեմ: Շատ վաղուց եմ այդտեղ կարտոֆիլ վաճառում։ Առողջական խնդիրներ ունեի, չէի գալիս։ Երրորդ օրն էր, որ եկել էի, ու այդ միջադեպը եղավ: Ինչ վերաբերում է, թե այդ տարածքի նայողն եմ, ես մարտունեցի եմ, Վարդենիկ գյուղից եմ, թե իմ ապրանքն եմ բերում, թե այլ մարդկանցից եմ առնում, բերում՝ վաճառում: Դրանով ենք յոլա գնում: Իմ հասցեին հնչեցրած արտահայտությունն էլ, թե տզրուկ եմ, տզրուկն ինքն է, որ իմ ապրանքը ոտով տալիս, ջարդում է»,- Aravot.am-ի հետ զրույցում ասաց Արթուր Հակոբյանը:

Նա պատմեց, որ քննչական մարմնում առերեսվել է պատգամավորի հետ, դեպքի որոշ մանրամասները պատգամավորը դժվարությամբ է հիշել. «Ներողություն ինձնից չի խնդրել, դեռ տարածել է, որ ես պետք է խնդրեմ: Չգիտեմ՝ ինչի համար պետք է խնդրեմ ներողություն, որ իմ ապրանքը փչացրեց, դրա համա՞ր: Երկու մեշոկ կարտոֆիլ է տշել, թափել փողոցում: Այդ ընթացքում, որ ոստիկաններն ինձ տարան, չգիտեմ՝ ինչ է եղել այդ կարտոֆիլը: 100-120 կիլոգրամ կարտոֆիլ էր, 25-30.000 դրամ արժեր: Անպայման պետք է փոխհատուցի իր արածի համար…

Դու ո՞վ ես, գաս առանց որեւէ մի բանի ապրանքս տշես, կնիկդ էլ ավտոյից իջնի, նկարի: Ասենք՝ նկարածդ ո՞ւր է, հանի՝ ցույց տուր, ասես՝ ջնջել եմ: Ինչի՞ ես ջնջել, եթե կնիկդ նկարել էր: Ես երկու անգամ իրեն ասել եմ՝ քո արածը դիշովկություն է, ինքը ինձ իր կնոջ մոտ հայհոյել է: Չգիտեմ՝ սա պատգամավորի արած բա՞ն է: Նորմալ, խելքը գլխին մարդը նման բան կանի՞ ու ասի՝ լավ եմ անում, որ պատգամավոր ես, ուրեմն կարող ես լավ անե՞լ»:

Այս թեմայով Ես էլ ձեռքերս կկտրեմ ու Տավուշից ոչինչ չեմ տա, Տավուշից ոչ ոք ոչինչ չի տալիս. ՔՊ-ական (տեսանյութ) «Փոքր ազգ» ղեկավարող ՀՀՇ-ական ռեժիմը լավ հավեսով թաթախվում էր մեծ հավակնությունների մեջ, որոնք հակաթուրքական չէին, ընդհակառակը՝ պրոթուրքական էին. քաղաքագետ «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին ՔՊ-ական կապիտուլյանտներ, Գրանադայից հետո գոռում էիք, թե անկլավները հանձնելու հարց չկա, բա սա ի՞նչ է. Շարմազանով Շահումյան գյուղի աղբավայրում հայտնաբերվել է մոտ 31 հատ հակատանկային ական. ժամանել են սակրավորները Կա էդ 1 ու կես միլիոն նահատակների տվյալները` պատգամավորին հիշեցնում են «Գործ թիվ 1 500 000» գիրքը Կլինի՞ մի օր Մայր Աթոռը կուսակրոնությունից խոսա, «ֆեյք նյուզ» է տարածում. ՔՊ-ական Ինչպե՞ս կարող է ԶՈւ գաղտնիքը պատգամավորին հասանելի լինել, իսկ 100%-ով պետական մասնաբաժնով ընկերությունները՝ անհասանելի. Ալեքսանյան Օկուպացված Ակնայում ական է պայթել. ադրբեջանցի է վիրավորվել Վարչապետը 80-ական թվականներից հակառուսական քաղաքականություն է իրականացրել