Ասադը հայտնել է՝ որ դեպքում կհանդիպի Էրդողանի հետ

Սիրիայի նախագահ Բաշար ալ-Ասադը հայտարարել է, որ Թուրքիայի նախագահ Ռեջեփ Թայիփ Էրդողանի հետ կհանդիպի միայն այն բանից հետո, երբ թուրքական զորքերը լքեն իր երկիրը։ Նրա կարծիքով՝ նման բանակցությունները պետք է վերջ դնեն Սիրիայում ռազմական հակամարտությանը, գրում է Kommmersant-ը։

«Ինչ վերաբերում է Էրդողանի հետ հանդիպմանը, դա կապված է բանի հետ, թե երբ Թուրքիան հստակ պատրաստ կլինի Սիրիայի տարածքից զորքերի ամբողջական դուրսբերմանը, ահաբեկչությանը աջակցության դադարեցմանը և վերադարձին այն իրավիճակին, ինչպիսին եղել է մինչև պատերազմի մեկնարկը Սիրիայում։ Սա միակ տարբերակն է, որով կարող է կայանալ իմ հանդիպումը Էրդողանի հետ»,- ասել է Բաշար ալ-Ասադը։

«Բացի այդ, ո՞րն է նման հանդիպման արժեքը և ինչո՞ւ կազմակերպել այն, եթե այն վերջնական արդյունքների չի բերելու Սիրիայում պատերազմի համար»,-ասել է Ասադը՝ Թուրքիային անվանելով «օկուպանտ պետություն» և հավելել է, որ նրա գործողությունները, ներառյալ աջակցությունն այն խմբերին, որոնք Դամասկոսը համարում են ահաբեկչական, բացասաբար են անդրադառնում Սիրիայում պատերազմի վրա։

Բաշար ալ-Ասադը երեկ՝ մարտի 15-ին, Մոսկվայում բանակցություններ է վարել ՌԴ նախագահ Վլադիմիր Պուտինի հետ։ Նա Ռուսաստան է ժամանել Ուկրաինայում ռուսական ռազմական գործողության սկզբից ի վեր առաջին անգամ։ Մոսկվայում Ասադն ասել է, որ պաշտպանում է ռուսական զորքերի մուտքն Ուկրաինա և նոր տարածքների բռնակցումը Ռուսաստանին։

Այս թեմայով Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ Թուրքիայում ճոպանուղու խցիկը 605 մետրից ընկել է․ կա զոհ ու վիրավորներ (տեսանյութ) Թուրքական մեդիան շարունակում է «Զանգեզուրի միջանցքի» թեման դարձնել գլխավոր հարցերից մեկը. թյուրքագետ