Հայաստանը փորձում է ԼՂ ճակատագրի պատասխանատվությունը բարդել երրորդ երկրների վրա․ Զախարովա

Հայաստանը փորձում է Լեռնային Ղարաբաղի ճակատագրի պատասխանատվությունը բարդել երրորդ երկրների վրա, ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի վարչապետի խոսքերը, որ Ռուսաստանի Դաշնությունը Լեռնային Ղարաբաղի անվտանգության երաշխավորն է։

Զախարովայի խոսքով՝ Ռուսաստանի բոլոր պարտավորություններն ամրագրված են նոյեմբերի 9-ի եռակողմ հայտարարության մեջ․ բավական է նայել փաստաթղթին ու հասկանալ, թե ինչ պարտավորություններ կան, և որոնք չկան։

«Ռուս խաղաղապահներն անում են ամեն ինչ, որպեսզի կանխեն էսկալացիան և կայունացնեն իրավիճակը տեղում: Նրանք դա անում են իրենց պատասխանատվության գոտում: Իհարկե, շատ բան կախված է նաև բոլոր ներգրավված կողմերի գործողություններից և հայտարարություններից: Մենք կարծում ենք, որ այդ հայտարարությունները պետք է լինեն կառուցողական և ուղղված լինեն ընդհանուր հաջողությանը»,- ասել է Զախարովան։

Զախարովայի խոսքով, ՌԴ ԱԳՆ հայտարարությունների հետեւում հաճախ մանրակրկիտ ջանքեր, տիտանական աշխատանք է՝ ուղղված բոլոր պայմանավորվածությունների իրականացմանը։

«Հայաստանի ղեկավարության հայտարարությունները մենք դիտարկում ենք որպես այն գծի շարունակություն, որն ընդունվել է Պրահայի գագաթնաժողովում՝ Եվրամիության հովանու ներքո։ Ուստի հայկական կողմի, Հայաստանի ղեկավարության խղճին ենք թողնում Լեռնային Ղարաբաղի ճակատագրի համար երրորդ երկրներին պատասխանատվության ենթարկելու փորձերը»,- ասել է Զախարովան։

Հարցին, թե Ռուսաստանը պետք է արդյոք պաշտպանի Ղարաբաղը, եթե Ադրբեջանը ցանկանում է վերահսկողության տակ առնել խաղաղապահների պատասխանատվության տակ գտնվող տարածքները, Զախարովան պատասխանել է, որ ինքը կարող է միայն մեկնաբանել այն, ինչ տեղի է ունենում։

Այս թեմայով Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա Երևանին և Բաքվին կոչ ենք անում նվազեցնել ռազմատենչ հռետորաբանությունը. Զախարովա Արևմուտքը ՀՀ-ի ու Ադրբեջանի միջև լարվածությունը մեծացնում է. Զախարովա «Այսպիսի մարդիկ Հայաստանը տանում են փակուղի». Զախարովան՝ Արարատ Միրզոյանի հայտարարության մասին ԵՄ առաքելությունը Հայաստանում վերածվում է ՆԱՏՕ-ի առաքելության. Զախարովա Արևմուտքը ՀՀ-ին դրդում է ներդրումներ կատարել ռազմարդյունաբերական համալիրում՝ ՌԴ-ին հակազդելու համար. Զախարովա Հայաստանի իշխանությունները պետք է պատասխանատվություն կրեն իրենց որոշումների համար և սխալների մեղքը ոչ մեկի վրա չբարդեն. Զախարովա Արևմուտքը ցանկանում է՝ Հայաստանը կորցնի ինքնիշխանությունը. Զախարովա Երևանը Լեռնային Ղարաբաղի վերաբերյալ որոշումները կայացրել է ՆԱՏՕ-ի ազդեցության տակ. Զախարովա Հայաստանն իզուր է իրեն համեմատում ԵՄ-ի հետ. Զախարովա