2022 թ․ Հայաստանում պետական պարտքի եւ ՀՆԱ-ի հարաբերակցությունը 50%-ից նվազել է մինչեւ 46,7%․ ֆինանսների նախարար

2022 թվականին Հայաստանում պետական պարտքի եւ ՀՆԱ հարաբերակցությունը 50%-ից նվազել է մինչեւ 46,7%։ Այս մասին մարտի 13-ին ԱԺ ֆինանսավարկային եւ բյուջետային հարցերի մշտական հանձնաժողովի նիստում «2022 թվականին Հայաստանի Հանրապետության կառավարության ծրագրի (2021-2026) կատարման ընթացքի եւ արդյունքների մասին» զեկույցի ներկայացման ժամանակ ասաց ֆինանսների նախարար Վահե Հովհաննիսյանը:

Մասնավորապես, 2022-2026 թվականների պետական պարտքի կրճատման ծրագրի համաձայն 2022 թվականին պետական պարտքը ծրագրվել է 60,5%-ի մակարդակում, իսկ 2026 թվականին՝ 53,8%-ի մակարդակում։ Միաժամանակ, 2022 թվականի վերջին պետական պարտքի հարաբերակցությունը ՀՆԱ-ի նկատմամբ 50%-ից նվազել է մինչեւ 46,7%։

«Սա լրացուցիչ «կայունության ռեսուրս» է ստեղծում հնարավոր ռիսկերին եւ մարտահրավերներին դիմակայելու համար: 2022 թվականի ընթացքում միայն պետական բյուջեի դեֆիցիտի ֆինանսավորումը պետական գանձապետական պարտատոմսերի տեղաբաշխման միջոցով կազմել է 252 մլրդ դրամ կամ ընդհանուր ֆինանսավորման 79,2%-ը։ Ընդ որում, միայն արտաքին վարկերի միջոցով դեֆիցիտի ֆինանսավորումը կազմել է շուրջ 66,2 մլրդ դրամ կամ ընդհանուր ֆինանսավորման 20,8%-ը»,- ասաց նախարարը։

Նախորդ տարվա համեմատ ներքին աղբյուրներից ֆինանսավորման տեսակարար կշիռն աճել է 38.6%-ով։ 2022 թվականի դեկտեմբերի 31-ի դրությամբ դրամով արտահայտված պարտքի կշիռը կազմել է 37,9%, դրանով իսկ նախորդ տարվա նույն ժամանակահատվածի համեմատ աճելով 9,1%-ով։

«Սա մեղմել է պարտքի զգայունությունը փոխարժեքի տատանումների նկատմամբ»,- նշեց Հովհաննիսյանը։

Այս թեմայով Նարեկ Ադամյանը նշանակվել է «Հայաստանի հեռուստատեսային և ռադիոհաղորդիչ ցանց» ՓԲԸ տնօրեն Անհանդուրժող ենք լինելու համակարգում կոռուպցիոն որևէ դրսևորման հանդեպ․ ՆԳ նախարար Պացիենտն ինքը կորոշի՝ որ ԲԿ-ում հետազոտվի, պետբյուջեի գումարները ՊՎԾ-ի հետ վերահսկում ենք․ նախարար Արմեն Գրիգորյանը և Ֆինլանդիայի ԱԳ նախարար քննարկել են ՀՀ-ԵՄ հարաբերություններին առնչվող հարցեր Արշակ Կարապետյանին բոլորս սպասում ենք Հայաստանում. Արշա՜կ, տու՜ն արի. Անդրանիկ Քոչարյան «Ժողովուրդ». Ֆինանսների նախարարության թանկարժեք «հիգիենան». թվեր Այս անկանոն կրակոցները չեն նպաստում խաղաղության գործընթացին․ ԱԳ նախարար Գրավադրված ոսկին ստանալու համար ԼՂ-ից բռնի տեղահանվածները պետք է դիմեն Ֆինանսների նախարարություն Նախարար Մխիթար Հայրապետյանն այցելել է «ՍոֆթԿոնստրակտ» ընկերություն Հայաստանի և Սլովենիայի ֆինանսների նախարարությունների միջև կնքվել է համագործակցության հուշագիր