Հայաստանը մեծապես կարևորում է Թունիսի հետ համագործակցությունը․ Փաշինյանը շնորհավորական ուղերձներ է հղել

 Հայաստանի վարչապետ Նիկոլ Փաշինյանը շնորհավորական ուղերձներ է հղել Թունիսի Հանրապետության նախագահ Կայս Սաիդին և վարչապետ Նաջլա Բուդեն Ռոմդանին՝ ազգային տոնի առթիվ: Այս մասին տեղեկացրին ՀՀ կառավարության տեղեկատվության և հասարակայնության հետ կապերի վարչությունից։ 

Թունիսի նախագահին ուղղված շնորհավորական ուղերձում նշված է. 

«Ձերդ գերազանցություն, 

Ջերմորեն շնորհավորում եմ Ձեզ Թունիսի Հանրապետության ազգային տոնի՝ Անկախության օրվա կապակցությամբ։ 

Հայաստանը մեծապես կարևորում է Թունիսի հետ համագործակցությունը և շահագրգռված է դրա հետագա զարգացմամբ։ 

Ուրախությամբ կարող ենք արձանագրել, որ Հայաստանի և Թունիսի միջև ձևավորվել են ջերմ բարեկամական հարաբերություններ՝ հիմնված փոխադարձ հարգանքի վրա։ Միևնույն ժամանակ առկա է երկկողմ և բազմակողմ կապերի առավել ընդլայնման և խորացման չօգտագործված մեծ ներուժ, ինչը վստահ եմ՝ համատեղ ջանքերով մոտ ապագայում կկարողանանք իրացնել։ 

Մաղթում եմ Ձեզ առողջություն և նորանոր հաջողություններ, իսկ Թունիսի բարեկամ ժողովրդին՝ հարատև խաղաղություն և բարեկեցություն»: 

Թունիսի վարչապետին ուղղված շնորհավորական ուղերձում ասված է. 

«Ձերդ գերազանցություն, 

Թունիսի Հանրապետության Անկախության օրվա կապակցությամբ Ձեզ եմ հղում իմ անկեղծ շնորհավորանքներն ու բարեմաղթանքները։ 

Հայաստանը մեծապես արժևորում է Թունիսի հետ բարեկամական հարաբերությունները և հետաքրքրված է փոխշահավետ համագործակցության հետագա ընդլայնմամբ և խորացմամբ ինչպես երկկողմ, այնպես էլ բազմակողմ հարթակներում։ 

Լիահույս եմ, որ համատեղ աշխատանքի արդյունքում կկարողանանք հայ-թունիսյան հարաբերությունները հասցնել նոր՝ ավելի բարձր մակարդակի՝ ի բարօրություն մեր երկու բարեկամ ժողովուրդների։ 

Մաղթում եմ Ձեզ քաջառողջություն և նոր ձեռքբերումներ, իսկ Թունիսի բարեկամ ժողովրդին՝ հարատև խաղաղություն և բարեկեցություն»:

Այս թեմայով Ինչո՞ւ է Աշոտ Փաշինյանը իրեն նետել մեքենայից Նիկոլ Փաշինյանը չի հասկացել Ալիևի ելույթը, այսքանից հետո մեկնելո՞ւ է Քիշնև բանակցի ԱԺ հանձնաժողովներում մեկնարկել են 2022-ի բյուջեի կատարողականի քննարկումները. Ներկա է Փաշինյանը. ՈՒՂԻՂ Փաշինյանը քիչ էր մնում ներողություն խնդրեր Թուրքիայից՝ հայ ժողովրդի կողմից հաղթած Սարդարապատի համար Արարատյան դաշտում անմշակ հողը զարմանալի տեսարան է, պետք է խնդիրը հասկանանք․ Փաշինյանը Արմավիրում է Կուտակված քաղաքացիները սպասում են, թե երբ կհեռանա Փաշինյանը, որ մտնեն Սարդարապատ Ռոբերտ Քոչարյանն ուղերձ է հղել Փաշինյանը խաղաղության քարոզ կարդաց Սարդարապատում՝ հիշելով Առաջին Հանրապետության դասերը Նիկոլ Փաշինյանը ժամանեց Սարդարապատի հուշահամալիր Հայաստանը Վրաստանի համար վստահելի բարեկամ ու հարևան պետություն է․ Նիկոլ Փաշինյանը ուղերձ հղել