Սիրիայի և ԱՄԷ-ի նախագահները հանդիպում են անցկացրել

Սիրիայի նախագահ Բաշար Ասադը և նրա կինը՝ Ասմա ալ Ասադը մարտի 19-ին սկսել են այցը ԱՄԷ, ժամանելուն պես նրանց ողջունել է երկրի նախագահ Մուհամեդ բին Զայեդ Ալ Նահյանը, տեղեկացնում է «Ինտերֆաքս»-ը:

«Այսօր ԱՄԷ-ում ընդունել եմ Սիրիայի նախագահ Բաշար Ասադին, և մենք կառուցողական բանակցություններ ենք վարել մեր երկրների միջև հարաբերությունների զարգացման համար», - գրել է ԱՄԷ նախագահը սոցցանցերում:

Նա հավելել է, որ «մենք նաև քննարկումներ ենք անցկացրել Սիրիայում և տարածաշրջանում իրադարձությունների կայունությունն ու դրական դինամիկան ամրապնդելու նպատակով համագործակցությունն ուժեղացնելու ուղիների շուրջ»:

The National News թերթի տվյալներով՝ ԱՄԷ Է ժամանել նաև սիրիական պատվիրակությունը, այդ թվում ՝ էկոնոմիկայի և տեղեկատվության նախարարները:

2021 թվականին ԱՄԷ-ն հանդես է եկել Դամասկոսի հետ հարաբերությունների կարգավորման օգտին և կոչ է արել վերականգնել Սիրիայի անդամակցությունը Արաբական պետությունների լիգային։  2021 թվականի վերջին Դամասկոսում վերսկսել է աշխատանքը ԱՄԷ դեսպանատունը։  2022 թվականի մարտին Ասադն այցելել է ԱՄԷ՝ Սիրիայում հակամարտության սկսվելուց ի վեր առաջին այցն արաբական երկիր։

 2023 թվականի հունվարին ԱՄԷ արտաքին գործերի նախարար Շեյխ Աբդալլահ բին Զայեդ Ալ Նահյանը Սիրիա էր ժամանել Ասադի հետ բանակցելու համար։  Փետրվարին Ասադը նաև այցելել է Օման։

Արևմտյան ԶԼՄ-ները հիշեցնում են, որ ԱՄԷ-ն փետրվարի 6-ին տարածաշրջանում տեղի ունեցած երկրաշարժից հետո ակտիվորեն օգնություն է ցուցաբերել տուժած Սիրիային և նրան 100 մլն դոլար է ուղղել՝ ավելի շատ, քան ցանկացած այլ երկիր:

Այս թեմայով Կացարանում զոհված զինծառայողների հարազատները հանդիպում են զինդատախազի հետ Էդգար Ղազարյանը՝ որպես ՄԻՊ թեկնածու, առաջարկել է հանդիպում կազմակերպել ՔՊ-ական պատգամավորների հետ Հայաստանը երեկ հիանալի հանդիպում անցկացրեց Թուրքիայի դեմ․ ԱՄՆ դեսպան Բոլորս էլ գիտենք, թե մեզ ինչ հանդիպում է սպասվում. Վարազդատ Հարոյան Հայ ու հույն ազգերի դատերը միասնական ճիգով է պետք հետապնդել․ հանդիպում՝ ուղղափառ եկեղեցում ՌԴ ՀՌՇ հատուկ նշանակության ջոկատը պայմանական հակառակորդի դիվերսիոն խմբին հակազդելու վարժանք է անցկացրել Հայաստանում Ռուսական հատուկ ջոկատայինները պլանային վարժանք են անցկացրել ՀՀ-ում․ ոչնչացրել են «թշնամու» ուժերին Մոսկվայում տեղի է ունեցել հանդիպում ֆրանսիացի գեներալ Շառլ դը Գոլի թոռան և Ռուս-հայկական գործարար խորհրդի խորհրդի նախագահ Մհեր Ավետիսյանի միջև «Ժողովուրդ». Արսեն Թորոսյանը Փաշինյանից հանդիպում է խնդրել ու մերժում ստացել Ենթադրենք՝ վարչապետը, ՀՀ կամ ԱԺ նախագահները հոգեկան հիվանդ են, ո՞նց կտիրապետեն պետական գաղտնիքին