Որդուս մարմինը 6-7 ամիս մնացել է Կապանի դիահերձարանում, ոչխարները երեխեքի զինգրքույկները հավաքել էին. զոհվածի ծնող

Երեւանի ընդհանուր իրավասության դատարանի Կենտրոնի նստավայրում, նախագահությամբ դատավոր Ջոն Հայրապետյանի, այսօր՝ մարտի 9-ին, զորամասերից մեկի գումարտակի հրամանատար, ժամկետային եւ կրտսեր սպայական կազմի պետ Իշխան Վահանյանի գործով դատական նիստին հարցաքննվեց 44-օրյա պատերազմում զոհված զինծառայող Արման Գաբրիելյանի հայրը՝ Բենիկ Գաբրիելյանը, գրում է News.am-ը:

Նա պատմեց, որ որդին 2 ամիս 10 օր էր ծառայության մեջ. «Հոկտեմբերի 3-ին եմ խոսել տղայիս հետ, ինձ ասաց՝ պատերազմ է սկսել, նահանջ տալով մեզ բերում են սպաները: Հոկտեմբերի 5-ին երբ խոսեցի, ասաց՝ Հայկազը մի քանի սպաների հետ «Ուրալներով» զինվորներին տարել են, իրենք մնացել են ոտքով: Ամսի 5-ին ինքն ինձ զանգել է Հադրութի դպրոցից, ասաց՝ մի քանի օրից մեզ նորից պետք է տանեն դիրքեր, ես էլ ասացի՝ դե տղա ջան պատերազմ է, պետք է գնաք, ինչ պիտի անեք, ու գնացել են տղերքը: Հոկտեմբերի 7-ին կամ 8-ին իրենց տարել են Գերեզմաններ: Ինձ զանգեց մի տղա հոսպիտալից, ասաց, որ տղաս այդ տարածքից իրեն վիրավոր հանել է ու շնորհակալություն հայտնեց»:

Զոհվածի հայրն ասաց, որ վերջին անգամ որդու հետ խոսել է հոկտեմբերի 5-ին, երբ նրան բարձրացրել են Խուռհատ սար. «Թե մեր երեխեքը վիրավոր են մնացել, թե զոհվել են, չգիտենք, իրենց հետ եղած շարքայինից մինչեւ գեներալ փախել են, մեր երեխեքին չեն օգնել: Բոլորը պիտի պատասխան տան, մենակ ինքը չէ, բոլորը: Մի քանի անգամ Հայկազի հետ խոսել, ասաց՝ տղերքը մնացել են շրջափակման մեջ, ի՞նչ անեմ, ինձ տրաքացնեմ, որ ծնողներից պրծնե՞մ:

Ես գնացել եմ Խոջալու, այնտեղից եմ որդուս զինգրքույկը գտել, ոչխարները երեխեքի զինգրքույկները հավաքել են: Տղաս 6-7 ամիս մնացել է Կապանի դիահերձարանում, թող մի հատ թուղթ գրեին, դնեին գրպանները, ո՞վ պիտի պատասխան տա»:

Մանրամասները՝ սկզբնաղբյուր կայքում։

Այս թեմայով Չի կարող մի կին առևանգել պատերազմի հերոս Աշոտ Փաշինյանին, շատ անհեթեթ է. ռեժիսոր «Եռաբլուրում» տեղի է ունեցել ՀՀ ազգային հերոս Վահագն Ասատրյանին նվիրված ոգեկոչման արարողություն Սարսափելի էր, չթողնե'ք կրկնվի. ֆաշիստներին ջախջախած ամուսինս Փառքի շքանշանակիր էր, հերոս Զոհված հետախույզ Վահագն Թովմասյանի ծառայության բնույթն էր՝ լինել անհայտ հերոս (տեսանյութ) «Զինվորի տան» տղաները կարծրատիպեր են կոտրում․ միանգամից 7 մեդալ՝ մեկ օրում Հրդեհված կացարանի զինծառայողների ծնողներին մոտեցել է Գեղարքունիքի մարզպետը Այսօր Հայաստանի ազգային հերոս Կարեն Դեմիրճյանի ծննդյան օրն է Դուք հերոս չեք, եթե այդքան խիզախ եք, զինվորական համազգեստով գնացեք սահման. Անի Սամսոնյան Լույս աշխարհ է եկել հերոս Արծվիկ Չոբանյանի եղբայրը Ադրբեջանցի 2 զինվոր է կորել Նախիջևանի տարածքից․ եթե մեր կողմում լինեն` Փաշինյանն արագորեն հետ կտա