ԼՂ-ում հումանիտար ճգնաժամն օրեցօր սրվում է. ՔՊ-ական պատգամավորը՝ Բահրեյնում անցկացվող Միջխորհրդարանական միության համաժողովին (տեսանյութ)

Լեռնային Ղարաբաղում հումանիտար ճգնաժամն օրեցօր սրվում է: Այս մասին հայտարարել է ՀՀ ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը՝ Բահրեյնում անցկացվող Միջխորհրդարանական միության 146-րդ համաժողովի շրջանակում ունեցած իր ելույթում: 

«Խաղաղ գոյակցությունը հիմնված է փոխադարձ հարգանքի, ոչ ագրեսիվ գործողությունների, հավասարության եւ փոխշահավետության վրա: Այս տեսությունը դադարում է գոյություն ունենալ, երբ ուշադրությունն ուղղում ենք Լեռնային Ղարաբաղում տիրող իրավիճակին:

Հարգելի՛ գործընկերներ, 2022 թվականի դեկտեմբերի 12-ից Ադրբեջանը փակել է Լաչինի միջանցքը, որը Լեռնային Ղարաբաղը Հայաստանին կապող միակ ճանապարհն է եւ, հետեւաբար, կյանքի միակ ճանապարհը դեպի աշխարհի մնացած երկրներ:

Դրա հետեւանքով Լեռնային Ղարաբաղի 120.000 հայ բնակիչ այժմ փաստացի շրջափակման մեջ է: Հազարավոր մարդկանց շրջափակումն ու մեկուսացումը ստեղծում է ծանր հումանիտար ճգնաժամ եւ գոյության սպառնալիք է Լեռնային Ղարաբաղի հայերի համար: Լեռնային Ղարաբաղում հումանիտար ճգնաժամն օրեցօր սրվում է: Եղանակային ծանր պայմաններում Լեռնային Ղարաբաղի ժողովուրդը զրկված է արտաքին աշխարհից եկող դեղորայքի, սննդի եւ վառելիքի կենսական պաշարներից:

Ադրբեջանի համար Լաչինի միջանցքի շրջափակումը բավարար չէր, ժամանակ առ ժամանակ Ադրբեջանը փակում է նաեւ գազատարը, հաճախակի լինում են էլեկտրաէներգիայի անջատումներ:

Այս ամենով՝ Ադրբեջանի իշխանությունը մեկ նպատակ է հետապնդում՝ կոտրել Լեռնային Ղարաբաղի հայության՝ իրենց հայրենիքում ապրելու կամքը: Ավելին, ըստ մեր ունեցած տեղեկությունների՝ Բաքվի ծրագիրը հետեւյալն է՝ Լեռնային Ղարաբաղում տնտեսական եւ հոգեբանական ճնշումը հասցնել որոշակի կուլմինացիոն կետի, այնուհետեւ մի քանի օրով բացել միջանցքը՝ ակնկալելով, որ Լեռնային Ղարաբաղի հայերը զանգվածաբար կլքեն իրենց տները, կրկին փակել միջանցքը, հետո նորից բացել մի քանի օրով եւ այդպես շարունակ, մինչեւ վերջին հայը լքի Լեռնային Ղարաբաղը: Սա, իհարկե, էթնիկ զտման բացահայտ քաղաքականություն է: Եվ պետք է արձանագրեմ, որ եթե մինչ այժմ միջազգային հանրությունը թերահավատորեն էր վերաբերվում Լեռնային Ղարաբաղի հայերին էթնիկ զտման ենթարկելու Ադրբեջանի մտադրության մասին մեր ահազանգերին, ապա այժմ մենք արդեն տեսնում ենք, որ այս ընկալումը դանդաղ, սակայն կայուն կերպով ուժեղանում է միջազգային հանրության շրջանում»,- ասված է ելույթում:

ՀՀ ԱԺ պատգամավորը ելույթի ավարտին շնորհակալություն է հայտնել նաեւ այն երկրներին եւ կազմակերպություններին, որոնք իրավիճակին արձագանքում են օբյեկտիվ եւ անաչառ կերպով՝ ապավինելով մարդու իրավունքների եւ պետությունների միջազգային պարտավորություններին:

Այս թեմայով Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը Խորհրդային միության ժամանակ գույքը ավտոմատ կերպով համարվել է պետության սեփականությունը «Ոնց որ ասած՝ հնարավո՞ր ա՝ բենզինով մեքենաները փոխարինվեն հոսանքովների»․ ՔՊ պատգամավորը՝ Տերտերյանին Հնարավո՞ր է բենզինով մեքենաները փոխարինվեն հոսանքով Սոչիում տեղի կունենա Հայ-Ռուսական հումանիտար երկխոսության «Հերոսական բալլադ» երեկոն ՔՊ-ական պատգամավորը Բաքվի կողմից կեղծ լուրերի տարածումը կապում է Բրյուսելում սպասվող եռակողմ հանդիպման հետ «Ժողովուրդ». ՔՊ խմբակցության նախկին պատգամավոր Էդուարդ Աղաջանյանը հարցաքննության է ներկայացել Հակակոռուպցիոն կոմիտեում Ծեծկռտուք է եղել «Հումանիտար տեխնիկական քոլեջի» անչափահաս ուսանողների միջև ԲՏԱ նախարարը հանդիպել է Իրանի դեսպանին. քննարկվել են նաև երկու երկրներում անցկացվող ոլորտային միջոցառումները ՀՀ Աժ պատգամավորը շուկաների դիվերսիֆիկացումն անհրաժեշտություն է համարում